بابل خان ملیالم سنیما میں اپنے سفر کی ایک نئی اور خاص شروعات کرنے جا رہے ہیں۔ وہ ہدایتکاربابو جناردھن کی آنے والی فلم ’’گاندھی بازار سنڈے مارکیٹ‘‘ کے ساتھ ملیالم سنیما میں آغاز کریں گے۔

بابل خان  ملیالم سنیما میں اپنے سفر کی ایک نئی اور خاص شروعات کرنے جا رہے ہیں۔ وہ ہدایتکاربابو جناردھن   کی آنے والی فلم ’’گاندھی بازار سنڈے مارکیٹ‘‘ کے ساتھ ملیالم سنیما میں آغاز کریں گے۔ اس فلم کے ذریعے بابل ملیالم فلموں کی اُس دنیا کا حصہ بنیں گے جو اپنی گہرائی اور سچی کہانیاں بیان کرنے کے انداز کے لیے جانی جاتی ہے۔

یہ بھی پڑھئے:انیس بزمی کی بغیر عنوان کی کامیڈی فلم۴؍ دسمبر۲۰۲۶ء کو ریلیز ہوگی

بابل خان نے اب تک اپنی منفرد اور دل کو چھو لینے والی پرفارمنس کے ذریعے انڈسٹری میں اپنی خاص پہچان بنائی ہے۔ ملیالم سنیما میں ان کا قدم یہ ظاہر کرتا ہے کہ وہ مسلسل نئے اور مختلف قسم کے کرداروں اور کہانیوں کو اپنانا چاہتے ہیں۔ اس فلم میں بابل کے ساتھ اپرنا بالامرلی، دیپک پرمبول، نکھل نائر، جانی انٹونی، جگدیش، سدھیرکرمانا، اُننی راجا، آتمیا راجن اور جے شنکر جیسے فنکار بھی نظر آئیں گے۔

یہ بھی پڑھئے:آبنائے ہرمز کی بندش کے سبب ۴۵؍ ملین افراد کا غذائی تحفظ خطرے میں: اقوام متحدہ

ذرائع کے مطابق’’بابل ہمیشہ ایسی کہانیوں کی طرف متوجہ ہوتے ہیں جو انہیں ایک فنکار کے طور پر چیلنج کریں اور آگے بڑھنے کا موقع دیں۔ اتنی بڑی اور گہرائی والی فلم کے ساتھ ملیالم سنیما میں قدم رکھنا ان کے لیے بے حد پُرجوش ہے۔ یہ اُن کے اُس جذبے کو ظاہر کرتا ہے جس میں وہ زبانوں کی سرحدوں سے آگے بڑھ کر طاقتور کہانیوں اور متاثر کن فلم سازوں کے ساتھ کام کرنا چاہتے ہیں۔‘‘