فلم ’’دھرندھر: دی ریوینج‘‘کی ریلیز سے قبل AJIO نے خصوصی مرچنڈائز کلیکشن متعارف کرایا، تاہم سوشل میڈیا پر صارفین کی جانب سے اس پر ملا جلا ردعمل سامنے آیا ہے۔

ریلائنس کے ای کامرس پلیٹ فارم AJIO نے فلم ’’دھرندھر ۲‘‘ کی ریلیز سے قبل اس کے گرد بڑھتے ہوئے ہائپ کو کیش کرنے کے لیے ایک خصوصی مرچنڈائز لائن لانچ کر دی ہے۔ اس کلیکشن کو ’’دھورندھر x AJIO‘‘ کے نام سے متعارف کرایا گیا ہے۔ یہ کلیکشن فلم کی جمالیات اور مرکزی کرداروں سے متاثر ملبوسات پر مشتمل ہے، خاص طور پر رنویر سنگھ کے دستخط والے گرافک ٹی شرٹس کو نمایاں حیثیت حاصل ہے، جو فلم میں مرکزی کردار ادا کر رہے ہیں۔

یہ بھی پڑھئے: گانے’’ سرکے چُنر‘‘ پر پابندی لگانے کا مطالبہ، قومی انسانی حقوق کمیشن نے نوٹس جاری کر دیا

جہاں ایک طرف یہ اقدام فلم کی مارکیٹنگ کا حصہ سمجھا جا رہا ہے، وہیں سوشل میڈیا پر اس پر شدید تنقید بھی دیکھنے میں آئی ہے۔ کچھ صارفین نے اسے غیر ضروری تجارتی حربہ قرار دیتے ہوئے کہا: ’’یہ عجیب ہے کہ فلم کو بہتر بنانے کے بجائے اب صرف منافع کمانے پر توجہ دی جا رہی ہے۔‘‘ ایک اور صارف نے لکھا کہ ’’اگر وہ اَن کٹ ورژن ریلیز کرتے تو زیادہ فائدہ ہوتا، مرچنڈائز سے زیادہ۔‘‘
تاہم کچھ افراد نے اس فیصلے کا دفاع بھی کیا اور اسے فلم انڈسٹری کا عام کاروباری ماڈل قرار دیا۔ ایک صارف نے کہا: ’’یہ ایک بزنس ہے، ہالی ووڈ میں بھی فرنچائزز مرچنڈائز سے بڑی کمائی کرتی ہیں۔‘‘

یہ بھی پڑھئے: جنت زبیر اور بھائی ایان پر حملہ، پولیس کی تحقیقات جاری، ٹیم کا بیان جاری

آدتیہ دھر کی ہدایت کاری میں بننے والی یہ فلم ایک ایکشن اور جاسوسی تھریلر ہے، جو پہلی فلم کا سیکوئل ہے۔ فلم میں سنجے دت، ارجن رامپال اور مادھون بھی اہم کردار ادا کر رہے ہیں۔ کہانی حمزہ مزاری نامی کردار کے گرد گھومتی ہے، جو سرحد پار دہشت گردی کے نیٹ ورکس کو ختم کرنے کے مشن پر ہے۔ فلم ۱۹؍ مارچ کو سنیما گھروں میں ریلیز ہورہی ہے۔ اور اس کے ساتھ ہی مرچنڈائز لانچ نے فلم کے گرد تجسس کو مزید بڑھا دیا ہے۔ ماہرین کے مطابق یہ قدم فلم کی برانڈ ویلیو بڑھانے میں مدد دے سکتا ہے، تاہم اصل کامیابی کا انحصار فلم کے مواد اور ناظرین کے ردعمل پر ہی ہوگا۔