بالی ووڈ سپر اسٹار شاہ رخ خان کے ممبئی واقعبنگلہ منت ایک بار پھر خبروں میں ہے۔ اس کے بنگلے کے اندر دو سانپ دیکھے گئے۔ سانپوں کو دیکھ کر سیکورٹی اسٹاف نے فوری طور پر محکمہ جنگلات کو اطلاع دی۔ ریسکیو ٹیم جائے وقوعہ پر پہنچی اور احتیاطی تدبیر کے بعد ایک سانپ کو بحفاظت پکڑ لیا۔

بالی ووڈ سپر اسٹار شاہ رخ خان کے ممبئی واقعبنگلہ منت  ایک بار پھر خبروں میں ہے۔ اس کے بنگلے کے اندر دو سانپ دیکھے گئے۔ سانپوں کو دیکھ کر سیکورٹی اسٹاف نے فوری طور پر محکمہ جنگلات کو اطلاع دی۔ ریسکیو ٹیم جائے وقوعہ پر پہنچی اور احتیاطی تدبیر کے بعد ایک سانپ کو بحفاظت پکڑ لیا۔

یہ بھی پڑھئے:’’اِٹ: ویلکم ٹو ڈیری ‘‘ سیزن ۲؍ کی تصدیق، کہانی ۱۹۳۵ء میں جائے گی

رپورٹس کے مطابق سانپ کو سب سے پہلے بنگلے کے گارڈ نے دیکھا۔ سانپ کو دیکھ کر سیکورٹی اہلکاروں نے فوری طور پر محکمہ جنگلات کو فون کیا۔ سانپوں کو بچانے والے وکی دوبے محکمہ جنگلات کے اہلکاروں کے ساتھ `منت  پہنچے۔ ٹیم نے پورے احاطے کی تلاشی لی اور ایک سانپ کو بنگلے کے باغ میں ایک شیڈ کے اندر چھپا ہوا پایا۔
وکی دوبے نے احتیاط سے سانپ کو ہٹایا اور انکشاف کیا کہ یہ آٹھ فٹ لمبا دھامن سانپ ہے۔ ہندوستانی چوہا سانپ کے نام سے بھی جانا جاتا ہے، یہ سانپ   زہریلا  نہیں ہوتاہے تاہم ریسکیو آپریشن کے دوران دوسرا سانپ ٹیم کے پکڑنے سے پہلے ہی فرار ہوگیا۔ اس کو پکڑنے کے لیے طویل تلاشی لی گئی لیکن وہ نہیں ملا۔محکمہ جنگلات کا خیال ہے کہ دوسرا سانپ بنگلے کے احاطے سے فرار ہو گیا ہو گا۔

یہ بھی پڑھئے:وینس اور سیرینا ولیمز ڈبلز کے پہلے راؤنڈ میں ہار گئیں

منت میں اس وقت تزئین و آرائش کا کام جاری ہے۔ اس وجہ سے شاہ رخ خان فی الحال اپنے خاندان کے ساتھ بنگلے میں نہیں رہ رہے ہیں۔ وہ باندرہ میں ایک اور اپارٹمنٹ میں منتقل ہو گیا ہے۔ممبئی میں فلمی ستاروں کے گھروں میں سانپوں کے داخل ہونے کا یہ پہلا واقعہ نہیں ہے۔ اس سال کے شروع میں باندرہ میں اداکار سلمان خان کے گلیکسی اپارٹمنٹس میں بھی ایک سانپ دیکھا گیا تھا۔ ریسکیو ٹیم کو بلایا گیا اور سانپ کو بحفاظت نکال لیا گیا۔