ابراہیم زدران (۵۲؍رن)، عظمت اللہ عمرزئی (۲۷؍ رنز اور ۳؍ وکٹ) اور مجیب الرحمن (۴؍ وکٹیں) کی شاندار کارکردگی کی بدولت افغانستان نے پہلے ٹی۲۰؍ میچ میں زمبابوے کو۵۳؍ رن سے شکست دے کر ۳؍ میچوں کی سیریز میں ۰۔۱؍ کی برتری حاصل کر لی۔

ابراہیم زدران (۵۲؍رن)، عظمت اللہ عمرزئی (۲۷؍ رنز اور ۳؍ وکٹ) اور مجیب الرحمن (۴؍ وکٹیں) کی شاندار کارکردگی کی بدولت افغانستان نے پہلے ٹی۲۰؍ میچ میں زمبابوے کو۵۳؍ رن سے شکست دے کر ۳؍ میچوں کی سیریز میں ۰۔۱؍ کی برتری حاصل کر لی۔۱۸۱؍ رن کے ہدف کا تعاقب کرنے اتری زمبابوے کی ٹیم عظمت اللہ عمرزئی اور مجیب الرحمن کی تباہ کن بولنگ کے سامنے ۱۲۷؍ رنز پر آل آؤٹ ہو گئی اور افغانستان نے وائٹ بال سیریز میں کامیاب آغاز کیا۔ زمبابوے کی اننگز کا آغاز انتہائی مایوس کن رہا، جب مجیب نے صرف دوسرے اوور میں لگاتار گیندوں پر ۲؍ وکٹ حاصل کر لیں، جن میں تجربہ کار برینڈن ٹیلر کی وکٹ بھی شامل تھی۔ اس کے بعد عمرزئی نے میزبان ٹیم کو سنبھلنے کا موقع نہیں دیا اور اگلے ہی اوور میں دو مزید وکٹ لے کر زمبابوے کا اسکور ۲۵؍ رنز پر ۴؍ وکٹ کر دیا۔ عمرزئی نے اپنے اگلے اسپیل میں اوپنر برائن بینیٹ (۱۵؍ گیندوں پر ۲۴؍ رنز) کو بھی آؤٹ کر کے اپنی تیسرا وکٹ حاصل کیا۔نچلی صف میں بلے بازی کرتے ہوئے بریڈ ایوانز نے ۲۴؍ رنز بنائے جبکہ ٹینوٹنڈا ماپوسا نے ۱۵؍ گیندوں پر۳۲؍ رنز کی دلکش اننگز کھیلی  تاہم بعد میں مجیب الرحمن اور عبداللہ احمدزئی نے باقی کھلاڑیوں کو بھی جلد پویلین لوٹا دیا اور پوری ٹیم ۱ء۱۶؍ اوور میں ۱۲۷؍ رنز پر سمٹ گئی۔ افغانستان نے یہ میچ۵۳؍ رنز سے جیت لیا۔ عظمت اللہ عمرزئی کو ان کی آل راؤنڈ کارکردگی پر پلیئر آف دی میچ  قرار دیا گیا۔

𝐀𝐅𝐆𝐇𝐀𝐍𝐈𝐒𝐓𝐀𝐍 𝐖𝐈𝐍! 🙌

Afghanistan, banking on bowling heroics from @Mujeeb_R88 (4/20), @AzmatOmarzay (3/29) and Abdullah Ahmadzai (2/20), bundled out the home side for 127 and won the first T20I by 53 runs. 👏👏#AfghanAtalan | #AFGvZIM |… pic.twitter.com/1yQkD6QNzq

— Afghanistan Cricket Board (@ACBofficials) October 29, 2025

اس سے قبل بدھ کی شب کھیلے گئے میچ میں افغانستان کی جانب سے سلامی بلے باز رحمان اللہ گرباز اور ابراہیم زدران نے شاندار آغاز فراہم کرتے ہوئے پہلے وکٹ کے لیے ۷۶؍ رنز کی شراکت قائم کی۔ ۸؍ویں اوور میں گرباز۲۵؍ گیندوں پر ۳۹؍ رنز بنا کر سکندر رضا کی گیند پر آؤٹ ہوئے۔ اس کے بعد صادق اللہ  (۲۵؍رن) کو بلیسنگ مزرابانی نے پویلین بھیجا۔ بارہویں اوور میں سکندر رضا نے ابراہیم زدران اور درویش رسولی (صفر) کو لگاتار آؤٹ کر کے افغانستان کو مشکلات میں ڈال دیا۔ ابراہیم زدران نے۳۳؍ گیندوں پر ۶؍ چوکے اور ایک چھکا لگا کر۵۲؍ رنز بنائے۔

یہ بھی پڑھئے:انگلینڈ کو شکست دے کرجنوبی افریقہ خواتین کے ایک روزہ عالمی کپ کے فائنل میں

محمد نبی بغیر کوئی رن بنائے آؤٹ ہوئے جبکہ عظمت اللہ عمرزئی نے ۲۱؍ گیندوں پر۲۷؍ رنز کی مفید اننگز کھیلی۔ آخر میں شہیداللہ نے۱۳؍ گیندوں پر ناٹ آؤٹ۲۲؍رنز اور کپتان راشد خان نے پانچ گیندوں پر ناٹ آؤٹ ۸؍ رنز بنا کر ٹیم کا مجموعہ۲۰؍ اوورز میں ۶؍ وکٹوں کے نقصان پر ۱۸۰؍رن  تک پہنچا دیا۔زمبابوے کی جانب سے سکندر رضا نے ۳؍ اور بلیسنگ مزاربانی نے دو وکٹ حاصل کئے۔ بریڈ ایونز نے ایک بلے باز کو آؤٹ کیا۔