فیصل خان نے عامر خان اور خاندان سے تمام تعلقات منقطع کرلئے ہیں اور جائیداد سے بھی دستبردار ہوگئے ہیں۔

فیصل خان جو ’’میلہ‘‘ میں اپنے کردار کیلئے اب بھی یاد کئے جاتے ہیں، اکثر اپنے بھائی اور سپر اسٹار عامر خان اور ان کے خاندان کے خلاف اپنے متنازع بیانات کی وجہ سے سرخیوں میں رہتے ہیں۔ حال ہی میں انہوں نے عامر خان اور ان کے خاندان پر کئی الزامات لگائے ہیں۔ ایک نئی رپورٹ میں دعویٰ کیا گیا ہے کہ انہوں نے عامر اور باقی خاندان سے اپنے تمام تعلقات توڑنے کا فیصلہ کر لیا ہے۔ بالی ووڈ ببل کے مطابق، فیصل نے اپنا آفیشل بیان اس کے ساتھ شیئر کیا جس میں لکھا ہے، ’’میں، فیصل خان، نے اس تاریخ سے اپنے خاندان کے افراد کے ساتھ تمام تعلقات منقطع کرلئے ہیں، خاندان اور جائیداد میں سے بھی۔ حسین یا میری والدہ زینت طاہر حسین، اور/یا خاندان کے کسی دوسرے فرد سے مَیں کسی کی بھی جائیداد میں حقدار نہیں ہوں۔‘‘

یہ بھی پڑھئے:باکس آفس، دوسرا دن: ’’وار ۲‘‘ نے ’’قلی‘‘ کو پچھاڑ دیا

انہوں نے اس بات کی بھی تصدیق کی کہ وہ اب عامر خان کے گھر میں نہیں رہیں گے اور اداکار سے مزید کوئی مالی مدد نہیں مانگیں گے، اور وضاحت کی کہ یہ فیصلہ خاندان کے ساتھ تکلیف دہ تجربے کے بعد کیا گیا ہے۔ واضح رہے کہ اس سے قبل، فیصل کے تبصرے کے جواب میں، عامر خان کے اہل خانہ نے ایک عوامی بیان جاری کیا تھا جس میں وہ خاندان کے افراد کی ’’تکلیف دہ اور گمراہ کن‘‘ تصویر کشی پر غم و غصہ کا اظہار کیا تھا۔ بیان میں کہا گیا تھا کہ ’’ہم فیصل کی جانب سے اپنی والدہ زینت طاہر حسین، بہن نکہت ہیگڑے اور اپنے بھائی عامر کی تکلیف دہ اور گمراہ کن تصویر کشی سے پریشان ہیں۔ چونکہ یہ پہلی بار نہیں ہے کہ فیصل نے ان واقعات کو غلط انداز میں پیش کیا ہے، اس لئے ہم اپنے ارادوں کو واضح کرنا اور بطور خاندان اپنی یکجہتی کا اعادہ کرنا ضروری سمجھتے ہیں۔‘‘

یہ بھی پڑھئے:سیف علی خان نے رومانی ہی نہیں کئی پیچیدہ کردار بھی ادا کئے ہیں

خاندان نے اس بات پر زور دیا کہ فیصل کے بارے میں ہر فیصلہ اجتماعی طور پر، متعدد طبی ماہرین کی مشاورت سے اور ہمیشہ اس کی خیریت کو مدنظر رکھتے ہوئے کیا گیا ہے۔ بیان میں مزید کہا گیا ہے، ’’یہ بتانا ضروری ہے کہ فیصل کے بارے میں ہر انتخاب کو ایک خاندان کے طور پر، متعدد طبی پیشہ ور افراد کی مشاورت سے، اور محبت، ہمدردی اور اس کی جذباتی اور نفسیاتی تندرستی کو سہارا دینے کی خواہش پر مبنی ہے۔ ہم میڈیا سے درخواست کرتے ہیں کہ وہ نجی معاملے کو توہین آمیز، اشتعال انگیز اور تکلیف دہ گپ شپ میں تبدیل کرنے سے گریز کرے۔‘‘