۱۵؍ ستمبر سے قوانین بدلیں گے۔ ڈجیٹل ادائیگی کرنے والوں کے لیے بڑی خبر ہے۔ نیشنل پیمنٹ کارپوریشن آف انڈیا(این پی سی آئی) نے یوپی آئی ٹرانزیکشن کی حد بڑھا دی ہے۔ نئی حدیں۱۵؍ ستمبر ۲۰۲۵ء سے نافذ العمل ہوں گی۔

ڈجیٹل ادائیگی کرنے والوں کے لیے بڑی خبر ہے۔ نیشنل پیمنٹ کارپوریشن آف انڈیا(این پی سی آئی)  نے یو پی آئی  ٹرانزیکشن کی حد بڑھا دی ہے۔ نئی حدیں۱۵؍ ستمبر ۲۰۲۵ء سے نافذ ہوں گی۔ اس سے خاص طور پر ان لوگوں کو فائدہ پہنچے گا جنہیں روزانہ کی بنیاد پر بیمہ پریمیم، قرض کی ای ایم آئی، اسٹاک مارکیٹ میں سرمایہ کاری، سرکاری فیس یا بڑی سفری بکنگ جیسی اعلیٰ قیمت کی ادائیگیاں کرنی پڑتی ہیں۔
حد کہاں بڑھ گئی؟
کیپٹل مارکیٹ اور انشورنس: پہلے حد۲؍ لاکھ روپے تھی، اب اسے بڑھا کر۵؍ لاکھ روپے فی لین دین کر دیا گیا ہے۔ آپ ایک دن میں۱۰؍ لاکھ روپے تک کی ادائیگی کر سکیں گے۔

یہ بھی پڑھیئے:ایپل کی ہندوستان میں ریکارڈ کمائی

گورنمنٹ ای-مارکیٹ پلیس اور ٹیکس: اب ایک  لاکھ کے بجائے ۵؍ لاکھ تک کا لین دین کیا جا سکتا ہے۔
سفری بکنگ: اب۵؍ لاکھ تک کے ٹکٹ بک کیے جاسکتے ہیں، ایک  لاکھ سے اوپر، روزانہ کی حد۱۰؍ لاکھ تک ہے۔
کریڈٹ کارڈ بل کی ادائیگی: اب ایک وقت میں ۵؍ لاکھ تک کی ادائیگی ممکن ہے، لیکن روزانہ کی حد۶؍ لاکھ رکھی گئی ہے۔
لون اور ای ایم آئی کی وصولی: اب فی لین دین۵؍ لاکھ اور روزانہ۱۰؍ لاکھ تک کی ادائیگی کی جا سکتی ہے۔
زیورات کی خریداری: ایک  لاکھ سے بڑھ کر۲؍ لاکھ فی لین دین، یومیہ کیپ۶؍ لاکھ رکھی گئی ہے۔
بینکنگ خدمات (ٹرم ڈپازٹ): اب ڈجیٹل آن بورڈنگ پر ۵؍ لاکھ تک کی حد ہے، پہلے یہ۲؍ لاکھ تھی۔
غیر ملکی زرمبادلہ کی ادائیگی (بی بی پی ایس): اب۵؍  لاکھ تک لین دین، یومیہ کیپ بھی  ۵؍ لاکھ ہے۔
ڈجیٹل اکاؤنٹ کھولنا: حد پہلے کی طرح۲؍ لاکھ رہے گی۔
 یہ تبدیلی کیوں اہم ہے؟
 نئی حدود کے ساتھ، صارفین کو چھوٹے حصوں میں بار بار بڑی رقم ادا کرنے کی ضرورت نہیں ہوگی۔انشورنس پریمیم یا قرض کی ای ایم آئی  ایک بار میں ادا کی جا سکتی ہے۔اسٹاک مارکیٹ اور سرکاری فیس میں آسانی ہوگی۔ بڑے ٹکٹ یا زیورات خریدنا بھی یو پی آئی  سے ممکن ہوگا۔