کلرز ٹی وی کے مقبول کامیڈی کوکنگ ریئلیٹی شو ’’لافٹر شیفس سیزن ۳‘‘ کا شاندار اختتام ہوا، جہاں علی گونی اور جنت زبیر نے فاتح کا اعزاز اپنے نام کر لیا۔ علی گونی اور جنت زبیر نے مجموعی طور پر۹۹؍ اسٹارز حاصل کرکے ٹائٹل جیتا۔

کلرز ٹی وی کے مقبول کامیڈی کوکنگ ریئلیٹی شو ’’لافٹر شیفس سیزن ۳‘‘ کا شاندار اختتام اتوار کو ہوا، جہاں  علی گونی اور  جنت زبیر  نے فاتح کا اعزاز اپنے نام کر لیا۔ علی گونی اور جنت زبیر نے مجموعی طور پر۹۹؍ اسٹارز  حاصل کرکے ٹائٹل جیتا جبکہ  تیجسوی پرکاش  اور ارجن بجلانی کے ساتھ  کرن کندرا  اور  ایلوش یادو  نے ۷۵؍ اسٹارز  کے ساتھ مشترکہ طور پر رنر اپ کا مقام حاصل کیا۔

 

 

 

 

 

View this post on Instagram

 

 

 

 

 

 

 

 

 

 

 

A post shared by ColorsTV (@colorstv)

شو میں ہر چیلنج کے بعد بہترین کارکردگی پیش کرنے  والے جوڑی کو اسٹارز دیے جاتے تھے، جو ان کے مجموعی اسکور میں شامل ہوتے تھے۔ فاتح جوڑی کو ٹرافی کے ساتھ اسپانسرز کی جانب سے  اسمارٹ فونز  اور دیگر تحائف بھی دیے گئے۔
علی گونی نے کیا کہا ؟
فاتح بننے کے بعد جذباتی انداز میں علی گونی نے کہا ’’جب سے لوگوں کو فائنل کے بارے میں معلوم ہوا، سوشل میڈیا پر مداحوں کے جذباتی ردعمل دیکھنے کو مل رہے تھے۔ سب جاننا چاہتے تھے کہ آگے کیا ہوگا۔ ہم سب نے اپنے کریئر میں کئی شوز کیے ہیں، کسی کو ۱۵؍ سال اور کسی کو ۲۵؍ سال ہو چکے ہیں، لیکن ایسا شو کبھی نہیں ملا جہاں آپ ہر ایک سے اتنی محبت کریں۔ عموماً کسی نہ کسی کے ساتھ اختلاف یا حسد ضرور ہوتا ہے، مگر یہاں ایسا کچھ نہیں تھا۔‘‘ انہوں نے مزید کہا’’سیمی فائنل کی شوٹنگ کے بعد میں اپنی وینٹی وین میں بہت رویا تھا۔ یہ واقعی میری زندگی کا بہترین شو ہے۔‘‘

یہ بھی پڑھئے:سوشل میڈیا ایک بہت بڑی اور غیر معمولی طاقت بن چکا ہے: روی کشن

 جنت زبیر کا جذباتی پیغام
جنت زبیر نے بھی انسٹاگرام پر ایک جذباتی پوسٹ شیئر کرتے ہوئے لکھا’’ اس شو نے مجھے ایسی یادیں دیں جو ہمیشہ میرے ساتھ رہیں گی، ایسے لوگ دیے جنہیں میں بہت یاد کروں گی  اور ایسے رشتے دیے جن پر مجھے ہمیشہ فخر رہے گا۔ آج اپنے جذبات کو الفاظ میں بیان کرنا آسان نہیں۔ میرے لیے یہ صرف ایک اور شو نہیں تھا۔ آج ’’لافٹر شیفس سیزن ۳‘‘کا گرینڈ فائنل ہے۔ آپ سب نے ہمیں جتنا پیار دیا، اس کے لیے دل سے شکریہ۔ اب تو دوبارہ اپنے ان لوگوں کے ساتھ سیٹ پر واپس جانے کا انتظار بھی نہیں ہو رہا۔‘‘

یہ بھی پڑھئے:’’انڈین آئیڈل۱۶‘‘ کی فاتح جیوتیرمئی نائک عالیہ بھٹ اور دپیکا پڈوکون کیلئے گانا چاہتی ہیں

 عارضی شو سے سپر ہٹ فرنچائز تک
’’ لافٹر شیفس‘‘ کا آغاز ۲۰۲۴ء میں ایک عارضی فلر شو کے طور پر کیا گیا تھا، لیکن ناظرین کی زبردست پسندیدگی کے باعث اسے مسلسل نئے سیزنز کے لیے تجدید دی گئی۔ شو کے دوسرے سیزن کے فاتح  کرن کندرا  اور  ایلوش یادو  تھے۔ تیسرے سیزن کا آغاز گزشتہ سال نومبر میں ہوا تھا، جس میں  ویوین ڈیسینا، ایشا سنگھ، ایشا مالویہ، گُرمیت چودھری، تیجسوی پرکاش  اور  دیبینا بونرجی  سمیت کئی نئے اور پرانے چہروں نے شرکت کی۔ تاہم، کم ٹی آر پی کی وجہ سے شو کو درمیان میں ہی نئے انداز سے پیش کیا گیا، جس کے تحت زیادہ تر نئے شرکاء کو ہٹا کر اصل ٹیم کو واپس لایا گیا، جس کے بعد شو کو دوبارہ ناظرین کی بھرپور پذیرائی حاصل ہوئی۔