ارجنٹائنا کے عظیم فٹ بالر لیونل میسی کے لیے ان کا ۱۰۰؍ واں میچ یادگار نہ بن سکا۔ انٹر میامی کی ٹیم اورلینڈو سٹی کے خلاف ۰۔۳؍ کی مضبوط برتری حاصل کرنے کے باوجود اسے برقرار نہ رکھ سکی۔

ارجنٹائنا کے عظیم فٹ بالر لیونل لیونل میسی کے لیے ان کا ۱۰۰؍ واں میچ یادگار نہ بن سکا۔ انٹر میامی کی ٹیم اورلینڈو سٹی کے خلاف ۰۔۳؍ کی مضبوط برتری حاصل کرنے کے باوجود اسے برقرار نہ رکھ سکی اور مقابلہ ۳۔۴؍ سے ہار گئی۔ اپنے نئے نو اسٹیڈیم  میں پہلی جیت کی تلاش میں مصروف میامی کو اس سیزن کی دوسری شکست کا سامنا کرنا پڑا ہے۔

GOLAZO! That’s what the 10 does 🎯 pic.twitter.com/CXjZI71Txi

— Inter Miami CF (@InterMiamiCF) May 3, 2026

میامی نے میچ کا آغاز انتہائی جارحانہ انداز میں کیا چوتھے ہی منٹ میں ایان فرے نے گول کر کے میامی کو برتری دلائی۔۲۵؍ویں منٹ میں وینزویلا کے ٹیلاسکو سیگوویا نے اسکور ۰۔۲؍ کر دیا۔۳۳؍ ویں منٹ میں لیونل میسی نے پینالٹی ایریا کے باہر سے اپنے مخصوص بائیں پاؤں کے شاٹ کے ذریعے گیند کو جال کی راہ دکھا کر میامی کی برتری ۰۔۳؍ کر دی۔ایسا محسوس ہو رہا تھا کہ میامی یہ میچ آسانی سے جیت جائے گی، لیکن اورلینڈو سٹی نے کھیل کا پانسہ پلٹ دیا۔

یہ بھی پڑھئے:۹؍ ریاستوں میں بارش، کئی مقامات پر ژالہ باری

ارجنٹائنا سے تعلق رکھنے والے مارٹن اوجیڈا نے اورلینڈو کی جانب سے پہلے تین گول داغے۔ انہوں نے ۳۹؍ ویں اور۶۸؍ ویں منٹ میں لانگ رینج شاٹس کے ذریعے گول کیے، جبکہ ۷۹؍ ویں منٹ میں پینالٹی اسٹروک پر گول کر کے اسکور برابر کر دیا۔

یہ بھی پڑھئے:نرگس نیشنل ایوارڈ حاصل کرنے والی پہلی اداکارہ تھیں

میچ کے آخری لمحات (انجری ٹائم) میں ٹائریس اسپائسر نے گیند کو گول کیپر کے پیروں کے درمیان سے گزار کر جال میں پہنچایا اور اپنی ٹیم کو۳۔۴؍ سے تاریخی فتح دلا دی۔میامی کے کوچ گیلرمو ہائوس کی ٹیم دفاعی کمزوریوں کے باعث جیتا ہوا میچ ہار گئی، جبکہ اورلینڈو سٹی کے اوجیڈا اس سیزن کے ۱۱؍ میچوں میں ۷؍ گول مکمل کر چکے ہیں۔