غزہ جنگ سے درست حکمت عملی سے نہ نمٹنے اور یرغمالوں کو آزاد کرانے میں عدم دلچسپی کے مد نظر اسرائیلی وزیر اعظم بنجامن نیتن یاہو کے خلاف اسرائیل عوام شدید احتجاج کرتے ہوئے سڑکو ں پر نکل آئے۔ مظاہرہ کے مسلسل چوتھے دن مظاہرین نے نیتن یاہو کو فرعون اور غدار جیسے القاب سے نوازا اور ان کے استعفیٰ کا مطالبہ دہرایا۔

ہزاروں اسرائیلیوں نے مسلسل چوتھی رات ریلی نکالی او وزیر اعظم بنجامن نیتن یاہو کی حکومت سے مستعفی ہو نے کا مطالبہ کیا۔ اور انہیں ’’غدار‘‘ قرار دیا۔ جنگ سے درست طریقے سے نہ نمٹنے کیلئے منگل کے احتجاج میں ہزاروں مشتعل اسرائیلی ملک کی پارلیمنٹ کے سامنے جمع ہوئے۔ یرغمال خاندانوں اور سابق وزیر اعظم ایہود بارک نے نیتن یاہو کو۷؍ اکتوبر کی ’’آفت‘‘ کا ذمہ دار ٹھہرایا اور انتخابات کا مطالبہ کیا۔ 

Revolutionary protest breaks out in Israel, where people are demanding resignation from Netanyahu and are heading towards his house. As a muslim and a peace lover, I pray for their success 🙏🏼

pic.twitter.com/kpRTVE3l3I

— Truly Tigress (@TrulyATigress) March 31, 2024

مظاہرین نے کہا کہ ’’تم فرعون ہو، تمہاری نگرانی میں ۲۴۰؍ افراد کو اغوا کیا گیا، یہ تمہاری غلطی ہے۔ ‘‘  انہوں نے مزید کہا کہ ’’تم ۷؍ اکتوبر کو ہرمحاذ پر ناکام ہوئے ہو اور اب تم یرغمالوں کے معاہدے میں رکاوٹ ہو۔ ‘‘ یرغمال بنائے گئے خاندان نیتن یاہو پربر ہم ہیں، جن کا کہنا ہے کہ انہیں رہا کرانےکیلئے واقعی دباؤ نہیں ڈالا گیا۔ 

یہ بھی پڑھئے: برطانیہ میں قائم فلسطین ایکشن گروپ نے امریکی ہتھیار ساز کمپنی پر قبضہ کیا
عوام نے خود کو حکومت مخالف مظاہرین کے ساتھ جوڑ لیا ہے جنہوں نے گزشتہ سال نو ماہ تک مارچ کیا تاکہ ان کی متنازع عدالتی اصلاحات کو ناکام بنایا جا سکے جن کے بارے میں ان کے بقول جمہوریت کو خطرہ ہے۔ پارلیمنٹ کے سامنے منگل کی ریلی میں بہت سے لوگوں نے اسرائیل کے سب سے طویل عرصے تک رہنے والے لیڈر پر الزام لگایا کہ وہ اقتدار پر اپنی گرفت کو طول دینے کیلئے جنگ کو استعمال کرنے کی کوشش کر رہے ہیں۔ 

یہ بھی پڑھئے: جنگ زدہ اسرائیل میں ہندوستانی مزدوروں کی پہلی کھیپ روانگی کیلئے تیار
مظاہرہ میں شامل ایک فرد نے کہا کہ ’’ریاست کا بنیادی فرض ہے کہ وہ مغوی کی واپسی کو یقینی بنائے۔ میں نا دان تھا، مجھے یہ احساس نہیں تھا کہ ہمارے وزیر اعظم سیاسی تحفظات کی وجہ سے انہیں واپس لانے میں دلچسپی نہیں رکھتے۔ ‘‘

tens of thousands protest in jerusalem against netanyahu’s govt yesterday

israel’s largest demonstration since the war began
pic.twitter.com/jT9rAViFTc

— ian bremmer (@ianbremmer) April 1, 2024

سابق وزیر اعظم باراک نے کہا کہ اگر نیتن یاہو نے رفح پر زمینی حملہ کیا تو ’’یرغمالی تابوت میں واپس آئیں گے۔ ‘‘انہوں نے فوری انتخابات کا مطالبہ کرتے ہوئے کہا کہ آفت کے ذمہ دار شخص کو اسٹیئرنگ وہیل سے ہٹا دیا جائے۔ ‘‘