اسپین کی ٹیم رئیل بیٹس پہلی بار ای سی ایل کے فائنل میں پہنچی ہے لیکن ان کے سامنے ایک ایسی ٹیم ہے جسے ہرانا اتنا آسان نہیںہوگا،چیلسی خطاب کی مضبوط دعویدار۔

چیلسی اور ریئل بیٹس جمعرات کویوروپا کانفرنس لیگ (ای سی ایل) کے فائنل میں پولینڈ کے اسٹیڈیون میجسکی میں آمنے سامنے ہوں گے۔ اسپین کی ٹیم رئیل بیٹس پہلی بار ای سی ایل کے فائنل میں پہنچ گئی ہے لیکن ان کے سامنے ایک ایسی ٹیم ہے جسے ہرانا اتنا آسان نہیں ہوگا۔ چیلسی لیگ مرحلے کے آغاز سے ہی ٹائٹل کی دعویدار لگ رہی تھی اور پولینڈ میں ایک منفرد جیت حاصل کرنا اس کا مقصد بھی ہے اور وہ یوئیفا کے پانچوں بڑے مردوں کے سینئر کلب مقابلوں میں فتح حاصل کرنے والی پہلی ٹیم بن جائے گی۔ 
  فائنل جیتے کی صورت میں چیلسی یوئیفا کے پانچوں بڑے مردوں کے سینئر کلب مقابلوں میں فتح حاصل کرنے والی پہلی ٹیم بن جائے گی۔ اس سے پہلے چیلسی یوئیفا چمپئن لیگ کے دو ایڈیشن جیت چکی ہے۔ یوئیفا یوروپا لیگ کے دو ایڈیشنز اور ۲؍یوئیفا سپر کپ میں فاتح رہ چکی ہے۔ 

یہ بھی پڑھئے:کرسٹیانورونالڈو کا سعودی کلب النصر سے علاحدگی کا اشارہ

تاہم بیٹس کیلئے بھی کچھ اعدادوشمار مثبت ثابت ہوسکتے ہیں۔ ۰۲-۲۰۰۱ء کے سیزن کے آغاز کے بعد سے تمام ۲۳؍ چمپئن لیگ، یوروپا لیگ یا کانفرنس لیگ کے فائنل جن میں اسپین کی ٹیمیں شامل ہیں، ایک اسپینی ٹیم نے جیتا ہے۔ آخری بار جب کوئی لا لیگا کلب کسی غیر ملکی ٹیم سے یوئیفاکے کسی فائنل میں ہار ا تھا وہ سال ۲۰۰۱ء تھا جب چمپئن لیگ میں ویلنسیا کو بائرن کے ہاتھوں شکست ہوئی تھی۔ اس مقابلہ میں دیکھنے کیلئے کافی کچھ ہوگا۔ چیلسی کے اطالوی کوچ ماریسکا نے ۱۲-۲۰۱۱ء سے ملاگا میں مڈفیلڈر کے طور پر بیٹس کے باس مینوئل پیلیگرینی کے ماتحت کھیلا تھا اور پھر۱۹-۲۰۱۸ء میں ویسٹ ہیم میں چلی کے اسسٹنٹ تھے۔ بیٹس کے مداح ماریسکا کو ایک کھلاڑی کے طور پر اپنے ۴؍ سیزن سے جانتے ہیں، چیلسی کے کوچ کو یاد ہے کہ انہوں نے نومبر ۲۰۰۵ء میں بیٹس کے خلاف ڈربی جیت میں واحد گول کیا تھا۔ چیلسی اور ریئل بیٹس ۲۹؍ مئی کو پولینڈ کے روکلا میں اسٹیڈیون میجسکی میں مدمقابل ہوں گے۔ میچ آئی ا یس ٹی کے مطابق رات ساڑھے۱۲؍بجے شروع ہونا ہے۔ یوروپا کانفرنس لیگ کا فائنل سونی اسپورٹس نیٹ ورک پر نشر کیا جائے گا اور سونی لیو پر لائیو اسٹریم کیا جائے گا۔