زمبابوے کرکٹ (زیڈ سی) نے بدھ کو اعلان کیا ہے کہ جولائی میں تین میچوں کی ٹی ۲۰؍ سیریز کے لیے ہندوستان کی ٹیم زمبابوے کی میزبانی میں کھیلے گی۔

زمبابوے کرکٹ (زیڈ سی) نے بدھ کو اعلان کیا ہے کہ جولائی میں تین میچوں کی ٹی ۲۰؍ سیریز کے لیے ہندوستان کی ٹیم زمبابوے کی میزبانی میں کھیلے گی۔ یہ جولائی ۲۰۲۴ء کے بعد ہندوستان کا پہلا دورہ زمبابوے ہوگا، جب ٹیم نے وہاں پانچ ٹی ۲۰؍ میچ کھیلے تھے۔ یہ اعلان زمبابوے کے دورہ ہندوستان کے شیڈول کے بعد سامنے آیا ہے، جس کے تحت وہ جنوری ۲۰۲۷ء میں ۳؍ ون ڈے میچ کھیلنے کے لیے ہندوستان جائیں گے۔ ۲۰۰۲ء کے بعد ہندوستان میں یہ ان کی پہلی دو طرفہ سیریز ہوگی۔ ہندوستان اور زمبابوے کا حالیہ مقابلہ ٹی ۲۰؍ ورلڈ کپ کے سپر۸؍ مرحلے میں ہوا تھا، جہاں ہندوستان نے۷۲؍ رنز سے  کامیابی حاصل کی تھی۔

یہ بھی پڑھئے:آئی پی ایل: پنجاب کے ہاتھوں گجرات کی شکست

سیریز کا شیڈول کچھ اس طرح ہے: پہلا ٹی ۲۰؍ میچ ۲۳؍ جولائی، دوسرا ۲۵؍ جولائی اور تیسرا مقابلہ ۲۶؍ جولائی کو کھیلا جائے گا۔ تمام میچز ہرارے اسپورٹس کلب میں مقامی وقت کے مطابق دوپہر ایک بجے شروع ہوں گے۔ زمبابوے کرکٹ کے منیجنگ ڈائریکٹر گیومور مکونی نے کہا کہ ہندوستان کے خلاف سیریز زمبابوے کے کھلاڑیوں اور شائقین دونوں کے لیے ایک بڑا موقع ہے۔ انہوں نے کہا کہ ہندوستان کے خلاف میچ ہمیشہ کافی جوش و خروش پیدا کرتے ہیں اور یہ ہمارے کھلاڑیوں کے لیے عالمی چیمپئن ٹیم کے خلاف اپنے گھریلو میدان پر خود کو پرکھنے کا ایک شاندار موقع ہے۔ آئی سی سی مردوں کے ٹی ۲۰؍ ورلڈ کپ میں ہماری اچھی کارکردگی کے بعد یہ سیریز ہمیں آگے بڑھنے اور بین الاقوامی کرکٹ میں ایک مضبوط ٹیم بننے کا موقع فراہم کرتی ہے۔

یہ بھی پڑھئے:شاہ رخ خان: کنگ خان کے کلیکشن میں نئی گاڑی کا داخلہ

دو دہائیوں کے بعد زمبابوے کا دورۂ ہندوستان بھی زیڈ سی کے لیے خاص اہمیت کا حامل ہے۔ مکونی نے مزید کہا کہ دو دہائیوں سے زیادہ عرصے کے بعد ہندوستان میں دو طرفہ ون ڈے سیریز کھیلنے جانا ہمارے لیے ایک تاریخی لمحہ ہے۔ ہندوستان عالمی کرکٹ کے اہم ممالک میں سے ایک ہے اور یہ دورہ ہمارے کھلاڑیوں کے لیے اعزاز اور سیکھنے کا بڑا موقع ہے۔ ہم ایک مسابقتی اور اعلیٰ درجے کی کرکٹ کی توقع کر رہے ہیں اور ہمیں یقین ہے کہ یہ سیریز دونوں ممالک کے درمیان کرکٹ تعلقات کو مزید مستحکم کرے گی اور ہماری ٹیم کو بیش قیمت تجربہ فراہم کرے گی۔