یوکرین کا کہنا ہے کہ اس نے روسی فوج کے ساتھ مل کریوکرین کے خلاف لڑنے والے ہندوستانی شہری کو گرفتار کیا ہے،یہ نوجوان حصول تعلیم کیلئے روس گیا تھا، لیکن منشیات کے الزام میں سزا سے بچنے کیلئے اس نے خصوصی فوجی آپریشن کے معاہدے پر دستخط کئے تھے۔

یوکرین نے دعویٰ کیا ہے کہ اس نے روس کی جانب سے یوکرین کے خلاف لڑنے والے ہندوستانی شہری کو گرفتار کر لیا ہے، یہ ۲۲؍ سالہ نوجوان مجوتی ساحل محمد حسین، گجرات کے شہر موربی کا رہنے والا  ہے۔ وہ روس کی یونیورسٹی میں تعلیم حاصل کرنے گیا تھا، جہاں منشیات کے ایک مقدمے میں روسی عدالت نے اسے ۷؍ سال قید کی سزا سنائی تھی۔سزا سے بچنے کے لیے اس نے روسی فوج کے ساتھ ’’خصوصی فوجی آپریشن‘‘ کے معاہدے پر دستخط کر دیے ۔اور محض ۱۶؍ دن کی ابتدائی تربیت کے بعد اسے یوکرین کے محاذ پر بھیج دیا گیا۔تین دن بعد اپنے کمانڈر سے جھگڑے کے بعد اس نے خود کو یوکرین کی ۶۳؍ ویںمیکانائزڈ بریگیڈ کے حوالے کر دیا ۔حسین کا اصرار ہے کہ وہ واپس روس نہیں جانا چاہتا۔

#BREAKING

Ukraine says it has captured an Indian national fighting for Russia

Identified as 22-year-old Majoti Sahil Mohamed Hussein from Morbi, Gujarat, who went to Russia for studies

Ukraine’s 63rd Brigade says he was jailed on drug charges and later made to join the Russian… pic.twitter.com/27b3kJzkQa

— Nabila Jamal (@nabilajamal_) October 7, 2025

پی ٹی آئی کے مطابق اس خبر کے بعد ہندوستانی وزارت خارجہ اور یوکرین کے دارالحکومت کيف میں واقع ہندوستانی سفارت خانے نے اس واقعے کی تصدیق کے عمل کا اعلان کیا ہے۔ ابھی تک یوکرین کی طرف سے کوئی باقاعدہ رابطہ نہیں ہوا ہے ۔واضح رہے کہ یہ واقعہ اس وسیع تر مسئلے کی ایک کڑی ہے جس میں متعدد ہندوستانی شہریوں کو اسٹوڈنٹ یا بزنس ویزا پر روس بلایا گیا،پھر انہیں دباؤ ڈال کر یا دھوکے سے روسی فوج میں شامل کر لیا گیا ۔

یہ بھی پڑھئے: اسرائیل کا غزہ جانے والے فریڈم فلوٹیلا کولیشن کے جہازوں پر حملہ، کارکنان گرفتار

اس سے قبل ہندوستان نے روسی فوج میں شامل۲۷؍ ہندوستانی شہریوں کی رہائی اور وطن واپسی کی باقاعدہ درخواست کی ہے ۔وزیر اعظم نریندر مودی نے گزشتہ سال روس کے دورے کے دوران اس معاملے کو روسی صدر ولادیمیر پوتن کے سامنے اٹھایا تھا ۔سرکاری اعداد و شمار کے مطابق، روسی فوج میں شامل ہونے والے ہندوستانی شہریوں کی کل تعداد۱۵۰؍ سے زیادہ ہے، جن میں سے۱۲؍ ہلاک،۹۶؍ رہا ہو چکے ہیں جبکہ۱۶؍ لاپتہ ہیں ۔