سارہ ارجن، ہندوستانی فلم انڈسٹری کی ابھرتی ہوئی نوجوان اداکارہ، نے چھوٹی عمر میں ہی اداکاری کا آغاز کر کے اپنی پہچان بنالی ہے۔ ڈیڑھ سال کی عمر میں ٹی وی کمرشلز سے شروعات کرنے والی سارہ نے تمل اور ہندی فلموں میں اپنی صلاحیت کا لوہا منوایا۔ ۲۰۲۵ء کی ہندی فلم ’’دھرندھر‘‘ میں مرکزی کردار ادا کر کے انہیں خاص شہرت حاصل ہوئی، اور اب وہ سیکوئل ’’دھرندھر: دی ریوینج‘‘ میں دوبارہ اسکرین کی زینت بنی ہوئی ہیں،جس سے ان کی اداکاری کو مزید پذیرائی مل رہی ہے۔

سارہ ارجن ایک ہندوستانی اداکارہ ہیں جو بنیادی طور پر تمل اور ہندی فلموں میں کام کرتی ہیں۔ وہ اداکار راج ارجن کی بیٹی ہیں۔ وہ ۱۸؍ جون ۲۰۰۵ء کو ممبئی میں پیدا ہوئیں۔ آج سارہ کی عمر تقریباً ۲۰؍ سال ہے۔ انہیں فلم ’’دھرندھر‘‘ اور ’’دھرندھر ۲‘‘ سے خصوصی پہچان ملی۔

یہ بھی پڑھئے: پرویر کور پندھیر نے ’’دُھرندھر ۲‘‘ میں رنویر کی بہن کا رول نبھایا

ڈیڑھ سال کی عمر میں کام شروع کیا
سارہ نے بہت چھوٹی عمر میں کام کرنا شروع کر دیا تھا۔ صرف ڈیڑھ سال یعنی ۱۸؍ ماہ کی عمر میں، انہوں نے اپنا پہلا ٹی وی کمرشل شوٹ کیا۔ ۵؍ سال کی عمر تک سارہ ۱۰۰؍ سے زیادہ اشتہارات میں نظر آ چکی تھیں۔ سارہ چھوٹی عمر میں ہی کئی مشہور اشتہارات کا چہرہ بن گئیں تھیں۔

تمل فلم سے اداکاری کا آغاز کیا
سارہ نے اپنی اداکاری کا آغاز ۶؍ سال کی عمر میں ۲۰۱۱ء میں ریلیز ہونے والی تمل فلم ’’دیوا تھیروماگل‘‘ سے کیا۔ اس فلم میں انہوں نے نیلا نامی لڑکی کا کردار ادا کیا جو اداکار وکرم کے ساتھ اداکاری کرتی ہے۔ یہ فلم بہت کامیاب ہوئی تھی اور سارہ کی اداکاری کو بہت سراہا گیا تھا۔ اس پر انہیں کئی ایوارڈز بھی ملے۔

یہ بھی پڑھئے: انوشکا شرما کی واپسی، ایٹلی کی فلم ’’اے اے ۲۲ ایکس اے ۶‘‘ میں نظر آئیں گی

ہندی فلموں میں کام
سارہ نے اپنے ہندی فلمی کیریئر کا آغاز ۲۰۱۳ء میں فلم ’’ایک تھی ڈائن‘‘ سے کیا جو ایک مافوق الفطرت تھرلر فلم ہے۔ اس فلم میں، انہوں نے میشا کا کردار ادا کیا، اس فلم میں عمران ہاشمی بھی تھے۔ اس کے علاوہ وہ کئی فلموں میں نظر آ چکی ہیں، جن میں ’’جذبہ‘‘، سانڈ کی آنکھ‘‘ اور ’’پونیئن سیلون‘‘ شامل ہیں۔ فلم ’’پونیئن سیلون‘‘ میں سارہ نے ایشوریا رائے بچن کے مدمقابل ایک مختصر کردار ادا کیا تھا۔

’’دھرندھر‘‘ سے حقیقی پہچان ملی
سارہ نے ۲۰۲۵ء کی ہندی فلم ’’دھرندھر‘‘ میں مرکزی کردار ادا کیا تھا۔ اس فلم میں، انہوں نے یالینا جمالی کا کردار ادا کیا، اور انہوں نے رنویر سنگھ کے مدمقابل اداکاری کی۔ اس فلم میں رنویر سنگھ، اکشے کھنہ، سنجے دت، ارجن رامپال، اور آر مادھاون شامل ہیں۔

یہ بھی پڑھئے: فلم ’’دُھرندھر: دی ریونج ‘‘دیکھ کر پاکستان نے اسے تھرڈ کلاس قرار دیا

سارہ کی کارکردگی کو سراہا گیا
’’دھرندھر‘‘ میں سارہ کی اداکاری کو بہت سراہا گیا۔ رنویر سے بہت کم عمر ہونے کے باوجود ان کی اداکاری اور اسکرین پر موجودگی کو بہت سراہا گیا۔ فلم کی کامیابی کے بعد سارہ کو کافی مقبولیت ملی۔ وہ سوشل میڈیا پر ٹرینڈ کرنے لگیں، آئی ایم ڈی بی میں سرفہرست رہیں، اور لوگ انہیں نئی نسل کی باصلاحیت اداکارہ کے طور پر پہچاننے لگے۔ وہ اب دھرندھر: دی ریوینج میں نظر آ رہی ہیں۔