سائنس فکشن فلم ’’ڈُون: پارٹ ۳‘‘ کا باضابطہ اعلان ہو گیا ہے، ٹریلر ۱۸؍ مارچ کو جاری ہوگا جبکہ فلم دسمبر ۲۰۲۶ء میں ریلیز ہوگی اور ممکنہ طور پر ’’اوینجرز: ڈومسڈے‘‘ سے مقابلہ کرے گی۔

ہالی ووڈ کی مقبول سائنس فکشن فرنچائز ’’ڈُون‘‘ کی تیسری قسط ’’ڈُون: پارٹ تھری‘‘ باضابطہ طور پر سامنے آ گئی ہے، جس نے شائقین میں زبردست جوش پیدا کر دیا ہے۔ یہ فلم دراصل مشہور ناول Dune Messiah کی کہانی پر مبنی ہوگی اور اسے فرنچائز کی تھریکوئل کہا جا رہا ہے۔ فلم میں ٹموتھی شالامے اور زینڈایا ایک بار پھر مرکزی کرداروں میں نظر آئیں گے، جبکہ دیگر معروف اداکار بھی اپنی واپسی یا نئے کرداروں کے ساتھ شامل ہوں گے۔

ٹریلر اور ریلیز کی تفصیلات
رپورٹس کے مطابق فلم کا پہلا ٹریلر ۱۸؍ مارچ ۲۰۲۶ء کو کو ریلیز کیا جائے گا۔ یہ ٹریلر سوشل میڈیا پلیٹ فارمز پر جاری ہوگا جبکہ عالمی ناظرین اسے یوٹیوب پر بھی دیکھ سکیں گے۔ فلم کی باضابطہ ریلیز ۱۸؍ دسمبر ۲۰۲۶ء کو متوقع ہے، جس کے باعث یہ سال کی سب سے بڑی فلموں میں شمار کی جا رہی ہے۔

یہ بھی پڑھئے: ایک ماہ بعد سلیم خان اسپتال سے ڈسچارج، اہلِ خانہ اور شوبز شخصیات کی عیادت

کاسٹ اور نئی انٹریز
فلم کی کاسٹ میں کئی بڑے نام شامل ہیں، جن میں جیسن موموآ، ربیکا فرگیوسن، ہاویئر بارڈیم، فلورنس پگ اور آنیہ ٹیلر جوائے ۔ اس کے علاوہ رابرٹ پیٹنسن کی شمولیت کو خاصی اہمیت دی جا رہی ہے، جو اس بار ایک نئے کردار میں نظر آئیں گے۔

باکس آفس اور کامیابی
ڈُون فرنچائز پہلے ہی عالمی سطح پر بڑی کامیابی حاصل کر چکی ہے۔ دونوں فلموں نے مل کر تقریباً ۱۲ء۱؍ بلین ڈالر کمائے ہیں اور متعدد آسکر ایوارڈز بھی جیتے ہیں۔ یہ فلمیں نہ صرف بصری اثرات بلکہ کہانی اور اداکاری کے حوالے سے بھی بے حد سراہا گئی ہیں۔

یہ بھی پڑھئے: اسپورٹس ڈراما میں کارتک آرین کوچ بنیں گے، کبیر خان نے داؤ کھیلا؟

Avengers سے ممکنہ ٹکراؤ
دلچسپ بات یہ ہے کہ ’’ڈُون: پارٹ تھری‘‘ کی ریلیز اسی سال متوقع مارول فلم Avengers: Doomsday کے قریب ہو سکتی ہے، جس سے باکس آفس پر بڑا مقابلہ دیکھنے کو مل سکتا ہے۔
فرسٹ لک تصاویر کے سامنے آنے کے بعد سوشل میڈیا پر شائقین کا زبردست ردعمل دیکھنے میں آیا ہے۔ چند گھنٹوں میں لاکھوں ویوز حاصل ہونا اس بات کا ثبوت ہے کہ یہ فلم پہلے ہی انتہائی متوقع پروجیکٹ بن چکی ہے۔ ماہرین کے مطابق اگر فلم اپنے پہلے دو حصوں کی طرح معیار برقرار رکھتی ہے تو یہ نہ صرف باکس آفس پر کامیاب ہوگی بلکہ ایوارڈ سیزن میں بھی نمایاں مقام حاصل کر سکتی ہے۔