ٹرمپ انتظامیہ نے امریکہ میں جاری شٹ ڈاؤن کے دوران محکمے تعلیم کے خصوصی تعلیم کے عملے کے نصف اہلکار برطرف کردئے، محکمہ تعلیم کے۲۰؍ فیصد اہلکاروں کے ملازمت سے محروم ہونے کا خطرہ ہے، جس سے اہم پروگراموں کو خطرات لاحق ہو گئے ہیں۔

 امریکی حکومت کا شٹ ڈاؤن لگاتار تیسرے ہفتے میں داخل ہونے کا امکان ہے، خبروں کے مطابق تقریباً ساڑھے سات لاکھ وفاقی ملازمین کو برطرف کر دیا گیا ہے۔ محکمہ تعلیم کو اب ایک اور دور کے ملازمتوں کے خاتمے کا سامنا ہے۔ ایسوسی ایٹڈ پریس کے مطابق، پچھلی بڑے پیمانے پر برطرفیوں کی وجہ سے یہ محکمہ پہلے ہی سب سے زیادہ متاثرہ محکموں میں سے ایک تھا، اور یہ نئی کٹوتیاں اسے مزید غیر مستحکم کر دیں گی۔ خصوصی تعلیم سے لے کر شہری حقوق کے نفاذ اور اسکول کے بعد کے پروگراموں تک، پورے ملک کے طلباء اور اسکول اس کے اثرات محسوس کر سکتے ہیں۔

نیپال اور بنگلہ دیش کے بعد مڈغاسکر کے صدر جین زی کے مظاہرے کے بعد ملک سے فرار

جمعہ کو، ٹرمپ انتظامیہ نے محکمہ تعلیم کے۴۶۶؍ ملازمین کو برطرف کرنا شروع کیا۔ ان کٹوتیوں سے افرادی قوت میں تقریباً۲۰؍ فیصد کمی واقع ہوئی ہے۔ اب یہ ایجنسی صدر ٹرمپ کے جنوری۲۰۲۱ء میں دفتر سنبھالنے کے وقت کے مقابلے میں نصف سے بھی کم عملے کے ساتھ کام کرے گی۔ مارچ میں پہلے ہی ہونے والی برطرفیوں نے محکمے کو پہلے ہی آدھا کر دیا تھا۔ تاہم، کچھ ملازمین کو کچھ ہی دیر بعد دوبارہ ملازمت دے دی گئی تھی۔کہا جا رہا ہے کہ انتظامیہ محکمے کو ختم کر کے اس کے افعال دیگر ایجنسیوں میں منتقل کرنے کی منصوبہ بندی کر رہی ہے۔ اس سے قبل، موسم گرما کے دوران، بالغوں کی تعلیم اور ورک فورس پروگرام محکمہ لیبر میں منتقل کر دیے گئے تھے، اور محکمے کے ایک اعشاریہ ۶؍ٹریلین ڈالر کے طالب علم قرضوں کے پورٹ فولیو کو خزانہ کے محکمے میں منتقل کرنے کے بارے میں بات چیت جاری ہے۔
امریکن ایسوسی ایشن آف اسکول ایڈمنسٹریٹرز کی ڈائریکٹر برائے ووکیسی ساشا پوڈیلسکی نے خبردار کیا ہے کہ ان برطرفیوں سے اسکولوں کو ہونے والی ادائیگیوں میں تاخیر ہو سکتی ہے، جس میں انتہائی غریب علاقوں کے اساتذہ کے لیے فنڈز بھی شامل ہیں۔ انہوں نے کہا، ’’ہم ان لوگوں کے بارے میں بات کر رہے ہیں جو ہمارے وفاقی پبلک اسکول پروگراموں میں کام کرتے تھے۔‘‘

یہ بھی پڑھئے: اسرائیل: ٹرمپ کا دورہ، یرغمالوں کی واپسی، اعلیٰ شہری اعزاز سے نوازنے کا اعلان

دیگر پروگرام جن کے مستقبل کے بارے میں غیر یقینی کی صورتحال ہے ان میںٹی آر آئی او شامل ہے، جو کالج جانے والے کم آمدنی والے طلباء کی مدد کرتا ہے، اور تاریخی طور پر سیاہ فام کالجوں اور یونیورسٹیوں کے لیے وفاقی فنڈنگ فراہم کرتا ہے۔بری طرح متاثربرطرفیوں کی تفصیلات ابھی تک عوامی سطح پر جاری نہیں کی گئی ہیں۔ امریکن فیڈریشن آف گورنمنٹ ایمپلائیز نے خبردار کیا ہے کہ ان کٹوتیوں کا اثر کئی دفاتر پر پڑے گا۔وہ محکمہ جو لاکھوں معذور طلباء کے لیے مدد کو یقینی بناتاہے، اپنے تقریباً تمام عملے سے محروم ہو رہاہے، جہاں صرف چند اعلی عہدیدار باقی رہ گئے ہیں۔ اسی دوران، سول رائٹس آفس سے نامعلوم تعداد میں ملازمین کو برطرف کیا جا رہا ہے۔ یہ ڈویژن اسکولوں اور یونیورسٹیوں میں امتیازی سلوک کی تحقیقات کرتا ہے۔یونین کی صدر راشل گٹلمین نے کہا کہ  یہ برطرفی، گزشتہ کٹوتیوں کے ساتھ مل کر، معذور طلباء، کالج کے پہلی نسل کے طلباء، کم آمدنی والے طلباء، اساتذہ اور مقامی تعلیمی بورڈز کو ہونے والے نقصان کو دوگنا کر دے گی۔‘‘

یہ بھی پڑھئے: امریکہ: شٹ ڈاؤن کا تیسرا ہفتہ، ۵ء۷؍ لاکھ وفاقی ملازمین جبری چھٹی پر

دی آرک آف دی یونائیٹڈ اسٹیٹس کی سی ای او کیٹی نیس نے بتایا کہ خصوصی تعلیم کا دفتر تقریباً۲۰۰؍ عملے سے گھٹ کر صرف پانچ رہ جائے گا۔ انہوں نے کہا، ’’خاندان ریاستوں اور اسکولوں کے پیچیدہ معذوری کے قوانین پر عمل کرنے کو یقینی بنانے کے لیے ان ٹیموں پر انحصار کرتے ہیں،‘‘انہوں نے ٹیکساس میں ایک سابقہ مداخلت کا حوالہ دیا جس نے ہزاروں بچوں کو خصوصی تعلیمی خدمات تک رسائی حاصل کرنے میں مدد دی۔