سابق عالمی نمبر ون اور ٹینس کی دنیا کے ابھرتے ہوئے ہسپانوی ستارے کارلوس الکاراز نے کلائی کی سنگین انجری کے باعث ومبلڈن سے دستبرداری کا اعلان کر دیا ہے۔

سابق عالمی نمبر ون اور ٹینس کی دنیا کے ابھرتے ہوئے ہسپانوی ستارے کارلوس الکاراز نے کلائی کی سنگین انجری کے باعث ومبلڈن سے دستبرداری کا اعلان کر دیا ہے۔ یہ خبر ٹینس مداحوں کے لیے کسی بڑے صدمے سے کم نہیں، کیونکہ الکاراز اب کلے  اور گراس کورٹ کے پورے سیزن میں ایکشن میں نظر نہیں آئیں گے۔

یہ بھی پڑھئے : سنر کی تاریخی فتح، کیریئر گولڈن ماسٹرز مکمل کرنے والے دوسرے کھلاڑی بنے

۲۳؍ سالہ الکاراز، جو سات گرینڈ سلیم ٹائٹلز اپنے نام کر چکے ہیں، اپریل میں بارسلونا اوپن کے دوران کلائی کی تکلیف کا شکار ہوئے تھے۔ 

Mi recuperación va por buen camino y me siento mucho mejor, pero desgraciadamente aún no estoy listo para poder jugar y por eso tengo que renunciar a la gira de hierba en Queen’s y Wimbledon. Son dos torneos realmente especiales para mí y los echaré mucho de menos. Seguimos… pic.twitter.com/6IL0APkv5G

— Carlos Alcaraz (@carlosalcaraz) May 19, 2026

سماجی رابطے کی ویب سائٹ  ایکس  پر اپنے پیغام میں انہوں نے کہا کہ ’’میری صحت یابی کا عمل بہتر چل رہا ہے اور میں پہلے سے اچھا محسوس کر رہا ہوں، لیکن بدقسمتی سے میں ابھی مقابلے کے لیے مکمل تیار نہیں ہوں۔ یہی وجہ ہے کہ مجھے کوئنز کلب اور ومبلڈن سمیت گراس کورٹ سیزن سے دستبردار ہونا پڑ رہا ہے۔‘‘
الکاراز کی غیر موجودگی فرنچ اوپن کے بعد اب ومبلڈن کے وقار اور براڈکاسٹرز کے لیے بھی ایک بڑا نقصان تصور کی جا رہی ہے۔ خاص طور پر الکاراز اور اطالوی کھلاڑی یانک سنر کے درمیان جاری حریفانہ مقابلے نے حالیہ برسوں میں ٹینس کے مداحوں کو سحر زدہ کر رکھا تھا۔ الکاراز نے رواں برس آسٹریلین اوپن جیت کر سب سے کم عمر کھلاڑی کے طور پرکیریئر گرینڈ سلیم  مکمل کرنے کا اعزاز حاصل کیا تھا۔ وہ ۲۰۲۳ءاور ۲۰۲۴ء میں ومبلڈن کے فاتح رہ چکے ہیں۔