بارسلونا فٹبال کلب نے اسپینش لیگ لا لیگا میں گیٹافے کو یامل کے بغیرکھیلتے ہوئے ۳؍گول سے شکست دی۔ فیران ٹوریس کے دو گول کئے۔ چوٹ کی وجہ سے مسلسل تیسرے میچ میں لامین یامل شرکت نہیں کرسکے۔

فیران ٹوریس کے دو گول نے اتوار کو لا لیگا میں گیٹافے کے خلاف بارسلونا کو۰۔۳؍گول  سے فتح دلائی۔ چوٹ کی وجہ سے مسلسل تیسرے میچ میں لامین یامل کے بغیر، ہانسی فلک کی ٹیم نے اپنے عارضی ہوم گراؤنڈ پر شاندار کارکردگی کا مظاہرہ کیا۔ ڈینی اولمو نے تیسرا گول کیا اور اسسٹ بھی کیا۔

FULL TIME 🔥 pic.twitter.com/ZTlFj34PhI

— FC Barcelona (@FCBarcelona) September 21, 2025

اس جیت کے ساتھ ہی ناقابل شکست بارسلونا کی ٹیم  ۱۳؍پوائنٹس کے ساتھ لیگ میں دوسرے نمبر پر موجود ہے۔ وہ  ریئل  میڈرڈ فٹبال کلب سے ۲؍ پوائنٹ پیچھے ہے جس نے ہفتے کے روز ایسپینیول کو شکست دینے کے بعد ۵؍ میں سے ۵؍ میچ جیتے تھے۔ بارسلونا نے سینٹ جان ڈیسپی ٹریننگ گراؤنڈ میں بارش میں تقریباً ۶؍ہزار شائقین کے سامنے میچ کھیلا اور شروع سے ہی حاوی رہا۔
 ۲۵؍سالہ ہسپانوی کھلاڑی ٹوریس، جنہیں فلک کی روٹیشن پالیسی کے تحت رابرٹ لیواینڈوسکی کی جگہ کھیلنے کا موقع دیا گیا تھا، نے۱۵؍ویں منٹ پر ٹیم کی شاندار موو کے ساتھ گول کا آغاز کیا۔ ٹوریس نے پھر ۳۴؍ ویں منٹ میں آف سائیڈ ٹریپ کو چکماتے ہوئے برتری کو دُگنا کر دیا اور رافینہا کی مدد سے گیند  پر شاندار گول کر دیا۔

یہ بھی ٖپڑھیئے:انگلینڈ نے آئرلینڈ کو ٹی ۲۰ ؍ سیریز میں مات دی

ٹوریس ہاف ٹائم سے پہلے ہیٹ ٹرک مکمل کرنے کے قریب پہنچ گئے، لیکن ان کا شاٹ گول کیپر سے بچنے کے بعد کراس بار سے ٹکرا گیا۔ اس کے بعد دانی المو نے۶۲؍ویں منٹ میں ٹیم کے لیے تیسرا اور آخری گول کیا۔ ٹوریس اس سیزن میں ۵؍ گیمز میں ۴؍ گول کرنے کے بعد اب لا لیگا کے اسکورنگ چارٹ میں دوسرے نمبر پر ہیں، جو ریال میڈرڈ کے  کائیلیان  ایمباپے سے صرف ایک گول پیچھے ہیں۔