نیویارک میں مقیم بین المذاہب لیڈر امام شمسی علی نے کہا کہ وہ یوگا انٹرنیشنل یو ایس اے کے منتظمین باوا جین اور دلیپ جی کمار کی دعوت پر شرکت کیلئے گئے تھے، انہیں علم نہیں تھا کہ بھاگوت اس تقریب کے مرکزی مہمان ہوں گے۔ علی نے کہا کہ ”اگر مجھے معلوم ہوتا کہ یہ تقریب موہن بھاگوت کے اعزاز میں منعقد کی گئی ہے تو میں فوری طور پر انکار کر دیتا۔“ انہوں نے بھاگوت کے امن سے متعلق بیانات کو محض ”زبانی جمع خرچ“ قرار دیا۔

گزشتہ سنیچر کو نیویارک میں منعقدہ ایک تقریب میں آر ایس ایس کے سربراہ موہن بھاگوت کے ساتھ اسٹیج پر موجود دو امریکی مذہبی لیڈران نے کہا ہے کہ انہیں پہلے سے مطلع نہیں کیا گیا تھا کہ اس میں ہندوتوا تنظیم کے لیڈر بھی شرکت کریں گے۔ واضح رہے کہ بھاگوت نے میڈیسن اسکوائر گارڈن میں ”ون ورلڈ ون ہیومینٹی“ کے عنوان سے منعقدہ تقریب کے دوران تقریباً ۵۰۰۰ شرکاء سے خطاب کیا۔

Very disturbing. A church leader in the US says she was misled into attending the @RSSorg ‘s @DrMohanBhagwat event in New York. The RSS cannot keep hiding and cloaking and avoiding daylight. The truth about its violent exclusivist ideology is known all over the world. pic.twitter.com/2NxaPV4HYY

— Sagarika Ghose (@sagarikaghose) September 3, 2026

ریور سائیڈ چرچ کی سینئر وزیر ریورنڈ ایڈرین تھورن نے کہا کہ انہیں امن سے متعلق ایک بین المذاہب اجتماع کے طور پر مدعو کیا گیا تھا اور یہ نہیں بتایا گیا تھا کہ بھاگوت یا آر ایس ایس اس میں شامل ہوں گے۔ انہوں نے ایک ویڈیو پیغام میں کہا کہ ”ہندوستان میں مسلمانوں، عیسائیوں، سکھوں، دلتوں اور دیگر مذہبی اقلیتوں کے خلاف تشدد اور امتیازی سلوک میں آر ایس ایس کے کردار کی بڑے پیمانے پر دستاویزی شہادتیں موجود ہیں۔“ انہوں نے مزید کہا کہ اگر انہیں معلوم ہوتا تو وہ ہرگز شرکت نہ کرتیں۔ تھورن نے الزام لگایا کہ منتظمین نے ”اہم معلومات چھپائیں“ اور وہ خود کو گمراہ محسوس کر رہی ہیں۔ انہوں نے کہا کہ ”میں ہندو برتری کو اسی طرح مسترد کرتی ہوں جس طرح میں عیسائی برتری، مسلم برتری، یہودی برتری، نسل پرستی اور ہر اس نظریے کو مسترد کرتی ہوں جو ایک طبقے کو دوسرے پر فوقیت دیتا ہے۔“

یہ بھی پڑھئے: بھاگوت کی تقریرکے بعد۹۰؍ امریکی سیاستدانوں کا آرایس ایس سے فنڈنگ نہ لینے کا عہد

نیویارک میں مقیم بین المذاہب لیڈر امام شمسی علی نے بھی اسی طرح کا بیان دیتے ہوئے کہا کہ وہ یوگا انٹرنیشنل یو ایس اے کے منتظمین باوا جین اور دلیپ جی کمار کی دعوت پر شرکت کیلئے گئے تھے، انہیں علم نہیں تھا کہ بھاگوت اس تقریب کے مرکزی مہمان ہوں گے۔ علی نے کہا کہ ”اگر مجھے معلوم ہوتا کہ یہ تقریب موہن بھاگوت کے اعزاز میں منعقد کی گئی ہے تو میں فوری طور پر انکار کر دیتا۔“ انہوں نے بھاگوت کے امن سے متعلق بیانات کو محض ”زبانی جمع خرچ“ قرار دیا جو ہندوستان میں مسلمانوں اور اقلیتوں کو درپیش امتیازی سلوک سے متصادم ہیں۔ انہوں نے کہا کہ تقریب کی اصل نوعیت جاننے کے بعد انہوں نے میڈیسن اسکوائر گارڈن میں اس کے اگلے حصے میں شرکت سے انکار کر دیا اور اپنی ابتدائی شرکت کو ”فیصلے کی ایک سنگین غلطی“ قرار دیا۔

یہ بھی پڑھئے: ”آر ایس ایس کی جانب سے لاحق خطرات حقیقی ہیں“: برطانیہ میں موہن بھاگوت کے بائیکاٹ کا مطالبہ

آر ایس ایس پر تنقید

ٹی ایم سی کی راجیہ سبھا رکن ساگریکا گھوش نے تھورن کے ویڈیو کو شیئر کرتے ہوئے اس پیش رفت کو ”انتہائی پریشان کن“ قرار دیتے ہوئے کہا کہ آر ایس ایس ”ہمیشہ چھپتی، پردہ ڈالتی اور کھلے عام سامنے آنے سے بچتی نہیں رہ سکتی۔“ سینئر وکیل سنجے ہیگڑے نے کہا کہ یہ بات ”حیران کن“ ہے کہ آر ایس ایس کو شرکاء کو قائل کرنے کی ضرورت پیش آئی۔ انہوں نے نشان دہی کی کہ جن لوگوں کو بھاگوت کی موجودگی کا پہلے سے علم ہوا انہوں نے شرکت سے انکار کر دیا، جبکہ شرکت کرنے والے بعض دیگر افراد نے بعد میں پچھتاوے کا اظہار کیا۔