میکسیکو میں بڑھتے ہوئے جرائم اور غیر یقینی حالات کے پیشِ نظر غیر ملکی سیاحوں اور وی آئی پی مہمانوں کے تحفظ کے لئے بکتر بند گاڑیوں اور پرائیویٹ سیکوریٹی کی مانگ میں بے مثال اضافہ دیکھنے میں آیا ہے۔

فیفا ورلڈ کپ ۲۰۲۶ء جیسے جیسے قریب آ رہا ہے، میکسیکو میں سیکوریٹی کے سخت انتظامات کیے جا رہے ہیں۔ ملک میں بڑھتے ہوئے جرائم اور غیر یقینی حالات کے پیشِ نظر غیر ملکی سیاحوں اور وی آئی پی مہمانوں کے تحفظ کے لئے بکتر بند گاڑیوں اور پرائیویٹ سیکوریٹی کی مانگ میں بے مثال اضافہ دیکھنے میں آیا ہے۔ 
مقامی سیکوریٹی کمپنیاں اس عالمی ایونٹ سے فائدہ اٹھاتے ہوئے اپنی خدمات میں وسعت لا رہی ہیں، اور اس شعبے میں نئی کاروباری سرگرمیوں کا آغاز ہو چکا ہے۔اے ایف پی کے مطابق میکسیکو میں سیوریٹی خدشات کے پیشِ نظر سیکوریٹی کمپنیوں کی چاندی ہو گئی ہے۔ غیر ملکی سیاحوں اور امیر مہمانوں کو تحفظ فراہم کرنے کے لئے بکتر بند گاڑیوں کی مانگ میں زبردست اضافہ دیکھنے میں آ رہا ہے۔ 
سیکوریٹی فرم (روہے )کے سربراہ لیوپولڈو سرڈیرا نے اپنی کمپنی کی تیار کردہ گاڑیوں کی مضبوطی اور بلٹ پروف کوالیٹی کو ثابت کرنے کےلئے ایک مظاہرے کے دوران کار کے دروازے پر گولیاں چلا کر اس کی مضبوطی دکھائی۔ مظاہرے میں گولیاں ایک مضبوط تہہ سے ٹکرا کر رک گئیں، جس سے ظاہر ہوا کہ ان گاڑیوں کو سیکوریٹی کے اعتبار سے کس قدر مضبوط تیار کیا گیا ہے۔ 

یہ بھی پڑھئے:یانک سنر نے فائنل میں کارلوس الکاراز کو ہر اکر سکس کنگزسلیم ٹینس ٹورنامنٹ جیت لیا

لیوپولڈو ڈیراکا کہنا تھا کہ ہماری بکنگز ان سیاحوں کے لئے ہیں جن کے پاس دولت ہے اور وہ جو فیفا ورلڈ کپ کے میچز دیکھنے آ رہے ہیں، لیکن انہیں میکسیکو کے بارے میں منفی خبریں سن کر خوف لاحق ہے۔ ہم انہیں مکمل تحفظ فراہم کریں گے۔روہے کے پاس اس وقت  ۷۰؍سے زائد بکتر بند گاڑیوں کا بیڑا موجود ہے، جنہیں آئندہ سال جون سے جولائی کے دوران کرائے پر فراہم کیا جائے گا، جب میکسیکو، امریکہ اور کنیڈا مشترکہ طور پر۱۱؍جون سے۱۹؍ جولائی ۲۰۲۶ء تک فٹبال ورلڈ کپ کی میزبانی کریں گے۔ 
میکسیکو میں بڑھتے ہوئے جرائم اور تشدد کے خدشات کے باعث کئی غیر ملکی شائقین نے پہلے ہی سیکوریٹی خدشات کا اظہار کیا ہے۔ یہی وجہ ہے کہ سیکوریٹی کمپنیاں نہ صرف بکتر بند گاڑیاں فراہم کر رہی ہیں بلکہ تربیت یافتہ پرائیویٹ گارڈز کی خدمات بھی پیش کر رہی ہیں۔ورلڈ کپ جیسے عالمی ایونٹ کی آمد نے جہاں سیاحت، ہوٹلنگ اور دیگر صنعتوں کو فائدہ پہنچایا ہے، وہیں نجی سیکوریٹی سیکٹر بھی اس موقع سے بھرپور فائدہ اٹھا رہا ہے۔