ہنسل مہتا نے عامر خان کے ’’ستارے زمیں پر‘‘ کو ’’پےپر ویو ماڈل‘‘ کے تحت یوٹیوب پر ریلیز کرنے کے فیصلے کی تعریف کرتے ہوئے اسے اسمارٹ اقدام قرار دیا۔ایک ایکس صارف نے ہنسل مہتاپر پوسٹ لکھنے میں اے آئی کے استعمال کا الزام عائد کیا۔ ہنسل مہتا نے کہا ’’صرف گرامر ٹھیک کرنے کیلئے اے آئی استعمال کیا ہے۔‘‘

عامر خان نے اپنی فلم ’’ستارے زمیں پر‘‘ کو ’’پے پر ویو‘‘ ماڈل کے تحت یوٹیوب پر ریلیز کرنے کا فیصلہ کیا ہے۔ آج سےناظرین ۱۰۰؍ روپے ادا کر کے فلم کو یوٹیوب پر دیکھ سکیں گے۔ اب فلمساز ہنسل مہتا نے عامر خان کے فلم کو ’’پے پر ویو‘‘ماڈل کے تحت ریلیز کرنے کے فیصلے کو ’’اسمارٹ‘‘ اقدام قرار دیتے ہوئے کہا کہ ’’یہ اقدام تعریف کا مستحق ہے نہ کہ تنقید کا۔‘‘ 

Aamir Khan releasing Sitaare Zameen Par on YouTube as a pay‑per‑view title after its theatrical run is not a threat to anyone. It’s a smart, forward‑looking move that deserves applause, not knee‑jerk criticism.

Our ecosystem is skewed toward instant gratification and a handful…

— Hansal Mehta (@mehtahansal) July 31, 2025

عامر خان نے ایک نوٹ لکھتے ہوئے نشاندہی کی ہے کہ اس اقدام نے کس طرح فلموں تک ناظرین کی رسائی کو جمہوری بنایا ہے اور تخلیق کاروں کے پاس اختیار باقی رکھا ہے۔‘‘ ہنسل مہتا نے لکھا کہ ’’عامر خان کے اپنی فلم ’’ستارے زمیں پر‘‘کو ’’پے پر ویو‘‘ ماڈل کے تحت یوٹیوب پر ریلیز کرنے کا فیصلہ کسی کیلئے بھی خطرہ نہیں ہے۔ یہ ایک اسمارٹ اقدام ہے جو تعریف کا مستحق ہے نہ کہ تنقید کا۔‘‘ انہوں نے مزید کہا کہ ’’اس اقدام نے حقیقت میں کیا کیا ہے، ۱) تخلیق کاروں کے پاس اختیار باقی رکھا ہے؟۲) مداح کس فلم کو کب دیکھیں گے اور کس طرح دیکھیں گے یہ فلمساز کا انتخاب ہونا چاہئے؟ ۳) آمدنی کا پائیدار نظام، سنیماگھروں کے بعد او ٹی ٹی واحد انتخاب نہیں ہونا چاہئے۔ ۴) رسائی کو جمہوری بنانا، مناسب قیمت، آسان ادائیگی اور یوٹیوب کی پہنچ جو سنیما کی پہنچ کو ملٹی پلیکسیز اور سبسکرپشن ویڈیو آن ڈیمانڈ (ایس وی او ڈی)سے آگے بڑھاتی ہے۔ اگر پے پر ویود ماڈل اپنے قدم جما لیتا ہے تو یہ سنیما گھروں اور سبسکرپشن ڈیل کے بیچ درمیانی سطح کا ماڈل بن سکتا ہے۔‘‘

یہ بھی پڑھئے: ’سیارہ‘ کا ٹائٹل ٹریک گلوبل بل بورڈ پر ٹاپ ۱۰؍ میں شامل ہونے والا پہلا بالی ووڈ نغمہ

ہنسل مہتا نے مزید کہا کہ ’’ یہ ان پیسوں کی واپسی کا بہترین ذریعہ ہے جو خطرے میں ہیں۔سنیما گھروں میں فلم کے رن ٹائم کے بعد آنے والے پیسوں سے پروڈیوسرز دستاویزی فلم، مقامی کہانیوں اور دیگر پروجیکٹس کو فنڈ کر سکتے ہیں۔ یہ سنیما گھروں اور اسٹریمز کے درمیان جنگ نہیں ہے بلکہ یہ فلموں کی تقسیم میں ایک ’’اصلاح‘‘ہے۔ او ٹی ٹی ایک راستہ ہونا چاہئے بلکہ اس پر انحصار کرنا ٹھیک نہیں ہے۔ اس طرح کے ماڈل کے ذریعے فلموں کی مناسب قیمتیں، ادائیگی میں آسانی اورشفاف یوزر انٹرفیرینس (یو آئی) ایک خواب نہیں رہتا بلکہ طویل مشق کے بعد پالیسی بن جاتا ہے۔ اس طرح کے تجربات کرنے چاہئیں جس کے بعد دیگر فلموں کیلئے بھی راستہ ہموارہوتا ہے۔‘‘

یہ بھی پڑھئے: ۸۲؍ سالہ امیتابھ بچن نے انسٹاگرام پر کہا کہ سیکھنے کی کوشش کررہا ہوں کہ یہ کیسے کام کرتا ہے

ایکس صارف کا ہنسل مہتا پر ’’ایس زیڈ پی‘‘ کی یوٹیوب ریلیز پر لکھے جانے والے مواد میں چیٹ جی بی ٹی استعمال کرنے کا الزام
ایک ایکس صارف نے ہنسل مہتا پر پوسٹ لکھنے میں چیٹ جی پی ٹی استعمال کرنے کا الزام عائد کیا ہے۔ اس نے اپنے پوسٹ میں لکھا ہے کہ ’’ہنسل مہتا،آپ ایک مصنف اور فلمساز ہیں۔ یہ افسوس کی بات ہے کہ آپ جیسے فلمساز اپنے خیالات کااظہار کرنے کیلئے چیٹ جی پی ٹی کا استعمال کررہے ہیں۔ آپ کی رائے مصنوعی ذہانت کے استعمال کے بغیر ’’حقیقی‘‘ ہونی چاہئے۔‘‘ ہنسل مہتا نے اس کے جواب میں لکھا ہے کہ ’’یہ میری رائے اورمیرے الفاظ ہیں جبکہ اے آئی نے صرف گرامر ٹھیک کیا ہے۔‘‘