ٹائم میگزین نے ہندوستانی اوپنر یشسوی جیسوال کو اپنے۱۰۰؍ ابھرتے ہوئے ستاروں کی فہرست میں شامل کیا ہے۔ جیسوال واحد کرکٹر ہیں جنہیں۲۰۲۵ء ٹائم۱۰۰؍ نیکسٹ میں شامل کیا گیا ہے۔

ٹائم میگزین نے ہندوستانی اوپنر یشسوی جیسوال کو اپنے۱۰۰؍ ابھرتے ہوئے ستاروں کی فہرست میں شامل کیا ہے۔ جیسوال واحد کرکٹر ہیں جنہیں۲۰۲۵ء ٹائم۱۰۰؍ نیکسٹ میں شامل کیا گیا ہے۔۲۳؍ سالہ بلے باز نے بدھ کو سوشل میڈیا پوسٹ کے ذریعے فہرست میں شامل ہونے پر خوشی کا اظہار کیا۔

What a Time to witness! I am honoured to be recognised in the 2025 #TIME100NEXT list alongside leaders shaping the future across industries. It reminds me how far I’ve come and how much further I want to go 🙏🏻

See the full list here: https://t.co/ao1yV1cvb7 pic.twitter.com/zCIHgEeRmy

— Yashasvi Jaiswal (@ybj_19) October 1, 2025

یشسوی  نے ایکس  پر اپنی پوسٹ میں لکھا کہ ’’’کتنا شاندار وقت ہے! مجھے مستقبل کی تشکیل کرنے والے لیڈروں کے ساتھ ٹائم ۱۰۰؍ ۲۰۲۵ء اگلی فہرست میں شامل کیا گیا ہے۔ مجھے اس پر فخر ہے۔ یہ مجھے یاد دلاتا ہے کہ میں کتنی دور آیا ہوں اور میں کتنا آگے جانا چاہتا ہوں۔‘‘

یہ بھی پڑھیئے:الجیریا کی صفیہ جلال اورایران کے سعید افروز نے عالمی ریکارڈ بنائے

یشسوی جیسوال اس وقت احمد آباد میں ہیں۔ انہیں ویسٹ انڈیز کے خلاف ۲؍اکتوبر سے شروع ہونے والی دو میچوں کی ٹیسٹ سیریز کے لیے ہندوستانی ٹیم میں منتخب کیا گیا ہے۔ بدھ کو یشسوی نے ٹیم انڈیا کے پریکٹس سیشن میں حصہ لیا۔ پہلا میچ احمد آباد کے نریندر مودی اسٹیڈیم میں صبح۹؍ بجے سے کھیلا جائے گا۔
تازہ ترین فہرست میں۵؍ کھلاڑیوں کے نام شامل ہیں۔ یشسوی جیسوال کے علاوہ ان میں ہسپانوی فٹبالر لامین یامل، امریکی باسکٹ بال کھلاڑی پیج بیوکرز، امریکی ٹینس اسٹار ٹیلر فرٹز اور تھائی گولفر جینو تھیٹکول شامل ہیں۔ ٹائم۱۰۰؍ نیکسٹ۲۰۱۹ء میں شروع کیا گیا تھا۔ اس وقت ہندوستانی اسپرنٹر دوتی چند کو شامل کیا گیا تھا۔ وہ اس فہرست میں شامل ہونے والی پہلی ہندوستانی بن گئیں۔ اسی سال انگلینڈ کے ٹیسٹ کپتان بین اسٹوکس اس فہرست میں شامل ہونے والے دنیا کے پہلے کرکٹر بن گئے  جس کے بعد ۲۰۲۲ء میں ہندوستانی خواتین کرکٹ ٹیم کی کپتان ہرمن پریت کور کا نام شامل کیا گیا۔