آئرلینڈ کو آسٹریلیا کے خلاف ٹی ۲۰؍ ورلڈ کپ میچ کے دوران کپتان پال اسٹرلنگ کے گھٹنے میں چوٹ کی سنگینی کا پتہ لگانے کے لیے اسکین رپورٹ کا انتظار ہے۔ بدھ کو آسٹریلیا کے خلاف آئرلینڈ کی ۶۷؍ رن سے شکست کے دوران ایک کیچ لیتے وقت اسٹرلنگ کے دائیں گھٹنے میں چوٹ لگ گئی تھی۔

آئرلینڈ کو آسٹریلیا کے خلاف ٹی ۲۰؍ ورلڈ کپ میچ کے دوران کپتان پال اسٹرلنگ کے گھٹنے میں چوٹ کی سنگینی کا پتہ لگانے کے لیے اسکین رپورٹ کا انتظار ہے۔ بدھ کو آسٹریلیا کے خلاف آئرلینڈ کی ۶۷؍ رن سے شکست کے دوران ایک کیچ لیتے وقت اسٹرلنگ کے دائیں گھٹنے میں چوٹ لگ گئی تھی۔
انٹرنیشنل کرکٹ کونسل (آئی سی سی) کی ویب سائٹ کے مطابق، اوپنر کے آئرلینڈ کے ہدف کے تعاقب میں  بیٹنگ کے لیے آنے پر معاملہ اور خراب ہوگیا اور بالآخر انہیں ریٹائر ہرٹ ہونا پڑا۔ بیٹنگ کوچ گیری ولسن نے میچ کے بعد کنفرم کیا کہ اسٹرلنگ کو اسکین کے لیے بھیجا گیا تھا۔ ولسن نے کہا کہ’’یہ اچھا نہیں لگ رہا ہے۔ وہ آج شام اسکین کے لیے گئے تھے، اس لیے ہمیں کنفرمیشن کا انتظار کرنا ہوگا۔ لیکن میں کہوں گا کہ یہ آئیڈیل نہیں لگ رہا ہے۔‘‘
ولسن نے بتایا کہ اسٹرلنگ نے ٹیم کے لیے تعاون دینے کی کوشش میں تکلیف کے باوجود بیٹنگ کرنے کا فیصلہ کیا۔ ولسن نے کہا کہ ’’اس کا کریڈٹ انہیں جاتا ہے۔ انہیں پتہ تھا کہ وہ شاید ٹھیک نہیں ہیں اور پھر بھی انہوں نے ٹیم کے لیے کام پورا کرنے کی کوشش کی۔ بدقسمتی سے، آج رات ایسا نہیں ہو سکا۔‘‘ یہ ٹورنامنٹ میں آئرلینڈ کی دوسری شکست تھی، جس سے انہیں سپر ایٹ میں پہنچنے کی اپنی امیدوں کو زندہ رکھنے کے لیے عمان اور زمبابوے کے خلاف اپنے باقی گروپ میچوں میں جیت کی ضرورت تھی۔
اگرچہ ولسن پرامید رہے، انہوں نے کہا کہ آئرلینڈ نے اپنے ابتدائی میچوں میں اچھے اشارے دیئے تھے۔ انہوں نے کہا کہ’’سری لنکا کے خلاف  ۶۵؍ سے ۷۰؍ فیصد گیم کے لیے، مجھے محسوس ہوا کہ ہم بہتر ٹیم تھے۔ بس ان کی اور ہماری اننگز کے آخری پانچ اوور ایسے تھے جہاں ہم ٹھیک سے تال میل قائم نہیں کرپائے۔ اُس ڈریسنگ روم میں بہت ٹیلنٹ ہے اور بہت زیادہ اعتماد ہے۔ ہم اب تک گروپ کی دو سب سے مضبوط ٹیموں کے ساتھ کھیل چکے ہیں اور اگلے دو گیم ہمارے لیے بہت ضروری ہیں۔ آئرلینڈ کا اگلا مقابلہ ہفتہ کو کولمبو میں عمان سے ہوگا۔

یہ بھی پڑھئے:کرناٹک: درگاہ میں پوجا روکنے کیلئے انتظامیہ سپریم کورٹ سے رجوع، مزار کے مذہبی تشخص کے تحفظ کا مطالبہ

ضابطہ اخلاق کی خلاف ورزی پر افغانستان کے محمد نبی پر جرمانہ
افغانستان کے آل راؤنڈر محمد نبی پر ٹی ۲۰؍ورلڈ کپ ۲۰۲۶ء گروپ ڈی کے میچ میں جنوبی افریقہ کے خلاف آئی سی سی ضابطہ اخلاق کے لیول وَن  کو توڑنے کے لیے میچ فیس کا ۱۵؍ فیصد جرمانہ عائد کیا گیا ہے۔

یہ بھی پڑھئے:ویبھَو سوریہ ونشی ڈی وائی پاٹل ٹی ۲۰؍ ٹورنامنٹ میں کھیلیں گے

انٹرنیشنل کرکٹ کونسل (آئی سی سی) کی ویب سائٹ کے مطابق، نبی کو کوڈ کے آرٹیکل ۴ء۲؍ کو توڑنے کا قصوروار پایا گیا، جو’’انٹرنیشنل میچ کے دوران امپائر کی ہدایت کو نہ ماننے‘‘ سے متعلق ہے۔ یہ واقعہ افغانستان کی اننگز کے۱۴؍ویں اوور کی شروعات میں ہوا، جب نبی جنوبی افریقہ کے تیز گیند باز لنگی اینگیڈی کے رسٹ بینڈ کے تعلق سے میدانی امپائروں سے بات کر رہے تھے۔ لیول وَن کی خلاف ورزی پر کم از کم آفیشل سرزنش اور زیادہ سے زیادہ کھلاڑی کی میچ فیس کا ۵۰؍ فیصد جرمانہ ہو سکتا ہے۔ میچ کا اختتام بہت ہی ڈرامائی طریقے سے ہوا، جس میں جنوبی افریقہ نے دو سپر اوور کے بعد دلچسپ  جیت حاصل کی۔