امریکی ٹینس کے ابھرتے ہوئے نوجوان کھلاڑی لرنر ٹین نے بلجیم کے الیگزینڈر بلاکس کو شکست دے کر `نیکسٹ جین اے ٹی پی فائنلز کا خطاب جیت لیا ہے۔ کنگ عبداللہ اسپورٹس سٹی میں کھیلے گئے اس فائنل کی خاص بات اسپین کے لیجنڈری کھلاڑی رافیل ندال کی موجودگی تھی، جنہوں نے اسٹیڈیم میں بیٹھ کر اس سنسنی خیز مقابلے کا لطف اٹھایا۔

 امریکی ٹینس کے ابھرتے ہوئے نوجوان کھلاڑی لرنر ٹین نے بلجیم  کے الیگزینڈر بلاکس کو شکست دے کر `نیکسٹ جین اے ٹی پی فائنلز  کا خطاب جیت لیا ہے۔ کنگ عبداللہ اسپورٹس سٹی میں کھیلے گئے اس فائنل کی خاص بات اسپین کے لیجنڈری کھلاڑی رافیل ندال کی موجودگی تھی، جنہوں نے اسٹیڈیم میں بیٹھ کر اس سنسنی خیز مقابلے کا لطف اٹھایا۔

یہ بھی پڑھئے:اوتار: فائر اینڈ ایش نے ۳؍ دنوں میں باکس آفس کے ۱۱؍ ریکارڈ توڑ دیئے

گزشتہ سال  خطاب سے محروم رہنے والے لرنر ٹین نے اتوار کو کھیلے گئے فائنل میں انتہائی مہارت کا مظاہرہ کیا۔ انہوں نے بلاکس کو۳۔۴، ۲۔۴، ۱۔۴؍سے ہرا کر اپنی برتری ثابت کر دی۔ پہلے سیٹ میں بلاکس نے ایک بھی فرسٹ سرو مس نہیں کی، لیکن ٹین نے صبر و تحمل کا مظاہرہ کرتے ہوئے ٹائی بریکر میں کامیابی حاصل کی۔

Learner Tien puts on a flawless performance to find redemption and reign supreme in Jeddah 🏆@Emirates | #EmiratesFlyBetterMoments | #partner pic.twitter.com/yGS9wKnTmP

— Next Gen ATP Finals (@nextgenfinals) December 21, 2025

پہلا سیٹ جیتنے کے بعد امریکی کھلاڑی نے اپنے حریف کو سنبھلنے کا موقع نہیں دیا اور محض ۵۸؍ منٹ میں مقابلہ اپنے نام کر لیا۔ ٹورنامنٹ کے آغاز میں لرنر ٹین کو اس وقت شدید جھٹکا لگا جب وہ اپنے پہلے راؤنڈ رابن میچ میں رافیل جوڈر کے خلاف چار میچ پوائنٹس حاصل کرنے کے باوجود شکست کھا گئے۔ تاہم، انہوں نے ہمت نہیں ہاری اور اگلے دونوں گروپ میچز ایک سیٹ کے خسارے کے باوجود جیتے اور پھر ناک آؤٹ مرحلے میں ایک بھی سیٹ ہارے بغیر فائنل تک رسائی کی۔

یہ بھی پڑھئے:کسی نے ۲۲؍لاکھ روپے خرچ کر کے انسٹامارٹ پر۲۲؍ آئی فون اور سونے کے سکے خریدے

اس تاریخی جیت کے ساتھ لرنر ٹین اسٹیفانوس ستسپاس (۲۰۱۸ء) اور کارلوس الکاراز (۲۰۲۱ء) کے بعد یہ اعزاز جیتنے والے تیسرے ٹاپ سیڈیافتہ  کھلاڑی بن گئے۔ برینڈن ناکاشیما (۲۰۲۲ء) کے بعد یہ خطاب جیتنے والے دوسرے امریکی کھلاڑی بن گئے۔کامیابی کے بعد میڈیا سے گفتگو کرتے ہوئے لرنر ٹین نے کہاکہ ’’میں گزشتہ ایک سال سے اس ٹرافی کو اٹھانے کا انتظار کر رہا تھا۔ میرے پاس اہداف کی ایک طویل فہرست تھی اور میں خوش ہوں کہ میں نے ان میں سے اکثر کو حاصل کر لیا ہے۔رافیل ندال  کے سامنے ان کا  جارح اور تکنیکی کھیل دیکھ کر ماہرین انہیں مستقبل کا بڑا کھلاڑی قرار دے رہے ہیں۔