کائلین ایمباپے کے دو شاندار گول اور مائیکل اولیس کی بہترین کارکردگی کی بدولت فرانس نے جمعرات کے روز گروپ ڈی کے مقابلے میں یوکرین کو۰۔۴؍گول سے شکست دے کر۲۰۲۶ء کے ورلڈ کپ کے لیے کوالیفائی کر لیا۔

کائلین ایمباپے کے دو شاندار گول اور مائیکل اولیس کی بہترین کارکردگی کی بدولت فرانس نے جمعرات کے روز گروپ ڈی کے مقابلے میں یوکرین کو۰۔۴؍گول  سے شکست دے کر۲۰۲۶ء کے ورلڈ کپ کے لیے کوالیفائی کر لیا۔
 ڈیڈیئر ڈیسچیمپس کی نئی لائن اَپ نے شروع سے ہی گیند پر کنٹرول رکھا، تاہم پارک ڈیس پرنسیس میں یوکرین کی مضبوط دفاعی دیوار کو توڑنے کے لیے انہیں ابتدا میں جدوجہد کرنی پڑی۔ مہمان گول کیپر اناطولی ٹروبن نے وقفے سے پہلے فرانس کو روکے رکھا، انہوں نے بریڈلی بارکولا کے کرلر کو پوسٹ پر ٹپ کردیا اور ایمباپے کے زاویائی حملے کو بھی ناکام بنایا۔

⏹️90+7` Final do jogo.#FazHistória | #IRLPOR #WCQ pic.twitter.com/qS0Lzu70nD

— Portugal (@selecaoportugal) November 13, 2025

ہاف ٹائم کے فوراً بعد، ریفری سلاوکو ونسچک نے دیاوپ اُپامیکانو اور یوہوَر نازارینا کے درمیان جھڑپ کے بعد یوکرین کی پنالٹی اپیل مسترد کر دی کیونکہ وی اے آر نے تصدیق کی کہ ڈیفینڈر نے پہلے گیند کو چھوا تھا۔ چند منٹ بعد، دوسرے سرے پر وی اے آر نے مداخلت کی جب تاراس مائخائوکو نے اولیسے کو باکس میں پکڑ لیا، جس کے باعث ایمباپے کو پنالٹی ملی اور انہوں نے نہایت اعتماد کے ساتھ بال کو بیچ میں چپ کر کے اسکورنگ کا آغاز کیا۔
اس گول نے مقابلہ فرانس کے حق میں موڑ دیا۔ اولیسے نے ایک شاندار ٹرن اور نپی تلی لو ڈرائیو کے ذریعے برتری کو دُگنا کر دیا، اس کے بعد ایمباپے نے ڈھیلی پڑی گیند پر تیز ردِعمل دیتے ہوئے اسکور ۰۔۳؍گول  کر دیا۔ متبادل کھلاڑی ہیوگو ایکیٹیکے نے آخر میں چوتھا گول داغا، جو ان کا پہلا  بین الاقوامی گول بھی تھا۔

Happy birthday, Big Sam 🥳💙

Our 2018 World Cup winner turns 32 today 🎉 pic.twitter.com/UksA0gszb9

— French Team ⭐⭐ (@FrenchTeam) November 14, 2025

گروپ ڈی میں فرانس پہلے ہی سرفہرست ہے اور اب اتوار کو آذربائیجان کے خلاف اپنا آخری میچ کھیلے گا  جبکہ یوکرین آئس لینڈ کی میزبانی کرے گا، جسے مارچ ۲۰۲۶ء کے پلے آف میں جگہ بنانے کے لیے لازمی کامیابی درکار ہے۔ آئس لینڈ نے البرٹ گوڈمونڈسن اور سویریر اِنگی اِنگاسون کے گولوں کی مدد سے آذربائیجان کو۰۔۲؍گول  سے شکست دے کر گروپ میں دوسری پوزیشن حاصل کر لی۔

یہ بھی پڑھئے:آئی پی ایل ۲۰۲۶ء کی نیلامی ۱۶؍ دسمبر کو ابو ظہبی میں ہوگی

ناروے نے ایسٹونیا کو۱۔۴؍گول  سے ہرا کر گروپ آئی میں اپنی پوزیشن مضبوط کردی، جس میں الیگزینڈر سورلوتھ اور ایرلنگ ہالینڈ نے ۲۔۲؍ گول کیے۔ اٹلی نے آخری لمحات میں دو ہیڈر گول کر کے مالدووا کو۰۔۲؍گول  سے شکست دی۔ گروپ ایف میں، ٹرائے پیروٹ کے دو گول  کی مدد سے آئرلینڈ نے  پرتگال ٹیم کو۰۔۲؍گول  سے شکست دی، حالانکہ کرسٹیانو رونالڈو تقریباً ایک گھنٹے کے کھیل کے بعد میدان سے باہر بھیج دیے گئے۔ آرمینیا پر۰۔۱؍گول  کی فتح میں برنا باس ورگا کے گول کی بدولت ہنگری ابھی تک کوالیفکیشن کی دوڑ میں مضبوطی سے شامل ہے۔ جمعرات کو ہی، انگلینڈ نے گروپ کے میچ میں سربیا کو بآسانی۰۔۲؍گول  سے مات دی، جس کے نتیجے میں البانیہ کی انڈورا کے خلاف۰۔۱؍گول  سے کامیابی کے بعد سربیا ٹورنامنٹ سے باہر ہو گئی۔