تیز گیند باز عاقب نبی نے نئی گیند سے شاندار شروعات کرتے ہوئے منگل کو یہاں نیوزی لینڈ کو ابتدائی جھٹکے دئیےلیکن خراب روشنی کی وجہ سے انڈیا’ اے‘ اس ۴؍ روزہ غیر سرکاری ٹیسٹ میچ میں فتح حاصل کرنے سے محروم رہ گئی۔

تیز گیند باز عاقب نبی نے نئی گیند سے شاندار شروعات کرتے ہوئے منگل کو یہاں نیوزی لینڈ کو ابتدائی جھٹکے دئیےلیکن خراب روشنی کی وجہ سے انڈیا’ اے‘ اس ۴؍ روزہ غیر سرکاری ٹیسٹ میچ میں فتح حاصل کرنے سے محروم رہ گئی۔ انڈیا’اے‘ نے اپنی دوسری اننگز میں ۵۱۶؍ رن کا بڑا اسکور بنا کر نیوزی لینڈ’ اے‘ کے سامنے ۳۱۳؍رن کا ہدف رکھا تھا۔ نیوزی لینڈ’ اے‘  جب اپنی دوسری اننگز میں ۹؍ وکٹ پر ۱۸۷؍ رن پر تھی   تھے تب امپائروں نے خراب روشنی کی وجہ سے کھیل روک دیا۔ اس وقت ۱۷؍اوور کا کھیل باقی تھا اور انڈیا’ اے‘ کی جیت یقینی لگ رہی تھی۔

یہ بھی پڑھئے: ہندوستان کی خاتون ٹیم کی نگاہیں کلین سویپ پر

عاقب نبی نے ۱۰؍ اوور میں ۲۸؍ رن دے کر ۳؍ وکٹ لئے اور اپنی سوئنگ اور سیم موومنٹ سے نیوزی لینڈ’ اے‘ کے بلے بازوں کیلئے مشکلات پیدا کیں۔ انہوں نے جلدی ۳؍ وکٹ حاصل کرکے انڈیا’اے‘ کو جیت کی راہ پر گامزن کر دیا تھا۔ لیکن آخر میں یہ میچ ڈرا پر ختم ہوا۔دوسرا غیر رسمی ٹیسٹ میچ ۳۱؍ اکتوبر کو کرائسٹ چرچ کے ہیگلے اوول میں شروع ہوگا۔

انڈیا’ اے‘ نے چوتھے دن کی شروعات ۸؍وکٹ پر ۴۸۸؍ رن سے کی۔ آکاش دیپ (۲۵) نے ۳؍چھکے لگا کر کل اسکور کو ۵۰۰؍ رن کے پار پہنچایا۔ اس کے بعدعاقب نبی نے۳؍ بہترین ان کٹر گیندوں پر کپتان ریس ماریو (۲)، ٹِم روبنسن (صفر) اور میتھیو بوئل (۴) کو آؤٹ کرکے نیوزی لینڈ کا اسکور ۳؍ وکٹ پر ۱۴؍رن کر دیا تھا۔