لگاتار دو کامیاب سیزن کے بعد انڈین اسٹریٹ پریمیر لیگ (آئی ایس پی ایل)، ہندوستان کا معروف ٹینس بال ٹی ۱۰؍ ٹورنامنٹ، اپنے تیسرے ایڈیشن کے لیے اور بھی بڑے، بہتر اور مضبوط طریقے سے واپس آرہا ہے۔

لگاتار دو کامیاب سیزن کے بعد انڈین اسٹریٹ پریمیر لیگ (آئی ایس پی ایل)، ہندوستان کا معروف ٹینس بال ٹی ۲۰؍ ٹورنامنٹ، اپنے تیسرے ایڈیشن کے لیے اور بھی بڑے، بہتر اور مضبوط  طریقے سے واپس آرہا ہے۔۸؍ ٹیموں کا یہ ٹورنامنٹ ۹؍ جنوری سے۶؍ فروری۲۰۲۶ء تک سورت میں منعقد ہوگا۔ آنے والے سیزن کی جھلکیوں میں سے، سب سے قیمتی کھلاڑی (ایم وی پی) کو ایک بالکل نئی پورش۹۱۱؍ کار ملے گی، جو اس بات کی عکاسی کرتی ہے کہ لیگ عالمی کھیلوں کے مقابلوں اور معیارات کے ساتھ کس طرح ترقی کر رہی ہے۔ 

یہ بھی پڑھئے:متھن منہاس بی سی سی آئی کے صدر، آر پی سنگھ سینئر مردوں کی سلیکشن کمیٹی میں

یہ اعلانات ایک پریس کانفرنس میں کیے گئے جس میں آئی ایس پی ایل کی کور کمیٹی کے اراکین نے شرکت کی، جن میں سچنتینڈولکر، آشیش شیلار، منل امول کالے، سورج سمت (لیگ کمشنر)، دیپک چوہان (لیگ آپریشنز کے صدر) کے علاوہ سپر اسٹار اجے دیوگن (نئی احمد آباد ٹیم کے مالک) شامل تھے۔ 
سیزن۳؍ موجودہ روسٹر میں دو نئی ٹیموں کو شامل کرکے ٹورنامنٹ کو وسعت دے گا۔ احمد آباد اور دہلی نے بالترتیب سپر اسٹار اجے دیوگن اور سلمان خان بطور ٹیم مالکان کے ساتھ آئی ایس پی ایل فیملی میں شمولیت اختیار کی ہے۔ ٹرائل کے شیڈول کا بھی اعلان کیا گیا، جو ہزاروں خواہشمند کھلاڑیوں کو اپنی صلاحیتوں کا مظاہرہ کرنے، مقابلہ کرنے اور لیگ میں جگہ حاصل کرنے کے لیے ایک پلیٹ فارم فراہم کرتا ہے۔  تقریب میں آفیشل گروپ ڈرا کی نقاب کشائی بھی کی گئی، جس نے ایک زبردست مقابلے کا مرحلہ طے کیا۔ سیزن۳؍ میں پہلے ہی۳ء۴؍ ملین سے زیادہ کھلاڑیوں کی رجسٹریشن ہو چکا ہے۔  شیلار نے سیزن ۴؍ کے لیے زونل انسٹی ٹیوشن اور سلیکشن ٹورنامنٹس کے نفاذ کا بھی اعلان کیا، یہ ایک انقلابی اقدام ہے جو ایک منظم، علاقائی طور پر مربوط اسکاؤٹنگ اور ترقیاتی عمل کے ذریعے آئی ایس پی ایل  کی ٹیلنٹ پائپ لائن کو مضبوط کرنے کے لیے ڈیزائن کیا گیا ہے۔ یہ اقدام اس بات کو یقینی بنائے گا کہ ملک کے کونے کونے سے ٹیلنٹ کو قومی شناخت حاصل کرنے کا مناسب موقع ملے گا۔ 
آئی ایس پی ایل کی کور کمیٹی کے رکن سچن تینڈولکر نے کہاکہ ’’آئی ایس پی ایل صرف ایک لیگ سے بڑھ کر ایک ایسی تحریک میں تبدیل ہو گیا ہے جو ہندوستان میں کرکٹ کے ٹیلنٹ کی شناخت اور پرورش کے طریقے کو تبدیل کر رہا ہے۔ سیزن۳؍ کے ساتھ، لیگ اپنی رسائی کو بڑھا رہی ہے، جس سے کھلاڑیوں کو قومی سطح پر اپنی صلاحیتوں کا مظاہرہ کرنے کے مزید مواقع مل رہے ہیں۔ اس کا اثر پورے ملک میں محسوس ہوگا۔