اس سیزن میں یانک سنر نے شاندار فارم کا مظاہرہ کیاہے اور کمزوری کم ہی ظاہر کی ہے۔ یو ایس اوپن کے تیسرے راؤنڈ میں ایک موقع پر وہ ڈینس شاپووالوف کے خلاف دباؤ میں نظر آئے، جنہوں نے پہلا سیٹ جیت کر تیسرے سیٹ میں۰۔۳؍ کی برتری حاصل کر لی تھی۔

اس سیزن میں یانک  سنر نے شاندار فارم کا مظاہرہ کیاہے اور کمزوری کم ہی ظاہر کی ہے۔ یو ایس اوپن کے تیسرے راؤنڈ میں ایک موقع پر وہ ڈینس شاپووالوف کے خلاف دباؤ میں نظر آئے، جنہوں نے پہلا سیٹ جیت کر تیسرے سیٹ میں۰۔۳؍ کی برتری حاصل کر لی تھی۔ اس کے بعد نمبر وَن  رینک کے اطالوی کھلاڑی نے شاندار واپسی کی اور پیر کو قزاخستان کے۲۳؍ویں سیڈ الیگزینڈر ببلک کو ۱۔۶، ۱۔۶، ۱۔۶؍ سے شکست دے کر کوارٹر فائنل میں پہنچ گئے۔ یہ ان کا خطاب کے کامیاب دفاع کی طرف ایک مضبوط قدم ہے۔

All business for Jannik Sinner on Monday night. pic.twitter.com/IjwonNKeTk

— US Open Tennis (@usopen) September 2, 2025

اٹلی کے کھلاڑی سنر نے کہاکہ مجموعی  طور پر میں بہت خوش ہوں۔ اس سال پہلی بار یہاں نائٹ میچ کھیل رہا ہوں  اور یہ بہت بڑا فرق  پیدا ہوتاہے۔ میں سب کا شکریہ ادا کرتا ہوں جو آئے اور ہمیں حوصلہ دیا۔ یہ ہم کھلاڑیوں کے لیے بہت خاص موقع ہے۔ یہ سنر کی کسی بھی گرینڈ سلیم میں سب سے بڑی جیت ہے۔ رواں سال کے شروع میں وہ رولا گیروس میں تیسرے راؤنڈ میں جیری لیہیکا کو۰۔۶، ۱۔۶، ۲۔۶؍سے شکست دے چکے ہیں۔

یہ بھی پڑھئیے:شارجہ میں ایک ہی میچ میں ۲؍ ریکارڈس بنے

ببلک نے آرتھر ایش اسٹیڈیم پر کھیلتے ہوئے اس سے پہلے تک تین راؤنڈز میں ایک بھی سروس گیم نہیں ہارا تھا، لیکن سنر نے آغاز ہی میں دو ریٹرن گیم جیت لئے اور پھر پیچھے مڑ کر نہیں دیکھا۔ انہوں نے اپنے حریف کی سروس آٹھ مرتبہ توڑی اور صرف ایک بریک پوائنٹ کا سامنا کیا اور محض ایک گھنٹہ۲۱؍ منٹ میں میچ جیت لیا۔ یہ ٹورنامنٹ کا دوسرا سب سے مختصر وقت میں ختم ہونے والا مردوں کا سنگلز میچ تھا۔
سنر نے مزید کہا کہ ہم ایک دوسرے کو بہت اچھی طرح جانتے ہیں۔ ہمارے درمیان کچھ سخت مقابلے ہوئے ہیں، خاص طور پر اس سال۔ انہوں نے مجھے مبارکباد دی اور نیک خواہشات دیں۔ ان کا پچھلا میچ بہت مشکل تھا، ۵؍ سیٹ کھیلے اور دیر سے ختم ہوا۔ آج وہ اپنی عام کارکردگی کے مطابق سروس نہیں کر پائے تو میں نے ہر سیٹ میں ان کی سروس جلدی توڑ دی، جس سے میرا اعتماد بڑھا۔  یہ پہلا موقع ہوگا کہ کسی گرینڈ سلیم کے مردوں کے سنگلز کوارٹر فائنل میں صرف اطالوی کھلاڑی ہوں۔ سنر کا مقابلہ اب۱۰؍ویں سیڈ لورینزو موسیٹی سے ہوگا  اور ہیڈ ٹو ہیڈ ریکارڈ میں سنر  ۰۔۲؍ سے آگے ہیں۔