کریتی سینن میڈاک فلمز کے ساتھ ایک بار پھر کام کرنے جا رہی ہیں۔ اطلاعات کے مطابق اداکارہ بڑے پیمانے پر بننے والی خالص ہارر فلم میں مرکزی کردار ادا کریں گی۔ فلم ’’ممی‘‘ کے بعد یہ پروڈکشن ہاؤس کے ساتھ ان کی دوسری سولو لیڈ فلم ہوگی، تاہم فلم کے نام اور کہانی کی تفصیلات تاحال خفیہ ہیں۔

کریتی سینن کے مداحوں کے لیے ایک بڑی خبر سامنے آئی ہے۔ اداکارہ اب خوف اور سنسنی کی دنیا میں قدم رکھنے کے لیے تیار ہیں۔ اطلاعات کے مطابق انہوں نے میڈاک فلمز کے اشتراک سے بننے والی ایک نامعلوم عنوان کی ہارر فلم سائن کرلی ہے۔ اس کے ساتھ ہی پروڈکشن ہاؤس کے ساتھ ان کا نواں اشتراک ہوگا، جو ہارر کامیڈی فلموں کے لیے مشہور ہے۔ خبر رساں ایجنسی آئی اے این ایس کے مطابق، اس آنے والی فلم کو بڑے پیمانے پر بنانے کا منصوبہ ہے اور اس میں کریتی سینن خالص ہارر فلم میں مرکزی کردار ادا کرتی نظر آئیں گی۔ فلم کے نام اور کہانی سمیت دیگر تفصیلات فی الحال خفیہ رکھی گئی ہیں۔

ایک ذرائع کے حوالے سے بتایا گیا، ’’فلم ’’کاک ٹیل ۲‘‘ اور ’’تیرے عشق میں‘‘ میں اپنی اداکاری کے لیے پذیرائی حاصل کرنے کے بعد کریتی سینن نے بالآخر اپنے اگلے پروجیکٹ کو حتمی شکل دے دی ہے۔ وہ ہمیشہ مختلف اصناف میں کام کرنے کی خواہش مند رہی ہیں اور اس بار میڈاک فلمز کی تیار کردہ بڑے پیمانے کی فلم کے ذریعے خالص ہارر کی دنیا میں قدم رکھ رہی ہیں، جس میں وہ مرکزی کردار ادا کریں گی۔‘‘

یہ بھی پڑھئے: کرن راؤ اور صبا آزاد عمران خان کی حمایت میں سامنے آگئیں

کریتی سینن اور میڈاک فلمز کا دوبارہ اشتراک

اطلاعات کے مطابق یہ فلم کریتی سینن اور میڈاک فلمز کا نواں مشترکہ منصوبہ ہوگی۔ اس پروڈکشن ہاؤس کے ساتھ ان کی سابقہ فلموں میں ’’رابطہ‘‘، ’’بریلی کی برفی‘‘، ’’لُکا چھپی‘‘، ’’ارجن پٹیالا‘‘، ’’ممی‘‘ اور ’’بھیڑیا‘‘ شامل ہیں۔ ذرائع نے مزید بتایا، ’’میڈاک فلمز مسلسل کامیابیاں حاصل کر رہی ہے اور یہ کریتی کا اس پروڈکشن ہاؤس کے ساتھ نواں اشتراک ہوگا۔ فلم ’’ممی‘‘ کے بعد یہ ان کی دوسری فلم ہوگی جس میں وہ تنہا مرکزی کردار ادا کریں گی۔ فلم ’’ممی‘‘ میں اداکاری پر انہیں قومی فلم ایوارڈ ملا تھا۔ میڈاک کی ہارر کامیڈی فلموں کی دنیا سے مختلف، یہ مکمل طور پر ہارر فلم ہوگی۔ پروڈکشن ہاؤس پہلی مرتبہ اس صنف کو آزمانے جا رہا ہے۔ فلم ساز اسے بڑے پیمانے پر بنانے کا ارادہ رکھتے ہیں۔ اگرچہ فی الحال اس کی تفصیلات خفیہ ہیں، تاہم یہ ایک دلچسپ منصوبہ ہے جس کا انتظار کیا جا سکتا ہے۔‘‘

یہ بھی پڑھئے: ماجد مجیدی کی ’’مڈ ڈے میل‘‘ نے بوسان فلم فیسٹیول کا سب سے بڑا ایوارڈ جیت لیا

اس طرح نئی فلم ’’ممی‘‘ کے بعد میڈاک فلمز کے ساتھ کریتی سینن کی دوسری ایسی فلم ہوگی جس میں وہ تنہا مرکزی کردار ادا کریں گی۔ کریتی سینن آخری مرتبہ ہومی اداجانیا کی ہدایتکاری میں بننے والی فلم ’’کاک ٹیل ۲‘‘ میں نظر آئی تھیں۔ اس فلم میں شاہد کپور اور رشمیکا مندانا نے بھی اہم کردار ادا کیے تھے۔