کپتان لٹن داس (۵۹؍رن)کی شاندار نصف سنچری کی بدولت بنگلہ دیش نے جمعرات کو ایشیا کپ گروپ بی کے میچ میں ہانگ کانگ کو یکطرفہ انداز میں ۷؍ وکٹ سے شکست دی۔

کپتان لٹن داس (۵۹؍رن)کی شاندار نصف سنچری کی بدولت بنگلہ دیش نے جمعرات کو ایشیا کپ گروپ بی کے میچ میں ہانگ کانگ کو یکطرفہ انداز میں ۷؍ وکٹ  سے شکست  دی۔ہانگ کانگ کو۲۰؍ اوورس میں ۷؍ وکٹ پر۱۴۳؍ رن تک روکنے کے بعد بنگلہ دیش نے اپنے کپتان کی نصف سنچری اننگز کی مدد سے۴ء۱۷؍ اوورس میں۳؍ وکٹ پر۱۴۴؍رن بنا کر ٹورنامنٹ میں  جیت  کے ساتھ آغاز کیا۔ لٹن داس میدان میں آئے تو بنگلہ دیش ۴۷؍رن پر ۲؍ وکٹ گنوانے کے بعد مشکلات کا شکار تھا۔ لیکن لٹن نے۳۹؍ گیندوں پر ۶؍ چوکوں اور ایک چھکے کی مدد سے۵۹؍ رن کی شاندار اننگز کھیلی اور وہ ٹیم کے۱۴۲؍رن  کے اسکور پر آؤٹ ہو ئے۔

Composed chase! Bangladesh sealed victory by 7 wickets. ✅ Bangladesh 🆚 Hong Kong, China | Match 3 | Asia Cup 2025

11 September 2025 | 8:30 PM | Sheikh Zayed Stadium, Abu Dhabi#Bangladesh #TheTigers #BCB #Cricket #AsiaCup #Cricket #TigersForever #AsiaCup2025 pic.twitter.com/jzyd6GuClT

— Bangladesh Cricket (@BCBtigers) September 11, 2025

بنگلہ دیشی کپتان نے توحید ہردوئے کے ساتھ تیسرے وکٹ کیلئے ۹۵؍ رن کی میچ وننگ پارٹنرشپ کی۔ ہردوئے نے۳۶؍ گیندوں پر۳۵؍ رن کی ناٹ آؤٹ اننگز کھیلی اور ٹیم کو فتح تک پہنچانے میں اہم کردار ادا کیا۔ بنگلہ دیش نے ایک آسان جیت حاصل کی  حالانکہ انہیں ہانگ کانگ کی ڈسپلن  ٹیم نے سخت محنت کرنے پر مجبور کیا۔ لٹن داس اور توحید ہردوئے کی شراکت داری نے بنگلہ دیش کو فتح دلائی۔ انہوں نے سنگلز لینے پر توجہ مرکوز کی اور انتظار کرنے میں مطمئن تھے۔ شراکت دار  ایک مرحلے پر پہنچی تو لٹن نے  جوکھم  لیا اور باؤنڈریز لگا کر ہدف حاصل کر لیا۔ 

یہ بھی پڑھیئے:حکومت کا موقف واضح، ٹیم انڈیا کو پاکستان سے میچ کھیلنا پڑے گا

اس سے قبل ہانگ کانگ کی جانب سے نزاکت خان نے سب سے زیادہ۴۲؍ رن بنائے جبکہ اوپنر ذیشان علی نے۳۰؍ رن بنائے۔    مرتضیٰ نے۲۸؍ رن  کا تعاون دیا۔   ہانگ کانگ کے اسکور میں ۱۴؍ اضافی رن بھی تعاون رہا۔ بابر حیات نے۱۲؍ گیندوں پر۱۴؍ رن بنائے۔  ہانگ کانگ نے۱۴۳؍ رن  بنائے جو گزشتہ رات افغانستان کے خلاف اس کی کارکردگی سے کہیں بہتر ہے۔ ان کا ارادہ پوری اننگز میں برقرار رہا  حالانکہ یہ ہمیشہ ان کے مطلوبہ نتیجہ تک نہیں پہنچ سکا۔ ان کا اس میں پورا تعاون رہا، کچھ سست، کچھ تیز اور کوئی خاص نہیں۔ سب سے زیادہ توجہ مبذول کروانے والا تعاون تنظیم ثاقب کا رہا جنہوں نے کچھ شاندار بولنگ کی اور۲۱؍ رن کے عوض ۲؍ وکٹ لے کر بہترین بالر رہے۔