دہلی،این سی آر میں زبردست کامیابی کے بعد اوبر نے جمعرات کو اپنی لمیٹڈ ایڈیشن انٹرسٹی موٹر ہومز کی پائلٹ مہم کو ممبئی، بنگلور اور پونے تک توسیع کرنے کا اعلان کیا ہے۔ اس پیشکش کے تحت اپنی مرضی کے مطابق ڈیزائن کردہ، کارواں طرز کے موٹر ہومز آؤٹر روڈ ٹرپ کیلئے بک کیاجا سکتا ہے۔یہ پیشکش دہلی-این سی آر میں بھی۳۱؍دسمبر ۲۰۲۵ء تک جاری رہے گی۔ 

ممبئی، بنگلور اور پونے میں سوار اب۱۵؍ اکتوبر سے شروع ہونے والے انٹرسٹی موٹر ہوم ٹرپس بک کر سکتے ہیں جس کی بکنگ۱۳؍ اکتوبر سے شروع ہوگی۔ پروڈکٹ دہلی-این سی آر میں بکنگ کے لئے بھی لائیو ہوگی۔ 

اس سلسلے میں بات چیت کرتے ہوئے کنزیومر گروتھ  اوبر انڈیا اور جنوبی ایشیا کے ڈائریکٹر شیوا شیلیندرن نے کہا کہ اوبر انٹرسٹی ایک آسان، آرام دہ اور قابل بھروسہ انٹرسٹی ٹریول آپشن کے خواہاں مسافروں کیلئے ترجیحی انتخاب بن گیا ہے۔ انٹرسٹی کی بڑھتی ہوئی مقبولیت واضح طور پر ظاہر کرتی ہے کہ مختصر دورے، ورک وزٹ، خاندانی دوروں کے لئے سڑک کے سفر کے بڑھتے ہوئے اختیار کو اپنایا جا رہا ہے۔

 

 

ہماری مہم کی کامیابی اور کئی دوسرے شہروں میں توسیع کے ساتھ، ہم مزید انٹرسٹی کو ملک میں طویل فاصلے کے سفر کیلئے ترجیحی انتخاب کے طور پر قائم کر رہے ہیں۔  انہوں  نے مزید کہا کہ تہواروں اور شادیوں کے موسم کی وجہ سے اکتوبر سے دسمبر ہندوستان میں باہر کے سفر کیلئے مصروف ترین مہینے ہوتے ہیں۔ مزید برآں، موسم خزاں اور سردیوں کے دوران خوشگوار موسم لوگوں کو خاندان اور دوستوں کے ساتھ تعطیلات یا ہفتے کے آخر میں سفر کرنے کی ترغیب دیتا ہے۔ اس سے اس مدت کے دوران انٹر سٹی سفر کے لئے آرام دہ، لچکدار اور قابل اعتماد اختیارات کی مانگ میں اضافہ ہوتا ہے۔

اوبر انٹرسٹی کے ساتھ باہر کے سفر کو فروغ دینے کے لئے اس سال اگست میں شروع کردہ موٹر ہومز  مہم کو مسافروں کی طرف سے زبردست ردعمل ملا ہے، خاص طور پر وہ لوگ جو ذاتی اور آرام دہ سفر کا تجربہ چاہتے ہیں۔ مانسون کے سفر کے سیزن کے دوران دارالحکومت میں ایک ماہ تک چلنے والے پائلٹ نے تمام دنوں میں۱۰۰؍فی صدآکیوپنسی دیکھنے کو ملی جس میں دیگر شہروں سے بھی حوصلہ افزائی ملی۔ مہم کی توسیع ہندوستان میں پریمیم اور لچکدار لمبی دوری کے سڑک کے سفر کے اختیارات کی بڑھتی ہوئی مانگ کی عکاسی کرتی ہے۔ موٹر ہوم ٹرپس تمام اوبر انٹرسٹی سواریوں کی طرح ’ریزرو‘ کے ذریعے پیشگی بک کی جا سکتی ہیں۔