نوواک جوکووچ اطالوی اوپن (اٹالین اوپن) میں ایک بار پھر ایکشن میں آنے کے لیے تیار ہیں۔ ریکارڈ۴۰؍ مرتبہ کے اے ٹی پی ماسٹرز ۱۰۰۰؍چمپئن، جو انجری کی وجہ سے چھ ہفتوں سے زائد عرصے تک کھیل سے باہر رہنے کے بعد واپسی کی تیاری کر رہے ہیں۔

نوواک جوکووچ اطالوی اوپن (اٹالین اوپن) میں ایک بار پھر ایکشن میں آنے کے لیے تیار ہیں۔ ریکارڈ۴۰؍ مرتبہ کے اے ٹی پی ماسٹرز ۱۰۰۰؍چمپئن، جو انجری کی وجہ سے چھ ہفتوں سے زائد عرصے تک کھیل سے باہر رہنے کے بعد واپسی کی تیاری کر رہے ہیں، اس وقت روم میں موجود ہیں۔ جوکووچ، جنہوں نے اپنا آخری میچ ۱۲؍ مارچ کو انڈین ویلز میں جیک ڈریپر کے خلاف کھیلا تھا، پیر کوفورو اٹالیکو میں پیرو کے اگناسیو بوسے کے ساتھ پریکٹس کرتے ہوئے نظر آئے۔
اپنے جسمانی مسائل (انجری) سے قبل، جوکووچ نے ۲۰۲۶ء کے سیزن کا شاندار آغاز کیا تھا۔ ۳۸؍ سالہ کھلاڑی جنوری میں منعقدہ آسٹریلین اوپن کے فائنل میں پہنچے تھے، جو ۲۰۲۴ء کے بعد ان کا پہلا بڑا فائنل تھا، جبکہ انڈین ویلز میں ان کا سفر چوتھے راؤنڈ کے فیصلہ کن سیٹ کے ٹائی بریک میں ڈریپر کے ہاتھوں ختم ہوا تھا۔

Happy fans. Happy Novak. 😃#Djokovic 🇷🇸 #IBI26 #Nolefam 🐊 pic.twitter.com/k9uNfdgACR

— Rodney 🐊 (@RottenKnee23) May 4, 2026

اب، اے ٹی پی رینکنگ میں سابق نمبر وَن کھلاڑی روم کی کلے کورٹ پر واپسی کرتے ہوئے فوری طور پر اپنی چھاپ چھوڑنے کا ہدف رکھیں گے، جہاں وہ چھ بار کے  چمپئن رہ چکے ہیں۔ روم میں جوکووچ کا ریکارڈ ۱۲۔۶۸؍ کا ہے؛ اس اعداد و شمار میں ۲۰۰۸ء، ۲۰۱۱ء،  ۱۵۔۲۰۱۴ء، ۲۰۲۰ء اور۲۰۲۲ء میں جیتے گئے ان کے ٹائٹل بھی شامل ہیں۔ جوکووچ نے فورو اٹالیکو میں چمپئن شپ کے میچ میں رافیل نڈال کو دو بار شکست دی ہے، جو روم میں ریکارڈ ۱۰؍ بار کے چمپئن ہیں۔

یہ بھی پڑھئے:سنجو سیمسن شو سے چنئی کی دہلی پر سپر جیت

مقامی شائقین کے پسندیدہ کھلاڑی یانک سنر جو اپنا ریکارڈ بڑھاتے ہوئے مسلسل چھٹا ماسٹرز ۱۰۰۰؍ ٹائٹل جیتنے کی دوڑ میں ہیں اور اطالوی اوپن جیت کر کیریئر گولڈن ماسٹرز مکمل کر لیں گے ، اس سال روم میں ہرانے کے لیے سب سے چیلنجنگ کھلاڑی ثابت ہو سکتے ہیں۔ لیکن، اس سال اب تک ان دونوں کے درمیان ہونے والی واحد مقابلے میں جیت جوکووچ کو ہی ملی تھی، جو آسٹریلین اوپن کے سیمی فائنل میں ہوئی تھی۔ سنر اور جوکووچ روم ڈرا کے الگ الگ حصوں میں ہیں: جوکووچ کا سیمی فائنل میں ورلڈ نمبر  ۳؍الیگزینڈر زیوریو سے مقابلہ ہونا طے ہے، جبکہ سنر فائنل میں ان کے ممکنہ حریف ہو سکتے ہیں۔

یہ بھی پڑھئے:’’راجہ شیواجی‘‘ میں اداکاروں نے مفت کام کیا: رتیش دیشمکھ

جوکووچ، جو ۲۰۲۴ء میں الیجینڈرو ٹیبیلو کے ہاتھوں تیسرے راؤنڈ میں باہر ہونے کے بعد پہلی بار روم میں کھیل رہے ہیں، سب سے پہلے فورو اٹالیکو میں مارٹن فکسو وِکس یا کوالیفائر ڈینو پرزمک کے خلاف اپنے افتتاحی میچ پر توجہ دیں گے۔۱۰۱؍ مرتبہ ٹور لیول ٹائٹل جیتنے والے اس کھلاڑی کا کوارٹر فائنل میں مقامی پسندیدہ اور آٹھویں سیڈ لورینزو ماسیٹی سے مقابلہ ہونا بھی طے ہے۔