امریکہ نے اعلان کیا ہے کہ وہ یونیسکو سے ۳۱؍ دسمبر ۲۰۲۶ء کو علاحدہ ہوجائے گا۔ اس نے فلسطین کو بطور رکن تسلیم کرنے اور ٹرمپ انتظامیہ کی ’’امریکہ فرسٹ‘‘خارجہ پالیسی سے متصادم ہونے کا حوالہ دیتے ہوئے یہ فیصلہ کیا ہے۔

امریکہ نے یونیسکو کی جانب سے فلسطین کو بطور رکن تسلیم کرنے اور ٹرمپ انتظامیہ کی ’’امریکہ فرسٹ‘‘خارجہ پالیسی سے متصادم ہونے کا حوالہ دیتے ہوئے منگل ۳۱؍ دسمبر ۲۰۲۶ء کو یونیسکو سے اپنی تیسری دستبرداری کا اعلان کیا۔ اس ضمن میں محکمہ خارجہ کے ترجمان ٹمی بروس نے ایک بیان میں کہا کہ ’’آج، امریکہ نے ڈائریکٹر جنرل آڈرے ازولے کو یونیسکو سے علاحدگی کے امریکہ کے فیصلے سے آگاہ کیا۔ پیرس میں قائم ایجنسی میں مسلسل شمولیت واشنگٹن کے ’’قومی مفاد میں نہیں ہے۔‘‘ بروس نے کہا کہ یونیسکو تقسیم کرنے والے سماجی اور ثقافتی اسباب کو آگے بڑھاتا ہے اور اقوام متحدہ کے پائیدار ترقی کے اہداف پر توجہ مرکوز رکھتا ہے، اور انہیں عالمی ترقی کیلئے ایک عالمی، نظریاتی ایجنڈا کے طور پر بیان کرتا ہے جو ہماری امریکہ پہلی خارجہ پالیسی سے متصادم ہے۔‘‘

یہ بھی پڑھئے: ’ہم تمہاری معیشت کچل دیں گے‘:روسی تیل کی درآمد پر امریکی سینیٹر کی ہندوستان،چین اور برازیل کو دھمکی

ترجمان نے یونیسکو کے ۲۰۱۱ء میں فلسطین کو رکن ریاست کے طور پر تسلیم کرنے کے فیصلے کو ’’انتہائی مشکل، امریکی پالیسی کے برعکس‘‘ قرار دیتے ہوئے کہا کہ اس نے تنظیم کے اندر ’’اسرائیل مخالف‘‘ بیان بازی میں اہم کردار ادا کیا۔ واشنگٹن نے اس سے قبل ۱۹۸۴ء میں اس وقت کے صدر رونالڈ ریگن کی انتظامیہ کے تحت ایجنسی کی ’’بیرونی‘‘ سیاست کرنے کے خدشات کے ساتھ دیگر وجوہات کی بنا پر اس ادارے سے دستبرداری اختیار کر لی تھی۔ ۲۰۲۳ء میں سابق صدر جو بائیڈن کی قیادت میں، امریکہ یونیسکو کے ۱۹۴؍ ویں رکن ریاست کے طور پر دوبارہ شامل ہوا۔

یہ بھی پڑھئے: فرانسیسی رکن پارلیمنٹ نے غزہ جانے والے جہاز’حنظلہ‘ سے حکومت کو اس کی ذمہ داریوں کی یاد دہانی کرائی

یونیسکو کے سربراہ نے امریکہ کے اس فیصلے پر ’افسوس‘ ظاہر کیا۔ ازولے نے کہا کہ وہ امریکی صدر ڈونالڈ ٹرمپ کے تنظیم سے دوبارہ علاحدگی کے فیصلے پر مایوس ہیں۔ یہ فیصلہ کثیرالجہتی کے بنیادی اصولوں سے متصادم ہے۔سیاسی تناؤ میں گہری تبدیلیوں اور اتفاق رائے کیلئے ایک نادر فورم کے طور پر ایجنسی کے کردار کے باوجود انخلا کی وجوہات سات سال پہلے سے بدستور برقرار ہیں۔ ازولے نے یونیسکو کی ہولوکاسٹ کی تعلیم کی کوششوں اور سام دشمنی کے خلاف جنگ کو اجاگر کرتے ہوئے امریکی دعووں کو متنازعہ قرار دیا۔اور کہا کہ ’’تاہم افسوسناک، یہ اعلان متوقع تھا، اور یونیسکو نے اس کی تیاری پہلے ہی کرلی تھی۔