ہندوستان اپنے ہی بنائے طوفان کی دہلیز پرکھڑا ہے۔ جمعرات کو ڈی وائی پاٹل اسٹیڈیم میں، ہرمن پریت کور کی ٹیم نہ صرف سیمی فائنل میں کھیلے گی بلکہ آسٹریلیا کے حق میں پہلے سے لکھی گئی کہانی کو چیلنج کرتے ہوئے کھیل کے سب سے طاقتور پاور ہاؤس کا سامنا کرے گی۔ آسٹریلیا کی ٹیم ناقابل شکست اور اعتماد سے لبریز ہے۔

ہندوستان اپنے ہی بنائے  طوفان کی دہلیز پرکھڑا ہے۔ جمعرات کو ڈی وائی پاٹل اسٹیڈیم میں، ہرمن پریت کور کی ٹیم نہ صرف سیمی فائنل میں کھیلے گی بلکہ آسٹریلیا کے حق میں پہلے سے لکھی گئی کہانی کو چیلنج کرتے ہوئے کھیل کے سب سے طاقتور پاور ہاؤس کا سامنا کرے گی۔  آسٹریلیا کی ٹیم  ناقابل شکست اور اعتماد سے لبریز  ہے۔ ان کے بارے میں ایسا کہا جاتا ہے جیسے فائنل میں پہنچنا ان کا پیدائشی حق ہے۔ لیکن ہندوستان نے کبھی بھی دنیا کی اجازت کا انتظار نہیں کیا۔ کل وہ فخر کے لیے، اربوں دلوں کے لیے اور اس ورلڈ کپ کی تاریخ کو دوبارہ لکھنےکے لیے  میدان میں داخل ہوں گی۔ 

Motivated. Confident. Full of belief. ✨

Shafali Verma is 𝘽𝙖𝙘𝙠 𝙞𝙣 𝘽𝙡𝙪𝙚 🇮🇳

🎥 Hear from the #TeamIndia opener ahead of the semi-final 👌- By @mihirlee_58

Get your #CWC25 tickets 🎟 now: https://t.co/vGzkkgwXt4#WomenInBlue | #INDvAUS | @TheShafaliVerma pic.twitter.com/xyrgy1eHBt

— BCCI Women (@BCCIWomen) October 29, 2025

ہندوستان کی اسمرتی مندھانا نہ صرف رنز بنا رہی ہیں بلکہ اعتماد بھی بڑھا رہی ہیں۔ اب ان کے ساتھ شفالی ورما شامل ہیں، جو ایک نوجوان طوفان ہے ۔ جمائمہ روڈریگز، کپتان ہرمن پریت کو اور رچا گھوش، ہندوستان کا مڈل آرڈر بقا کے لیے نہیں، بلکہ جنگ کے لیے تیار ہے۔دپتی شرما ایک بار پھر گیند کے ساتھ ایک اہم کردار ادا کریں گی، آسٹریلیا کے بلے بازوں کو ایسے سوالات کے ساتھ چھیڑیں گی جن کے جواب دینے کی وہ عادی نہیں ہیں۔ رینوکا سنگھ ٹھاکر، شری چرنی اور کرانتی  گوڑ کو اس بات کو یقینی بنانا ہوگا کہ چیمپئن بھی کل کو بے چینی محسوس کریں اور یہ چیمپئن  بھی زبردست ہیں۔ فوبی لیچفیلڈ کی درستگی، ایلیس پیری کی ہمیشہ سے موجود کمانڈ، پرسکون بیتھ مونی  یہ آسٹریلیا کی غیر متزلزل مرکز ہیں۔ کسی بھی دوسری ٹیم کے خلاف وہ آسانی سے جیت سکتی ہیں لیکن ہندوستان  کے خلاف انہیں پسینہ بہانا پڑ سکتا ہے۔ 

یہ بھی پڑھئے:عالمی نمبر ایک الکاراز پیرس ماسٹرس کے دوسرے راؤنڈ میں باہر

ایشلی گارڈنر ان کا خوفناک ہتھیار بنی ہوئی ہیں جو بلے اور گیند سے تباہی مچا سکتی ہیں اور ان کے پیچھے میگن شٹ، کم گارتھ  اور الانا کنگ کی قیادت میں ایک حملہ ہے جو بے رحم، درست اور مؤثر ہے۔ ان کا بینچ اتنا بھرا ہوا ہے کہ زخموں سے بھی فرق نہیں پڑتا  لیکن آسٹریلیا کی ایک کمزوری ہے: وہ جیتنے کی امید رکھتے ہیں  جبکہ ہندوستان ہارنے کو تیار نہیں ہے تو سخت لڑائی کی توقع ہے۔ موسم ویلن کا کردار ادا کرنے کی دھمکی دے رہا ہے اور ہندوستان نہیں چاہتا کہ آسمان ان کی قسمت کا فیصلہ کرے۔ وہ مقابلہ، تصادم، منصفانہ مقابلے کے لیے ایک اسٹیج چاہتی ہیں۔