امریکی دارالحکومت واشنگٹن میں ہزاروں افراد نے صدر ڈونالڈ ٹرمپ کی جانب سے شہر کی سڑکوں پر فوج کی تعیناتی کے خلاف احتجاجی مارچ کیا۔

امریکی دارالحکومت واشنگٹن میں ہزاروں افراد نے صدر ڈونالڈ ٹرمپ کی جانب سے شہر کی سڑکوں پر فوج کی تعیناتی کے خلاف احتجاجی مارچ کیا۔ وی آر آل ڈی سی نامی احتجاجی مارچ میں تارکین وطن اور فلسطین کے حامی بھی شریک ہوئے، پلے کارڈز اٹھائے مظاہرین نے فری ڈی سی اور ٹرمپ کے اقدام کے خلاف نعرے لگائے، انہوں نے حکومت سے فیصلہ واپس لینے کا مطالبہ کیا۔ مظاہرین کا کہنا تھا کہ وہ واشنگٹن پر قبضے کے خلاف احتجاج کر رہے ہیں اور چاہتے ہیں کہ فوج کو ہماری سڑکوں سے ہٹایا جائے، حکومت آمریت کے طرز پر اقدامات آزما رہی ہے اور یہی طریقہ بعد میں مزید علاقوں میں اپنایا جا سکتا ہے۔ 

یہ بھی پڑھئے: امریکہ کی ’جین زی‘ کے ۶۰ فیصد نوجوان حماس کے حامی، اسرائیل کی مخالفت کرتے ہیں: آن لائن سروے

رپورٹس کے مطابق۶؍ ریپبلکن اکثریتی ریاستوں سے بھیجے گئے اہلکاروں سمیت۲؍ ہزار سے زائد فوجی شہر کی سڑکوں پر تعینات ہیں، ان کے قیام کی مدت فی الحال غیر واضح ہے تاہم، امریکی فوج نے ڈی سی نیشنل گارڈ کی ڈیوٹی۳۰؍ نومبر تک بڑھا دی ہے۔ یاد رہے کہ امریکی صدر نے گزشتہ ماہ شہر میں جرائم کی شرح کا حوالہ دے کر فوج کی تعیناتی کا حکم دیا تھا لیکن محکمہ انصاف کے اعداد و شمار کے مطابق۲۰۲۴ء میں واشنگٹن میں پرتشدد جرائم کی شرح گزشتہ۳۰؍ برسوں کی کم ترین سطح پر تھی۔