مینک یادو اور پرنس یادو کی شاندار گیندبازی کے بعد نوجوان بلے باز ویبھو سوریاونشی کی طوفانی نصف سنچری کی بدولت ہندوستان نے پہلے ٹی۲۰؍ میچ میں زمبابوے کو سات وکٹوں سے شکست دے کر تین میچوں کی سیریز میں ۰۔۱؍ کی برتری حاصل کر لی۔

 مینک یادو اور پرنس یادو کی شاندار گیندبازی کے بعد نوجوان بلے باز ویبھو سوریاونشی کی طوفانی نصف سنچری کی بدولت ہندوستان نے پہلے ٹی۲۰؍ میچ میں جمعرات کو زمبابوے کو سات وکٹوں سے شکست دے کر تین میچوں کی سیریز میں ۰۔۱؍ کی برتری حاصل کر لی۔ اس کے ساتھ ہی کپتان شریاس  ایّر کو اپنی قیادت میں پہلی ٹی۲۰؍ فتح بھی نصیب ہوئی۔

یہ بھی پڑھئے:پی وی سندھو، لکشیا سین اور آیوش شیٹی کی شکست، چائنا اوپن میں ہندوستانی چیلنج ختم

زمبابوے کو سات وکٹوں پر ۱۲۵؍ رنز تک محدود رکھنے کے بعد ہندوستان نے۲ء۱۳؍ اوور میں تین وکٹوں کے نقصان پر۱۲۶؍ رنز بنا کر ہدف حاصل کر لیا۔ شریاس ایّر کو بطور کپتان مسلسل چھ ٹی۲۰؍ شکستوں کے بعد پہلی کامیابی ملی۔ ویبھو سوریاونشی نے صرف  ۱۹؍گیندوں پر چار چوکوں اور چار چھکوں کی مدد سے ۵۰؍ رنز کی جارحانہ اننگز کھیل کر زمبابوے کو واپسی کا کوئی موقع نہیں دیا۔ ایشان کشن نے ۳۵؍رن، شریاس   نے ناٹ آؤٹ ۲۸؍ اور تلک ورما نے ناٹ آؤٹ ۶؍ رنز بنائے۔

Blowing through the top order early on 🔥

Mayank Yadav is awarded the Player of the Match for an outstanding powerplay spell on his comeback 🌟

Scorecard ▶️ https://t.co/NKa0znQQ3H#TeamIndia | #ZIMvIND pic.twitter.com/XPWQWbf47i

— BCCI (@BCCI) July 23, 2026

اس سے قبل مینک یادو نے میچ کی پہلی ہی گیند پر ہندوستان کو کامیابی دلائی اور اپنے دو وکٹوں کی بدولت پاور پلے میں ہی زمبابوے کی تین وکٹیں گر گئیں۔ بعد میں ریان برل (۲۶؍رن ) اور ویسلے مدھیویرے (۳۹؍رن ) نے اننگز سنبھالنے کی کوشش کی، جبکہ تڈیواناشے مارومانی ناٹ آؤٹ ۲۷؍  رنز بنا کر واپس لوٹے، تاہم زمبابوے کی پوری ٹیم مقررہ ۲۰؍ اوور میں سات وکٹوں پر ۱۲۵؍ رنز ہی بنا سکی۔

یہ بھی پڑھئے:چھٹی لینے سے پہلے ہی ’جین زی ‘ ملازم نے خود پر لگا دی پابندی،پیغام سوشل میڈیا پروائرل

ہندوستان کی جانب سے مینک یادو نے ۱۸؍ رنز دے کر دو اور پرنس یادو نے ۱۹؍ رنز دے کر دو وکٹیں حاصل کیں، جبکہ شیوَم دوبے اور روی بشنوئی نے ایک، ایک بلے باز کو آؤٹ کیا۔  مینک یادو نے میچ کی پہلی ہی گیند پر ہندوستان کو پہلی کامیابی دلائی اور ان کے ابتدائی دو جھٹکوں کی بدولت پاور پلے میں ہی زمبابوے کی تین وکٹیں گر گئیں۔ اس کے بعد کپتان سکندر رضا ۳۲؍رن کے مجموعی اسکور پر آؤٹ ہوئے۔