امریکہ کو عظیم بنانے کے مقصد سے صدر ڈونالڈ ٹرمپ نے ۵؍ ملین ڈالر والے ’’گولڈن ویزا‘‘ کیلئے ویب سائٹ لانچ کی ہے جس پر امیدوار رجسٹریشن کرسکتے ہیں۔

امریکی صدر ڈونالڈ ٹرمپ نے اپنے ۵؍ ملین ڈالر کے امریکی رہائشی اجازت نامے کیلئے ایک نئی ویب سائٹ پر زور دیا، اور کہا کہ گولڈن ویزا کیلئے انتظار کی فہرست ’’ٹرمپ کارڈ ڈاٹ جی او وی‘‘ TrumpCard.gov پر دستیاب ہے۔ ٹرمپ نے بدھ کو ایک سوشل میڈیا پوسٹ میں لکھا کہ ’’ہزاروں لوگ فون کر رہے ہیں اور پوچھ رہے ہیں کہ وہ دنیا کے عظیم ترین ملک اور مارکیٹ تک رسائی حاصل کرنے کیلئے ایک خوبصورت سڑک پر کیسے پہنچ سکتے ہیں۔‘‘ واضح رہے کہ ٹرمپ نے اپریل میں ایئر فورس ون پر سوار اس طرح کے پہلے ویزا کی نقاب کشائی کی، جس میں ایک سنہری پروٹو ٹائپ تھا جس میں ان کی تصویر تھی اور وعدہ تھا خصوصی اجازت نامہ کا جو ’’دو ہفتوں سے بھی کم وقت میں‘‘ امیدوار کو دستیاب ہوگا۔

یہ بھی پڑھئے: ہندوستانیوں کو ٹرمپ پر اعتماد، امریکہ کی عالمی شبیہ متاثر: پیو اسٹڈی

واضح رہے کہ یہ ویزا ابھی دستیاب نہیں ہے لیکن بدھ کو اعلان کردہ ویب سائٹ دلچسپی رکھنے والے امیدواروں کو اپنا نام، مطلوبہ ویزا اور ای میل ایڈریس ایک ہیڈر کے تحت جمع کرانے کی اجازت دیتی ہے جس میں لکھا ہے کہ ’’ٹرمپ کارڈ آ رہا ہے۔‘‘ اس سے پہلے ٹرمپ نے کہا تھا کہ نیا ویزا، روایتی گرین کارڈ کا ایک اعلیٰ قیمت والا ورژن ہوگا جوب جو امریکہ میں روزگار پیدا کرنے والوں کو لائے گا اور اس کا استعمال امریکہ کے قومی خسارے کو کم کرنے کیلئے کیا جا سکتا ہے۔ اہم بات یہ ہے کہ یہ اعلان اس وقت کیا گیا ہے جب ملک بھر میں ملک بدری کے چھاپے مارے جا رہے ہیں، جس سے احتجاجی مظاہرے ہو رہے ہیں، اور ٹرمپ کی انتظامیہ کو امیگریشن مخالف بلٹز پر حقوق کی خلاف ورزیوں کے جاری مقدمات اور الزامات کا سامنا ہے۔ ٹرمپ نے کہا ہے کہ نیا کارڈ انتہائی قیمتی امریکی شہریت کا راستہ ہوگا۔ انہوں نے فروری میں کہا تھا کہ ان کی انتظامیہ کو ایسے ایک ملین کارڈ فروخت ہونے کی امید کی ہے۔