ہندوستان کے ابھرتے ہوئے بیڈمنٹن اسٹار آیوش شیٹی نے ایشین بیڈمنٹن چیمپئن شپ ۲۰۲۶ء میں ایک بڑا الٹ پھیر کرتے ہوئے دنیا کے چوتھے نمبر کے کھلاڑی اور ٹورنامنٹ کی تیسری سیڈ حاصل کرنے والے انڈونیشیا کے جوناتھن کرسٹی کو شکست دے کر سیمی فائنل میں جگہ بنا لی ہے۔ اس جیت کے ساتھ ہی آیوش نے ایونٹ میں اپنے لیے تمغہ بھی یقینی بنا لیا ہے۔

 ہندوستان کے ابھرتے ہوئے بیڈمنٹن اسٹار آیوش شیٹی نے ایشین بیڈمنٹن چیمپئن شپ ۲۰۲۶ء میں ایک بڑا الٹ پھیر کرتے ہوئے دنیا کے چوتھے نمبر کے کھلاڑی اور ٹورنامنٹ کی تیسری سیڈ حاصل کرنے والے انڈونیشیا کے  جوناتھن کرسٹی کو شکست دے کر سیمی فائنل میں جگہ بنا لی ہے۔ اس جیت کے ساتھ ہی آیوش نے ایونٹ میں اپنے لیے تمغہ بھی یقینی بنا لیا ہے۔

Shetty’s Sensation: Ayush Conquers Asia’s Best! 🏸🔥

​Talk about making a statement! Indian shuttler Ayush Shetty is absolutely lighting up the Bank of Ningbo Badminton Asia Championships 2026. @badmintonphoto 📸 pic.twitter.com/sWYe5htCLw

— BAI Media (@BAI_Media) April 9, 2026

سیمی فائنل میں پہنچنے کے ساتھ ہی آیوش شیٹی نے ایک نئی تاریخ رقم کر دی ہے۔وہ ۲۰۱۸ء میں ایچ ایس پرنئے کے بعد اس براعظمی ٹورنامنٹ میں تمغہ جیتنے والے پہلے  ہندوستانی مرد سنگلز کھلاڑی بن گئے ہیں۔۲۰۲۳ءمیں چراغ شیٹی اور ساتوک سائی راج رینکی ریڈی کے مینز ڈبلز گولڈ میڈل کے بعد یہ اس ٹورنامنٹ میں ہندوستان کا پہلا تمغہ ہوگا۔عالمی درجہ بندی میں ۲۵؍ویں نمبر پر موجود آیوش نے انڈونیشیا کے تجربہ کار اولمپین جوناتھن کرسٹی کو اسٹریٹ گیمز میں ۲۱۔۲۳، ۱۷۔۲۱؍ سے شکست دی۔

یہ بھی پڑھئے:ایل ایس جی کے خلاف ملی شکست کو کے کے آر کے لیے برداشت کرنا مشکل ہوگا: محمد کیف

آغاز سے ہی کانٹے کا مقابلہ رہا۔ کرسٹی ایک موقع پر۱۵۔۱۸؍ سے آگے تھے اور گیم پوائنٹ پر پہنچ گئے تھے، لیکن آیوش نے شاندار اعصاب کا مظاہرہ کرتے ہوئے واپسی کی اور ٹائی بریکر میں پہلا گیم اپنے نام کیا۔ آیوش نے دوسرے گیم میں بھی اپنی برتری برقرار رکھی۔ مڈ گیم بریک تک وہ ۹۔۱۱؍ سے آگے تھے، جس کے بعد انہوں نے حریف کھلاڑی کو واپسی کا موقع نہیں دیا اور تاریخی فتح حاصل کی۔

یہ بھی پڑھئے:اعجاز خان کی سمئے رائنا کو دھمکی: کہا،مجھے کہیں بھی نظر نہیں آنا

اس ٹورنامنٹ میں آیوش شیٹی ایک جائنٹ کلر کے طور پر ابھرے ہیں۔ انہوں نےپہلے راؤنڈ میں عالمی نمبر ۷؍ اور ایشین گیمز چیمپئن لی شی فینگ کو ہرا کر سب کو حیران کر دیا۔کوارٹر فائنل میں عالمی نمبر۴؍ جوناتھن کرسٹی کو زیر کیا۔ سیمی فائنل میں آیوش شیٹی کا مقابلہ تھائی لینڈ کے اولمپک سلور میڈلسٹ کنلاوت وتیدسرن یا چین کے وینگ ہونگ یانگ کے درمیان ہونے والے میچ کے فاتح سے ہوگا۔ آیوش شیٹی کی اس غیر معمولی کارکردگی نے  ہندوستانی  بیڈمنٹن کے مستقبل کے حوالے سے نئی امیدیں جگا دی ہیں۔ ان کی نظریں اب سیمی فائنل میں جیت درج کر کے گولڈ میڈل کی طرف بڑھنے پر مرکوز ہیں۔