انگلینڈ کامیچ ۱۔۱؍ گول سےبرابر رہا اور پنالٹی شوٹ آؤٹ میں ایک۔۳؍سے کامیابی حاصل کی۔ انگلینڈ نے ورلڈ کپ کی شکست کا حساب برابر کیا۔

انگلینڈ نے عالمی چمپئن  اسپین کو پنالٹی شوٹ آؤٹ میں شکست دے کر مسلسل دوسری بار خاتون یورپی فٹبال چمپئن  شپ (ویمنزیورو )۲۰۲۵ءکا خطاب جیت لیا۔
 اتوار کو کھیلے جانےوالے دلچسپ فائنل میچ کے پہلے ہاف میں اسپین کی ماریونا کالڈینٹے نے۲۵؍ ویں منٹ میں گول کر کے اپنی ٹیم کو برتری دلائی۔ انگلینڈ کی ایلیسیا روسو نے۵۷؍ویں منٹ میں گول کر کے اسکور۱۔۱؍ سے برابر کردیا۔ اس کے بعد جب اضافی وقت میں اسکور برابر رہا تو میچ کا فیصلہ کرنے کے لیے پنالٹی شوٹ آؤٹ کا سہارا لیا گیا۔
  انگلینڈ کی گول کیپر ہنا ہیمپٹن نے شوٹ آؤٹ میں ۲؍ شاندار بچاؤ کیے ۔ اس جیت کے ساتھ انگلینڈ نے ورلڈ کپ۲۰۲۳ء کے فائنل میں اسپین سے اپنی شکست کا   حساب بیباق کر دیا۔ انگلینڈ پہلے ہاف میں پیچھے رہ گیا تھا، دوسرے میں  اچھا مقابلہ کیا اور اپنے شاندار متبادل پر انحصار کیا - بشمول کیلی - بالکل اسی طرح جیسے اس نے ناک آؤٹ راؤنڈ میں اٹلی اور سویڈن کے خلاف کیا تھا۔
  انگلینڈ نے۵۷؍ ویں منٹ میں ایلیسیا روسو کے ہیڈر اورکیلی کے کراس پاس پر اسکور برابر کر دیا۔ اسپین پورے ٹورنامنٹ میں صرف چار منٹ کے لیے پیچھے رہا  اور انگلینڈ کے خلاف ایک سیکنڈ کے لیے بھی نہیں ،پھر بھی عالمی کپ جیتنے والا ملک اپنا پہلا یورپی ٹائٹل اپنے نام نہیں کر سکا۔
  اسپین کے کوچ مونٹس ٹومے نے کہاکہ ’’ میرے خیال میں یہ ٹیم جیت کی زیادہ مستحق تھی۔ مجھے کم از کم اس تلخ احساس کے ساتھ نہیں جیناہے۔ انہوں نے مزید کہاکہ کیلی نے ۳؍ سال قبل ویمبلے میں انگلینڈ کے لیے  اضافی وقت میں میچ جتانے والا گول اسکور کیا تھا تاکہ جرمنی کو۱۔۲؍ گول  سے شکست دی جائے۔ 
  شکست پانے والی ٹیم اسپین کی کھلاڑی بونمتی نےکو ٹورنامنٹ کا بہترین کھلاڑی قرار دیا گیا۔ اس موقع پر انہوں نے کہاکہ ’’ہم نے بہتر کھیلا، زیادہ گول کرنے کے مواقع پیدا کیے، لیکن فٹبال میں بعض اوقات یہ کافی نہیں ہوتا۔‘‘اسپین کی گول کیپر کاٹا کول نے انگلینڈ کی کپتان لیہ ولیمسن کی اسپاٹ ککس کو بچایا تھااور پہلا گول بیتھ میڈ نے کیا تھا۔ انگلینڈ نے اس میچ اچھا مظاہرہ کیا اور چمپئن بن گیا۔ انگلینڈ کی کھلاڑیوں نے اپنی پوری جان لگاتی تھی اور وہ اس میں کامیاب رہی ۔