راہل دراوڑ نے آئی پی ایل ۲۰۲۶ء سے پہلے راجستھان رائلز (آر آر) کو چھوڑ دیا ہے۔ فرنچائزی نے ان کے شاندار تعاون کے لئے شکریہ ادا کیا اور کہا کہ انہیں ایک بڑا عہدہ پیش کیا گیا تھا لیکن انہوں نے قبول نہیں کیا۔  بطور کھلاڑی دراوڑ۲۰۱۱ء میں آر آر کے ساتھ جڑے تھے۔ بعد ازاں وہ کوچ اور مینٹور کے طور پر بھی خدمات انجام دیتے رہے۔

Your presence in Pink inspired both the young and the seasoned. 💗

Forever a Royal. Forever grateful. 🤝 pic.twitter.com/XT4kUkcqMa

— Rajasthan Royals (@rajasthanroyals) August 30, 2025

فرنچائزی نے اپنے بیان میں دراوڑ کی خدمات کو سراہتے ہوئے کہا کہ انہیں ایک بڑی ذمہ داری کی پیشکش کی گئی تھی لیکن انہوں نے اسے قبول نہیں کیا۔ 
راجستھان رائلز نے کہا کہ ’’راہل  دراوڑ کا ٹیم کے ساتھ ایک طویل اور گہرا رشتہ رہا ہے۔ انہوں نے کئی برسوں تک ٹیم کی رہنمائی کی۔ ان کی قیادت میں ایک نئی نسل کے کھلاڑی تیار ہوئے۔ ‘‘ آئی پی ایل ۲۰۲۵ء کا سیزن دراوڑ کے لئے ذاتی طور پر بھی مشکل رہا تھا۔ وہ پیر کی چوٹ کے باعث کافی عرصہ وہیل چیئر پر رہے، تاہم ٹیم کی کوچنگ جاری رکھی۔ اس سیزن میں ان کی کوچنگ میں آر آر نے ۱۴؍ میں سے صرف ۴؍ میچ جیتے اور ۹؍ویں مقام پر رہی۔ 

یہ بھی پڑھئیے:یو ایس اوپن: انجری کے باوجود کارلوس الکاراز کی شاندار کارکردگی

بطور کھلاڑی دراوڑ۲۰۱۱ء میں راجستھان رائلز سے جڑے تھے۔۲۰۱۲ء اور۲۰۱۳ء میں بطور کھلاڑی کھیلنے کے بعد وہ۲۰۱۴ء اور۲۰۱۵ء میں مینٹور کے طور پر بھی ٹیم سے وابستہ رہے۔ آر آر کے ساتھ علیحدگی کے بعد اب نہ راجستھان رائلز کے پاس اور نہ ہی کولکاتا نائٹ رائیڈرس (کے کے آر) کے پاس کوئی ہیڈ کوچ ہے۔ پچھلے ماہ چندرکانت پنڈت بھی کے کے آر سے الگ ہوگئے تھے۔ 
 فی الحال آر آر کے پاس کمار سنگاکارا بطور ڈائریکٹر آف کرکٹ، وکرم راٹھور بطور بیٹنگ کوچ اور شین بونڈ بطور بولنگ کوچ موجود ہیں۔۲۰۰۸ء کے بعد سے راجستھان رائلز نے کوئی آئی پی ایل ٹرافی نہیں جیتی ہے۔ ان کی دوسری سب سے بڑی کامیابی۲۰۲۲ء میں آئی جب وہ گجرات ٹائٹنس کے خلاف فائنل میں پہنچے لیکن ہار گئے۔