زی کے اس مشن کو فیفا کی بھی حمایت حاصل رہے گی۔ کمپنی ٹیلنٹ کی تلاش، کوچنگ کی ترقی اور کھلاڑیوں کے وسائل کیلئے فیفا کے عالمی فریم ورک کی طرز پر تربیتی اقدامات اور لیگ ایکوسسٹم بنانے کا ارادہ رکھتی ہے۔ اس منصوبے کے حصے کے طور پر، زی فٹبال کی معروف شخصیات کو شعبہ جاتی ماہرین کے طور پر اپنے ساتھ شامل کرے گی تاکہ کھیل کیلئے ایک سازگار ماحول تیار کرنے میں مدد مل سکے۔

’زی انٹرٹینمنٹ انٹرپرائزز لمیٹڈ‘ نے زی۔۵ (ZEE5) کے فٹبال ورلڈکپ سبسکرپشن سے ہونے والی آمدنی کا ۱۵؍ فیصد حصہ پورے ملک میں زمینی سطح پر فٹ بال کی ترقی کیلئے وقف کرنے کا اعلان کیا ہے۔ اس اقدام کا مقصد شہری، ضلعی، ریاستی اور قومی سطحوں پر وسیع پیمانے پر فٹ بال لیگز کو ممکن بنا کر ٹیلنٹ نکھارنے کا منظم نظام تیار کرنا ہے۔

زی کے اس مشن کو فیفا کی بھی حمایت حاصل رہے گی۔ کمپنی ٹیلنٹ کی تلاش، کوچنگ کی ترقی اور کھلاڑیوں کے وسائل کیلئے فیفا کے عالمی فریم ورک کی طرز پر تربیتی اقدامات اور لیگ ایکوسسٹم بنانے کا ارادہ رکھتی ہے۔ اس منصوبے کے حصے کے طور پر، زی فٹبال کی معروف شخصیات کو شعبہ جاتی ماہرین کے طور پر اپنے ساتھ شامل کرے گی تاکہ کھیل کیلئے ایک سازگار ماحول تیار کرنے میں مدد مل سکے۔

یہ بھی پڑھئے: اگلی دہائی تک ہندوستان کی خلائی صنعت کا حجم ساڑھے تین لاکھ کروڑ تک ہوگا

کمپنی ٹیلنٹ کی شناخت اور تربیت کیلئے ٹھوس اقدامات کی وضاحت کیلئے عالمی سطح پر بڑی کھیلوں کی فیڈریشنز کے ساتھ ساتھ ہندوستان میں قومی اور ریاستی سطح کی ایسوسی ایشنز کے ساتھ بھی تعاون کرے گی۔ کمپنی کے مطابق، اس کا حتمی مقصد ایک عالمی سطح پر مسابقتی ہندوستانی فٹبال ٹیم تیار کرنا ہے جو ۲۰۳۴ء تک مختلف عمر کے گروپوں میں مردوں اور خواتین دونوں کے فیفا ورلڈ کپ میں حصہ لینے کی اہلیت رکھتی ہو۔

اس اقدام کے متعلق گفتگو کرتے ہوئے، زی انٹرٹینمنٹ انٹرپرائزز لمیٹڈ کے سی ای او پونیت گوئنکا نے کہا کہ ”ملک میں فٹبال ٹیلنٹ کا بڑا اور غیر استعمال شدہ ذخیرہ موجود ہے جو عالمی سطح پر مقابلہ کرنے کی بے پناہ صلاحیت رکھتا ہے۔ ایک ذمہ دار انڈسٹری اسٹیک ہولڈر اور ملک میں فٹبال کے گھر کے طور پر، یہ ہمارا عزم ہے کہ ہم ایک ایسا پائیدار اور سازگار ماحول بنائیں جو مجموعی طور پر فٹبال کی ترقی کی پرورش کرے۔“ انہوں نے مزید کہا کہ اس اقدام کا مقصد ”جذبے کو موقع کے ساتھ جوڑنا اور عوامی وابستگی کو حقیقی اثر میں تبدیل کرنا ہے۔“

یہ بھی پڑھئے: دنیا کے۵۰۰؍امیر ترین افراد کی دولت میں ایک ہی دن میں ریکارڈ۳۳۶؍ارب ڈالر کا اضافہ

واضح رہے کہ زی اس سے قبل بڑی کرکٹ لیگز کے ساتھ اپنی وابستگی کے ذریعے ملک میں کرکٹ کے ٹیلنٹ کو مضبوط بنانے میں اہم کردار ادا کر چکی ہے اور اب وہ فٹبال کیلئے بھی اسی طرح کی حکمتِ عملی اپنا رہی ہے، جس کا مقصد فٹبال کو ملک کے نوجوانوں کیلئے ایک معتبر کیریئر کے راستے کے طور پر فروغ دینا ہے۔