بنگلہ دیش نے ٹیسٹ کرکٹ کی تاریخ میں ایک نیا باب رقم کرتے ہوئے پاکستان کو دوسرے ٹیسٹ میچ میں ۷۸؍رنز سے شکست دے دی۔

بنگلہ دیش نے ٹیسٹ کرکٹ کی تاریخ میں ایک نیا باب رقم کرتے ہوئے پاکستان کو دوسرے ٹیسٹ میچ میں ۷۸؍رنز سے شکست دے دی۔ اس فتح کے ساتھ ہی بنگلہ دیش نے سیریز ۰۔۲؍گول  سے اپنے نام کر لی ہے اور آئی سی سی ورلڈ ٹیسٹ چیمپئن شپ (ڈبلیو ٹی سی ) کے پوائنٹس ٹیبل پر ہندوستان کو پیچھے چھوڑتے ہوئے پانچویں پوزیشن پر قبضہ کر لیا ہے۔

Series Won 2-0. Bangladesh defeat Pakistan and complete a dominant Test series sweep.
Now it’s celebration time for the Tigers. A historic moment, a proud victory 🇧🇩#BANvPAK #Bangladesh #Cricket #Tigers pic.twitter.com/y1a6fm6v1I

— Bangladesh Cricket (@BCBtigers) May 20, 2026

آئی سی سی کی جانب سے جاری کردہ تازہ ترین اسٹینڈنگز کے مطابق اس تاریخی کامیابی نے پوائنٹس ٹیبل کی ترتیب بدل کر رکھ دی ہے۔بنگلہ دیش:۳۳ء۵۸؍ فیصد پوائنٹس کے ساتھ اب عالمی فہرست میں ۵؍ ویں نمبر پر ہے۔ بنگلہ دیش کی جیت کے نتیجے میں  ہندوستان ایک درجہ تنزلی کے بعد ۶؍ ویں نمبر پر چلا گیا ہے۔ہوم گراؤنڈ پر عبرتناک شکست کے بعد پاکستان کی ٹیم بدستور ۸؍ ویں نمبر پر موجود ہے۔
بنگلہ دیش کی اس ۰۔۲؍سے وائٹ واش کامیابی نے عالمی کرکٹ حلقوں کو حیران کر دیا ہے۔ ماہرین کا ماننا ہے کہ جس تسلسل کے ساتھ بنگلہ دیشی ٹیم کارکردگی دکھا رہی ہے، وہ آنے والے وقت میں ٹیسٹ چیمپئن شپ کے فائنل کے لیے مضبوط امیدوار بن کر ابھر سکتے ہیں۔

یہ بھی پڑھئے:کلین سویپ: بنگلہ دیش نے پاکستان کو ٹیسٹ سیریز میں وائٹ واش کر دیا

آسٹریلیا کا دورۂ پاکستان: فخر زمان اور صائم ایوب ٹیم سے باہر
 پاکستان کرکٹ بورڈ (پی سی بی) نے کہا ہے کہ آسٹریلیا کے دورۂ پاکستان میں فخر زمان اور صائم ایوب سلیکشن کے لیے دستیاب نہیں ہوں گے۔ ایک بیان میں پی سی بی نے کہا ہے کہ فخر زمان اور صائم ایوب انجریز کے باعث سلیکشن کے لیے دستیاب نہیں ہوں گے۔ پی سی بی کا کہنا ہے کہ فخر زمان اور صائم ایوب انجریز سے ری کوری کے عمل سے گزر رہے ہیں۔ 

یہ بھی پڑھئے:فرحانہ بھٹ کو اپنے خوابوں کو پورا کرنے کے لیے بھاری قیمت ادا کرنی پڑی ہے

 پاکستان کرکٹ بورڈ کے مطابق دونوں کرکٹرز پی سی سی بی میڈیکل اسٹاف کی نگرانی میں ری ہیب کے عمل سے گزر رہے ہیں۔ کرکٹ بورڈ نے کہا ہے کہ پی سی بی کی دونوں کرکٹرز کی جلد صحت یابی کے لیے نیک خواہشات ہیں، اسکواڈ اور کھلاڑیوں کی فٹنیس کے حوالے سے اپ ڈیٹ جلد جاری کر دی جائے گی۔ واضح رہے کہ پاکستان آسٹریلیا کی ون ڈے سیریز ۳۰؍ مئی سے شروع ہو رہی ہے۔ آسٹریلیا کی کرکٹ ٹیم ۲۳؍ مئی کو اسلام آباد پہنچ رہی ہے، ون ڈے سیریز کے میچز ۳۰؍ مئی،۲؍ اور۴؍ جون کو کھیلے جائیں گے۔ پاکستان ٹیم ۲۲؍مئی سے راولپنڈی میں ٹریننگ کرے گی اور ایک پریکٹس میچ بھی کھیلے گی۔