میجر لیگ ساکرز (ایم ایل ایس) میں اتوار کی شب ایک ایسا سنسنی خیز مقابلہ دیکھا گیا جو ریکارڈ بک میں تو درج ہو گیا، مگر ارجنٹائن کے اسٹار فٹ بالر لیونل میسی کی انجری نے انٹر میامی کی خوشیوں کو دھندلا دیا۔

میجر لیگ ساکرز (ایم ایل ایس) میں اتوار کی شب ایک ایسا سنسنی خیز مقابلہ دیکھا گیا جو ریکارڈ بک میں تو درج ہو گیا، مگر ارجنٹائن کے اسٹار فٹ بالر لیونل میسی کی انجری نے انٹر میامی کی خوشیوں کو دھندلا دیا۔ میسی میچ کے ۷۳؍ویں منٹ میں بائیں ران کی تکلیف کے باعث میدان چھوڑنے پر مجبور ہو گئے۔

Six scored. Three earned 🤝 pic.twitter.com/uOtOz8VlUN

— Inter Miami CF (@InterMiamiCF) May 25, 2026

انٹر میامی نے فلاڈیلفیا یونین کو۴۔۶؍ سے شکست دے کر مسلسل چوتھی کامیابی حاصل کی۔ یہ میچ کئی لحاظ سے تاریخی رہا۔ دونوں ٹیموں نے پہلے ہاف میں ۴۔۴؍ گولز داغے، جو ایم ایل ایس کی تاریخ میں کسی بھی ہاف میں سب سے زیادہ گولز کا نیا ریکارڈ ہے۔میچ میں ہونے والے کل۱۰؍ گولز لیگ کی تاریخ میں کسی ایک میچ میں دوسرے سب سے زیادہ گولز ہیں۔

یہ بھی پڑھئے:کیا وجے کی’’جن نائگن‘‘ ۱۹؍ جون کو ریلیز ہورہی ہے

لیگ کی تاریخ میں یہ دوسرا موقع تھا جب ایک ہی میچ میں دو مختلف کھلاڑیوں نے ہیٹ ٹرک کی۔ انٹر میامی کی جانب سے لوئس سواریز نے تین گول کیے، جبکہ فلاڈیلفیا کے میلان ایلسکی نے پہلے ہاف میں ہیٹ ٹرک مکمل کی۔میچ کے دوران میسی بائیں ران کو پکڑتے ہوئے دیکھے گئے اور تقریباً ایک منٹ تک سست روی سے چلنے کے بعد انہوں نے متبادل کھلاڑی (سلویٹی) کی درخواست کی۔ وہ براہِ راست لاکر روم میں چلے گئے، جس سے فٹ بال ورلڈ کپ ۲۰۲۶ء سے قبل ارجنٹائن کے مداحوں میں تشویش کی لہر دوڑ گئی ہے۔ یاد رہے کہ ورلڈ کپ کے باعث اب لیگ میں دو ماہ کا وقفہ شروع ہو رہا ہے۔

یہ بھی پڑھئے:بلجیم: بچوں کے آن لائن جنسی استحصال کے کیسز خطرناک حد تک بڑھ گئے

لوئس سواریز نے ۸۱؍ویں منٹ میں فیصلہ کن گول کر کے ٹیم کی جیت یقینی بنائی۔روڈریگو ڈی پال نے اپنی ۳۲؍ویں سالگرہ کا جشن انجری ٹائم میں چھٹا گول کر کے منایا۔جرمن برٹیرام نے میسی کے پاس پر شاندار کارکردگی دکھاتے ہوئے دو گولز کیے۔انٹر میامی اب ۳۱؍ پوائنٹس کے ساتھ پوائنٹس ٹیبل پر مستحکم پوزیشن میں ہے، جبکہ فلاڈیلفیا یونین کی مسلسل ناکامیوں کا سلسلہ آٹھ میچوں تک دراز ہو گیا ہے۔