جنوبی افریقہ کے خلاف انگلینڈ کا مقابلہ ایک تاریخی اور ریکارڈ توڑ مقابلے میں تبدیل ہو گیا، جہاں چوکوں اور چھکوں کی بارش ہوئی، کئی ناقابلِ فراموش لمحے رقم ہوئے اور ریکارڈز کا سلسلہ مسلسل ٹوٹتا رہا۔

جنوبی افریقہ کے خلاف انگلینڈ کا مقابلہ ایک تاریخی اور ریکارڈ توڑ مقابلے میں تبدیل ہو گیا، جہاں چوکوں اور چھکوں کی بارش ہوئی، کئی ناقابلِ فراموش لمحے رقم ہوئے اور ریکارڈز کا سلسلہ مسلسل ٹوٹتا رہا۔

Fastest ever 🏴󠁧󠁢󠁥󠁮󠁧󠁿 IT20 ton ✅

His 4th IT20 ton ✅

7th highest ever IT20 individual score ✅ pic.twitter.com/PBOpxRehrH

— England Cricket (@englandcricket) September 12, 2025

میزبان ٹیم نے جمعہ کی رات ۲؍ وکٹ  کے نقصان پر ۳۰۴؍ رن بنائے جو کہ مردوں کے ٹی۲۰؍ بین الاقوامی مقابلوں میں کسی بھی ٹیم کا اب تک کا سب سے بڑا اسکور ہے اور ساتھ ہی انگلینڈ کا بھی بہترین ٹی ۲۰؍اسکور ہے۔ مردوں کے ٹی ۲۰؍ بین الاقوامی کرکٹ میں یہ تیسرا موقع تھا جب کسی ٹیم نے۳۰۰؍ رن کا ہندسہ عبور کیا۔ اس سے قبل زمبابوے نے اکتوبر ۲۰۲۴ء میں گامبیا کے خلاف ۴؍وکٹ پر ۳۴۴؍رن  کا ریکارڈ اسکور بنایا تھا۔ اس کے بعد نیپال نے ستمبر۲۰۲۳ء میں منگولیا کے خلاف ۳؍وکٹ پر ۳۱۴؍رن  بنائے تھے۔  آئی سی سی کے مکمل رکن ٹیموں کی بات کی جائے تو انگلینڈ نے اکتوبر۲۰۲۴ءمیں بنگلہ دیش کے خلاف ہندوستان کے ۶؍وکٹ پر ۲۹۷؍رن  کے اسکور کو پیچھے چھوڑ دیا۔

18 sixes on our way to posting THREE-HUNDRED! 🫡 pic.twitter.com/TeDlcJbGgD

— England Cricket (@englandcricket) September 13, 2025

فل سالٹ اور جوس بٹلر نے شاندار اوپننگ شراکت کے ساتھ ابتدا ہی سے جنوبی افریقی گیند بازوں کی اچھی خبر لی۔ انگلینڈ نے پاور پلے میں ہی۱۰۰؍ رن  مکمل کر لیے، جب کہ اوپننگ جوڑی نے صرف ۴۷؍ گیندوں پر۱۲۶؍ رن  جوڑے۔ سالٹ نے اپنے کریئر کی یادگار اننگز کھیلتے ہوئے صرف۶۰؍ گیندوں پر ناٹ آؤٹ۱۴۱؍ رن بنائے جو کہ ٹی۲۰؍ انٹرنیشنل میں کسی انگلش بلے باز کا سب سے بڑا انفرادی اسکور ہے۔

یہ بھی پڑھیئے:ایشیاکپ: پاکستان نے عمان کو ۹۳؍رن سے روند دیا

ان کی سنچری صرف۳۹؍ گیندوں میں مکمل ہوئی، جو کسی انگلش بلے باز کی جانب سے اب تک کی تیز ترین سنچری ہے اور انہوں نے۲۰۲۱ء میں پاکستان کے خلاف لیام لیونگ اسٹون کے ریکارڈ کو بھی توڑ دیا۔۲۹؍ سالہ سالٹ کی ٹی۲۰؍ بین الاقوامی سنچریوں کی تعداد اب ۴؍ ہو گئی ہے، جس سے وہ سوریا کمار یادو کے ساتھ آ کھڑے ہوئے ہیں  جب کہ میکسویل اور روہت شرما ۵۔۵؍ سنچریوں کے ساتھ سرفہرست ہیں۔ جوس بٹلر نے بھی۱۸؍ گیندوں پر نصف سنچری بنا کر زبردست کردار ادا کیا جو کہ ٹی۲۰؍ انٹرنیشنل میں انگلینڈ کی جانب سے تیسری تیز ترین نصف سنچری ہے۔
اتنے مشکل ہدف کے تعاقب میں جنوبی افریقہ کے پاس ابتدا سے ہی جارحانہ بلے بازی کے سوا کوئی چارہ نہیں تھا، لیکن ان کی اننگز۱۵۸؍رن  پر سمٹ گئی۔ نتیجے کے طور پر انگلینڈ نے سیریز۱۔۱؍ سے برابر کر دی۔ آئی سی سی کی ایک رپورٹ کے مطابق فیصلہ کن مقابلہ اتوار۱۴؍ ستمبر کو ناٹنگھم میں کھیلا جائے گا۔