محسن خان نے ۳ء۲۳؍ اوور میں ۲۹؍ رنز دے کر ۶؍ وکٹ لے کر کرناٹک کو کیرالا کے خلاف اننگز اور ۱۶۴؍ رنز سے شاندارفتح دلائی۔ کیرالا نے دن کا آغاز۱۰؍رن پر کیا لیکن وقفے وقفے سے وکٹیں گنوائیں۔

محسن خان نے ۳ء۲۳؍ اوور میں ۲۹؍ رنز دے کر۶؍ وکٹ لے کر کرناٹک کو کیرالا کے خلاف اننگز اور ۱۶۴؍ رنز سے شاندارفتح دلائی۔ کیرالا نے دن کا آغاز۱۰؍رن   پر کیا لیکن وقفے وقفے سے وکٹیں گنوائیں، اوپنر کرشنا پرساد کا سب سے زیادہ اسکور ۳۳؍رن تھا۔ صرف اپنا تیسرا فرسٹ کلاس میچ کھیلتے ہوئے، ۲۲؍ سالہ آف اسپنر محسن نے اپنے پہلے ہی میچ میں پانچ وکٹیں لے کر کرناٹک کی فتح کو یقینی بنایا۔
احمد آباد میں ایک انتہائی سخت مقابلے میں ہریانہ نے میزبان گجرات کو چار وکٹوں سے شکست دے کر مسلسل تیسری جیت درج کی۔ پہلے دن کھیل نہ ہونے کے باوجود میچ کافی سنسنی خیز رہا اور ہریانہ نے برتری حاصل کی۔ گجرات نے دن کا آغاز آٹھ وکٹ پر۱۱۳؍ رنز سے کیا اور وہ صرف ۱۳۷؍ رنز ہی بنا سکا، نکھل کشیپ نے ۴؍ وکٹ لیے۔ جیت کے لیے۶۲؍ رنز کی ضرورت تھی، ایک مرحلہ پر ہریانہ کا وکٹ بہت جلدگر گئے۔ پارتھ واتس اور یشوردھن دلال نے اپنی ٹیم کے لیے فتح حاصل کی۔ 
ممبئی نے راجستھان کے ساتھ ڈرا کیا 
راجستھان نے پہلی اننگز میں برتری حاصل کرنے کے بعد، ممبئی نے بھی  اپنی دوسری اننگز میں اچھی کارکردگی کا مظاہرہ کیا، لیکن میچ ڈرا پر ختم ہوا۔ یشسوی جیسوال کی ۱۵۶؍ رن کی اننگز نے ممبئی کو ڈرا کرا دیا جبکہ مشیر خان نے ۶۳؍ رنز بنائے۔ممبئی نے دوسری اننگز میں ۳؍ وکٹوں پر ۲۶۹؍رنز بنائے جس کے بعد کھلاڑیوں نے ہاتھ ملایا اور میچ ڈرا پرختم ہو گیا۔ 
اتراکھنڈ کی سنسنی خیز جیت 
مینک مشرا کی پانچ وکٹوں نے دہلی میں سروسیز کے خلاف کم اسکور والے میچ میں اتراکھنڈ کو سنسنی خیز فتح حاصل کرنے میں مدد کی۔ فتح کے لیے ۱۲۳؍ رنز کا تعاقب کرتے ہوئے، سروسیز نے دن کا آغاز ۵؍وکٹ پر۷۱؍ رنز سے کیا۔ ارجن شرما (۲۳؍رن) کے علاوہ کوئی بھی بلے باز ۲۰؍رن  تک نہیں پہنچ سکا۔ اور بالآخر سروسیز کو۱۰۵؍ رنز پر آؤٹ کرتے ہوئے ۱۷؍ رنز کی فتح حاصل کی۔ 
حیدرآباد نے چار وکٹوں سے کامیابی  حاصل کی 
ابھیرتھ ریڈی کے شاندار  ناٹ آؤٹ ۱۷۵؍ رنز کی بدولت حیدرآباد نے ہماچل پردیش کے خلاف ۳۴۴؍رن  کے ہدف کا تعاقب چار وکٹیں گنوا کر پورا کر لیا۔۸؍رن پر دن کا آغاز کرتے ہوئے، حیدرآباد نے تنمے اگروال کو جلد ہی کھو دیا، لیکن ابھیرتھ نے باقی ٹاپ چھ کے ساتھ مفید شراکت داری قائم کی، جس میں راہل رادھیش (۶۶؍رن ) کے ساتھ دوسرے وکٹ کے لیے سنچری اسٹینڈ بھی شامل تھی، جس نے حیدرآباد کو۳ء۷۵؍  اوورز میں ہدف تک پہنچنے میں مدد کی۔ 

یہ بھی پڑھئے:لیونل میسی عظیم کھلاڑی ہے، مگر میں خود کو کم نہیں سمجھتا: رونالڈو

آندھرا ایک اننگز سے جیت گیا 
 آندھرا نے ادیشہ کے خلاف ایک اننگز اور۵۰؍ رن سے آرام دہ فتح حاصل کی، سوربھ کمار اور تری پورانہ وجے نے ان کے درمیان چھ وکٹیں لے کر گھریلو ٹیم کی دوسری اننگز کا تیزی سے خاتمہ کیا۔ اس کے بعد، ادیشہ نے دن کے آغاز میں ۲؍وکٹ پر ۱۹۰؍ رنز بنائے تھے لیکن آخر کار ۲۷۴؍رن  پر سمٹ گئی۔ گورو چودھری نے سب سے زیادہ ۸۰؍رن جبکہ سندیپ پٹنائک نے ۶۳؍رن بنائے۔ تاہم، باقی بلے باز ٹیم کوشکست سے بچانے میں ناکام رہے اور ادیشہ کو دوسری شکست کا سامنا کرنا پڑا۔