بی سی سی آئی کے نائب صدر راجیو شکلا نے بڑا بیان دیا۔ راجیو شکلا نے یہ بھی کہا کہ بی سی سی آئی کسی کھلاڑی کو ریٹائرڈ ہونے کے لیے نہیں کہتا۔ یہ فیصلہ مکمل طور پر کھلاڑی کا اپنا ہے۔ جب کوئی کھلاڑی ریٹائرمنٹ کا فیصلہ کرتا ہے تو بورڈ اس کے فیصلے کا احترام کرتا ہے۔

 بی سی سی آئی کے نائب صدر راجیو شکلا نے  بڑا بیان دیا۔ راجیو شکلا نے یہ بھی کہا کہ بی سی سی آئی کسی کھلاڑی کو ریٹائرڈ ہونے کے لیے نہیں کہتا۔ یہ فیصلہ مکمل طور پر کھلاڑی کا اپنا ہے۔ جب کوئی کھلاڑی ریٹائرمنٹ کا فیصلہ کرتا ہے تو بورڈ اس کے فیصلے کا احترام کرتا ہے۔

What’s next for Rohit Sharma and Virat Kohli?

Shri Rajeev Shukla @ShuklaRajiv (Vice President, BCCI; Director, Asian Cricket Council; MP, Rajya Sabha) shares his thoughts in a very special episode of Long Off Lounge.

Now live on YouTube — https://t.co/Z5oxTzCbrL@UPCACricket |… pic.twitter.com/srflE3Bc9M

— UP T20 League (@t20uttarpradesh) August 22, 2025

 ہندوستانی کرکٹ ٹیم کے مداحوں میں اس بات کے تعلق سے کافی چرچا ہے کہ آیا تجربہ کار کھلاڑی وراٹ کوہلی اور روہت شرما جلد ہی بین الاقوامی کرکٹ سے ریٹائرڈ ہو جائیں گے۔ کچھ رپورٹس میں یہ دعویٰ بھی کیا گیا کہ اکتوبر میں آسٹریلیا کے خلاف ون ڈے سیریز ان کے کریئر کی آخری سیریز ہو سکتی ہے۔ اس پر بی سی سی آئی کے نائب صدر راجیو شکلا نے ان تمام قیاس آرائیوں پر بڑا بیان دیا ہے۔ 
 `ابھی تک ریٹائرڈ نہیں ہوئے، دونوں اچھا کھیل رہے ہیں
یوپی ٹی۲۰؍ لیگ کے دوران ایک انٹرویو میں جب راجیو شکلا سے پوچھا گیا کہ کیا روہت اور وراٹ کو سچن تینڈولکر کی طرح `الوداعی میچ کھیلنے  ملے گا؟ اس سوال پر انہوں نے حیرت کا اظہار کیا۔ انہوں نے کہاکہ  `وہ ابھی تک کہاں ریٹائرڈ ہوئے ہیں؟ روہت شرما اور وراٹ کوہلی دونوں اب ون ڈے کھیلیں گے، اب آپ ریٹائرمنٹ کی بات کیوں کر رہے ہیں؟ تم ان کی الوداعی کی بات کیوں کر رہے ہو؟ 

یہ بھی پڑھیئے:بنگلورسے چھینی گئی خواتین ورلڈ کپ میچوں کی میزبانی

راجیو شکلا نے واضح کیا کہ دونوں کھلاڑی اب بھی کافی فٹ ہیں اور اچھا کھیل رہے ہیں۔ انہوں نے کہا کہ ’’  کوہلی بہت فٹ ہیں، وہ اچھا کھیل رہے ہیں، روہت شرما بہت اچھا کھیلتے ہیں۔ اب سبکدوشی  کی فکر کیوں ہو رہی ہے؟
 روہت اور کوہلی دونوں آسٹریلیا کے خلاف ون ڈے سیریز میں نظر آئیں گے 
اس دوران راجیو شکلا نے کسی بھی کھلاڑی کے ریٹائرمنٹ کے حوالے سے بی سی سی آئی کی پالیسی کے بارے میں بھی بتایا۔ انہوں نے کہا کہ بی سی سی آئی کسی کھلاڑی کو ریٹائرڈ ہونے کے لیے نہیں کہتا۔ یہ فیصلہ مکمل طور پر کھلاڑی کا اپناہوتا ہے۔ جب کوئی کھلاڑی ریٹائرمنٹ کا فیصلہ کرتا ہے تو بورڈ اس کے فیصلے کا احترام کرتا ہے۔ ان کا مزید کہنا تھا کہ جب کوہلی اور روہت خود ون ڈے کرکٹ سے ریٹائرمنٹ کا فیصلہ کریں گے تو شائقین ان سے مناسب الوداعی میچ کے بارے میں کہہ سکتے ہیں۔ فی الحال دونوں کھلاڑی اکتوبر میں آسٹریلیا کے خلاف ون ڈے سیریز میں کھیلتے ہوئے نظر آئیں گے تاہم یہ دیکھنا دلچسپ ہوگا کہ یہ دونوں کھلاڑی۲۰۲۷ء کا ون ڈے ورلڈ کپ کھیل سکیں گے یا نہیں۔