نئے اسپانسر کی تلاش شروع۔ ٹیم انڈیا کے سرکردہ اسپانسر ڈریم ۱۱؍ معاہدے کے درمیان ہی دستبردار ہو گئی ہیں جس سے بی سی سی آئی کے لیے بحران پیدا ہو گیا ہے۔ بورڈ کو ایشیا کپ۲۰۲۵ء سے پہلے نیا اسپانسر تلاش کرنا ہوگا۔ آن لائن گیمنگ بل کی منظوری کے بعد ڈریم۱۱؍ نے اسپانسر شپ چھوڑ دی۔

 ڈریم ۱۱؍اپنے معاہدے کے درمیان میں ہی ٹیم انڈیا کے اہم اسپانسر کے طور پر دستبردار ہو گیا ہے۔ اس سے بورڈ آف کنٹرول فار کرکٹ ان انڈیا(بی سی سی آئی ) کے لیے ایک نیا بحران پیدا ہو گیا ہے۔ درحقیقت ایشیا کپ۲۰۲۵ء شروع ہونے میں صرف چند ہفتے باقی رہ گئے ہیں، بورڈ کو اب نیا اسپانسر تلاش کرنا ہو گا اور مردوں کی قومی ٹیم کے لیے ایشیا کپ کی جرسی کو نئے سرے سے ڈیزائن کیا جائے گا۔
 ہندوستانی پارلیمنٹ میں `پروموشن اینڈ ریگولیشن آف آن لائن گیمنگ بل۲۰۲۵ء` کی منظوری کے بعد ڈریم ۱۱؍ ٹیم انڈیا کی اسپانسرشپ سے باہر ہو گیا ہے۔  تاہم یہ خیال کیا جاتا ہے کہ بی سی سی آئی کے پاس بہت سے اختیارات ہیں کیونکہ بہت سی کمپنیاں اسپانسر شپ حاصل کرنے کے لیے قطار میں ہیں۔ یہ کمپنیاں مختلف شعبوں سے تعلق رکھتی ہیں۔

یہ بھی پڑھئیے:پجارا کا ہندوستانی کرکٹ کے سبھی فارمیٹس سے ریٹائرمنٹ کا اعلان

 فنٹیک فرم  دوڑ میں  
میڈیا رپورٹس کے مطابق زیرودھا، اینجل ون اور گروو جیسی فنٹیک کمپنیوں نے گزشتہ ایک سال میں صارفین کا ایک بڑا حلقہ  بنایا ہے، جس نے اسٹاک اور میوچوئل فنڈز میں سرمایہ کاری کا اختیار عام لوگوں کے ہاتھ میں دے دیا ہے۔ خیال کیا جاتا ہے کہ یہ کمپنیاں اپنا  داؤ  لگا سکتی ہیں۔
تو کیا ٹاٹا گروپ نیا اسپانسر بن جائے گا؟
 آٹوموبائل اور ایف ایم سی جی کے شعبے ہندوستان کے سب سے زیادہ بااثر شعبوں میں سے ہیں۔ گزشتہ چند برسوں میں انہوں نے کئی کرکٹ ایونٹس کو اسپانسر کیا ہے۔ خاص طور پر ٹاٹا گروپ انڈین پریمیر لیگ کا موجودہ اسپانسر بھی ہے۔ کچھ آٹوموبائل اور ایف ایم سی جی کمپنیاں ٹیم انڈیا کا اسپانسر بننے کے موقع سے فائدہ اٹھانے کی کوشش کر سکتی ہیں۔
 ریلائنس اور اڈانی گروپ
ریلائنس اور اڈانی گروپ جیسے بڑے کاروباری گروپ بھی ڈریم ۱۱؍ کے باہر جانے کے بعد ٹیم انڈیا کی اسپانسرشپ کے لیے دعویٰ کر سکتے ہیں۔