۴۲؍مرتبہ کی رنجی چیمپئن ممبئی نے کرناٹک کے خلاف ۶؍ فروری سے شروع ہونے والے اہم کوارٹر فائنل معرکے کے لیے اپنے ۱۶؍ رکنی اسکواڈ کا اعلان کر دیا ہے۔ اس بار ٹیم کی قیادت اسٹار آل راؤنڈر شاردُل ٹھاکر کریں گے جبکہ نوجوان اوپنر یشسوی جیسوال کی واپسی سے ٹیم کا بیٹنگ لائن اپ مزید مضبوط ہو گیا ہے۔

۴۲؍مرتبہ کی رنجی چیمپئن ممبئی نے کرناٹک کے خلاف ۶؍ فروری سے شروع ہونے والے اہم کوارٹر فائنل معرکے کے لیے اپنے ۱۶؍ رکنی اسکواڈ کا اعلان کر دیا ہے۔ اس بار ٹیم کی قیادت اسٹار آل راؤنڈر شاردُل ٹھاکر کریں گے  جبکہ نوجوان اوپنر یشسوی جیسوال کی واپسی سے ٹیم کا بیٹنگ لائن اپ مزید مضبوط ہو گیا ہے۔
اسکواڈ میں دو بڑے ناموں کی واپسی نے شائقین کی توجہ حاصل کر لی ہے، لیکن یہ واپسی مختلف حالات میں ہوئی ہے۔انجری کے باعث گزشتہ چند میچوں سے باہر رہنے والے تجربہ کار آل راؤنڈر شاردُل ٹھاکر (کپتان) اب مکمل فٹ ہیں اور ٹیم کی قیادت سنبھالنے کے لیے تیار ہیں۔
 ٹیم میں جیسوال کی شمولیت خوش آئند ہے، تاہم ان کی گزشتہ میچوں سے غیر حاضری پر ممبئی کرکٹ ایسوسی ایشن  نے ناراضگی کا اظہار کیا ہے۔ رپورٹس کے مطابق، بین الاقوامی مصروفیات سے فارغ ہونے کے باوجود ان کے نہ کھیلنے کی وجہ سے بورڈ حکام زیادہ خوش نہیں تھے۔ 
شاردُل ٹھاکر (کپتان)، یشسوی جیسوال، مشیر خان، اکھل ہرواڈکر، سدھیش لاڈ، سرفراز خان، آکاش آنند (وکٹ کیپر)، ہاردک تمورے (وکٹ کیپر)، سائی راج پاٹل، شمس ملانی، تنوش کوٹین، تشار دیشپانڈے، موہت اوستھی، اونکار ترمالے، دیویش سکسینہ اور سوریانش شیڈگے۔

یہ بھی پڑھئے:۳؍طرح کے اکاؤنٹس یکم فروری سے بند ہوجائیں گے

`انڈیا اے ٹیم کا اعلان، تلک ورما کی واپسی
ہندوستانی کرکٹ کنٹرول بورڈ (بی سی سی آئی) نے آئی سی سی مینز ٹی ۲۰؍ ورلڈ کپ ۲۰۲۶ء سے قبل شیڈول دو اہم  پریکٹس مقابلوں کے لیے ۱۵؍ رکنی انڈیا اے ٹیم کا اعلان کر دیا ہے۔ نوجوان بلے باز ایوش بڈونی کو ٹیم کا کپتان مقرر کیا گیا ہے۔ٹیم کے انتخاب میں سب سے اہم خبر اسٹار بلے باز تلک ورما کی واپسی ہے۔ تلک ورما، جو ٹی ۲۰؍ ورلڈ کپ کے لیے  ہندوستان کے سینئر اسکواڈ کا بھی حصہ ہیں، حال ہی میں سرجری کے باعث میدان سے دور تھے۔ بی سی سی آئی نے انہیں انڈیا اے میں شامل کیا ہے تاکہ وہ عالمی ٹورنامنٹ سے قبل اپنی فٹنیس اور فارم کو پوری طرح بحال کر سکیں۔

یہ بھی پڑھئے:ایمباپے کا آخری لمحات میں جادو: ریئل میڈرڈ کی سنسنی خیز فتح

انڈیا اے کی ٹیم عالمی میلے سے قبل درج ذیل میچز کھیلے گی۔۲؍ فروری: پہلا مقابلہ امریکہ  کے خلاف۔۶؍ فروری: دوسرا مقابلہ نمیبیا کے خلاف۔دوسری جانب،  ہندوستان کی سینئر مینز ٹیم بھی اپنی تیاریوں کو حتمی شکل دینے کے لیے ۴؍فروری کو جنوبی افریقہ کے خلاف ایک ہائی پروفائل وارم اپ میچ کھیلے گی۔کھلاڑی کا نامکردار: ایوش بڈونی ، لک ورما ، روی بشنوئی ،خلیل احمد، مینک یادو، این جگدیسن / ارویل پٹیل ، دیگر کھلاڑی: نمن دھیر،  آشوتوش شرما، پریانش آریہ، ریان پراگ، مانو سوتھار، اشوک شرما، گرجپ نیت سنگھ اور وپراج نگم۔