یو این آر ڈبلیو اے کے سربراہ نے اتوارکو بتایا کہ اسرائیل نے ایجنسی کی جانب سے امدادی قافلے کو منظوری دینے سے انکار کردیا ہے۔ ایجنسی کے کمشنر جنرل فلپ لازارینی نے اپنے ایکس پوسٹ میں لکھا ہے کہ یہ انتہائی شرمناک حرکت ہے۔ اس طرح کی رکاوٹوں کو ختم کیا جانا چاہئے۔ خیال رہے کہ غزہ میں بھکمری کے سبب اب تک ۲۷؍ بچوں کی موت ہو چکی ہے۔

یو این آر ڈبلیو اے کے ہیڈ نے اتوار کوبتایا تھا کہ اسرائیل نے مطلع کیا ہے کہ وہ ایجنسی کی جانب سے امدادی قافلے کو اب منظوری نہیں دے گا۔ خیال رہے کہ اسرائیل کا یہ فیصلہ یو این کی اس رپورٹ کے کہ شمالی غزہ قحط کےدہانے پر ہے، کے بعد سامنے آیا ہے۔

یہ بھی پڑھئے: غزہ جنگ پر عالمی برادری کا رد عمل ’’مایوس کن‘‘ ہے: جامعہ الازہر کے امام
اس ضمن میں فلپ لازارینی نے اپنے ایکس پوسٹ میں لکھا کہ یہ انتہائی شرمناک حرکت ہےاور یہ انسانی کے پیدا کردہ بحران کے درمیان انسانی امداد کی رسائی میں رکاوٹ بننے کے مترادف ہے۔ اس طرح کی رکاوٹوں کو ختم کیا جانا چاہئے۔

📍# Gaza: as of today, @UNRWA, the main lifeline for #Palestine Refugees, is denied from providing lifesaving assistance to northern Gaza.

Despite the tragedy unfolding under our watch, the Israeli Authorities informed the UN that they will no longer approve any @UNRWA food… pic.twitter.com/lfp9xRQuh1

— Philippe Lazzarini (@UNLazzarini) March 24, 2024

فلسطین کی وزرات صحت نے مطلع کیا ہے کہ اب تک غزہ میں بھکمری کے سبب ۲۷؍ بچوں کی موت ہوئی ہے۔ انہوں نے متنبہ کیا کہ غزہ قحط کے دہانے پر ہے اور مزید افراد کے  بھوک اور پانی کی کمی کے سبب فوت ہونے کے امکانات ہیں۔

یہ بھی پڑھئے: امریکی نوجوان غزہ میں اسرائیلی جارحیت کے خلاف ہیں: پیو ریسرچ
ڈبلیو ایچ او کے چیف ٹیڈروس ادھانوم گیبریئس نے اسرائیل سے مطالبہ کیاتھا کہ وہ اپنے امدادی قافلے کے داخلے پر پابندی عائد کرنے کے فیصلے کو’’فوری طور پر تبدیل کرے۔‘‘

Blocking @UNRWA from delivering food is in fact denying starving people the ability to survive. This decision must be urgently reversed. The levels of hunger are acute. All efforts to deliver food should not only be permitted but there should be an immediate acceleration of food… https://t.co/JxuipvVK41

— Tedros Adhanom Ghebreyesus (@DrTedros) March 24, 2024

انہوں نے مزید کہا تھا کہ غزہ میں بھکمری کی سطح شدید حد تک بڑھتی جا رہی ہے۔ وہاں غذائی امداد کی رسائی کیلئے ہر جدوجہد کو ممکن بنایا جانا چاہئے اور خوراک کی ترسیل میں تیزی ہونی چاہئے۔خیال رہے کہ اسرائیل انتظامیہ نے غزہ،خاص طورپر شمالی غزہ، میں انسانی امداد کی رسائی کو ناممکن بنایا ہے۔