ہندوستان کی ۱۷؍ سالہ بیڈمنٹن کھلاڑی تنوی شرما نے خواتین کے سنگلز کے فائنل میں ویتنام کی چھٹی سیڈ یافتہ گوئین تھوئی لِنہ کو۱۶۔۲۱، ۱۶۔۲۱؍ سے شکست دے کر تائپے اوپن ۲۰۲۶ء کا خطاب اپنے نام کر لیا۔ یہ ان کے کریئر کا پہلا بی ڈبلیو ایف ورلڈ ٹور سپر۳۰۰؍ خطاب ہے۔

 ہندوستان کی ۱۷؍ سالہ بیڈمنٹن کھلاڑی تنوی شرما نے خواتین کے سنگلز کے فائنل میں ویتنام کی چھٹی سیڈ یافتہ گوئین تھوئی لِنہ کو۱۶۔۲۱، ۱۶۔۲۱؍  سے شکست دے کر تائپے اوپن ۲۰۲۶ء کا خطاب اپنے نام کر لیا۔ یہ ان کے کریئر کا پہلا بی ڈبلیو ایف ورلڈ ٹور سپر۳۰۰؍ خطاب ہے۔

17 YEARS OLD. RECORD-BREAKER. CHAMPION. 🇮🇳🏆

​Tanvi Sharma wins the Taipei Open 2026 to become the youngest champion in tournament history and only the 4th Indian Women`s Singles shuttler to lift a Super 300+ trophy 👑

The future is here!🏸#Badminton #TaipeiOpen2026 pic.twitter.com/Az96c3U9n8

— BAI Media (@BAI_Media) August 2, 2026

یہ بھی پڑھئے:کنگنا رناوت کا رتیک روشن کو جواب’’اپنی ساتھی کو شرمندہ کرنا بند کریں‘‘

اس تاریخی کامیابی کے ساتھ تنوی، سائنا نہوال کے بعد تائپے اوپن جیتنے والی دوسری ہندوستانی خاتون سنگلز کھلاڑی بن گئی ہیں۔ اس جیت نے اس ٹورنامنٹ میں ہندوستان کے ۱۷؍ سالہ اعزازی انتظار کا بھی خاتمہ کر دیا۔تنوی نے پہلے گیم میں ابتدا ہی سے برتری قائم کرتے ہوئے۱۶۔۲؍سے کامیابی حاصل کی۔ دوسرے گیم میں ۰۔۳؍ سے پیچھے ہونے کے باوجود انہوں نے شاندار واپسی کی اور جارحانہ کھیل کا مظاہرہ کرتے ہوئے مسلسل برتری برقرار رکھی۔ انہوں نے شاندار کراس کورٹ ڈراپ شاٹ کے ساتھ آخری پوائنٹ حاصل کیا اور صرف ۳۶؍ منٹ میں فائنل اپنے نام کر لیا۔

یہ بھی پڑھئے:ورلڈ کپ کی مایوسی کے بعد لیونل میسی کی واپسی، انٹر میامی کا کولمبس کریو سےمیچ ڈرا

خطاب جیتنے کے بعد تنوی نے کہا’’میں اس کامیابی پر بے حد خوش ہوں۔ پورے ٹورنامنٹ میں میری کوشش یہی تھی کہ ہر میچ میں اپنی بہترین کارکردگی پیش کروں۔ میں دباؤ میں تھی، لیکن خود سے کہا کہ سو فیصد دوں گی اور صرف اپنے کھیل پر توجہ رکھوں گی۔‘‘اس فتح کے ساتھ تنوی سپر ۳۰۰؍ یا اس سے اعلیٰ درجے کا خطاب جیتنے والی چوتھی ہندوستانی خاتون سنگلز کھلاڑی بن گئی ہیں۔ وہ سائنا نہوال، پی وی سندھو اور دیویکا سہاگ کے خصوصی کلب میں شامل ہونے کے ساتھ ساتھ بی ڈبلیو ایف سپر ۳۰۰؍خطاب جیتنے والی دنیا کی تیسری کم عمر کھلاڑی بھی بن گئی ہیں۔