’’دی ریزرکشن آف دی کرائسٹ‘‘ کو ۲۰۲۷ء میں دو حصوں میں ریلیز کیا جائے گا۔ میل گبسن کی ہدایتکاری میں بنی یہ فلم ’’دی پیشن آف دی کرائسٹ‘‘ کا سیکوئل ہے۔

میل گبسن کی فلم ’’دی ریزرکشن آف کرائسٹ‘‘ کو کنیڈا نژاد امریکی فلم پروڈکشن کمپنی لائن گیٹ کے ذریعے ۲۰۲۷ء میں دو حصوں میں ریلیز کیا جائے گا۔ چونکہ اس فلم کو مذہبی موضوعات پربنایا گیا ہے اس لئے فلم کے پہلے حصے کو گڈ فرائڈے (۲۶؍ مارچ ۲۰۲۷ء ) اور دوسرے حصے کو ۴۰؍ دن بعد یعنی عید صعود (۶؍ مئی ۲۰۲۷ء )کو ریلیز کیا جائے گا۔

THE RESURRECTION OF THE CHRIST Parts One and Two - coming to theaters Spring 2027.

PART ONE
Good Friday - March 26, 2027

PART TWO
Ascension Day - May 6, 2027 pic.twitter.com/HphYQFl7ox

— The Resurrection of The Christ (@ResurrectFilm) August 5, 2025

باکس آفس پر فلم کے پہلے حصے کو صرف وانر بروس کی بلا عنوان فلم کا سامنا ہے لیکن فلم کے دوسرے حصے کو سونی ویڈیو گیم سے متاثر ہوکر بنائی گئی فلم ’’دی لیجنڈ آف زیلڈا‘‘ کا سامنا ہے۔ ’’دی ریزرکشن آف کرائسٹ‘‘ کے پلاٹ کی تفصیلات مخفی رکھی گئی ہیں۔یاد رہے کہ یہ فلم گبسن کی ۲۰۰۴ء کی بلاک بسٹر فلم ’’دی پیشن آف دی کرائسٹ‘‘ کا فالو اپ ہے جسے حضرت عیسیٰ ؑ کی زندگی کے آخری کے ۱۲؍ گھنٹوں کو دکھایا گیا تھا`

یہ بھی پڑھئے: ’سیارہ‘ کی کامیابی سے ۴۰؍ سالہ بالی ووڈ اداکار پریشان ہیں: کومل نہتا

اس فلم میں جم کیوزیل نے حضرت عیسیٰؑ کا کردار نبھایا تھا۔ ’’دی ریزرکشن آف دی کرائسٹ‘‘ کے دونوں حصوں کو گبسن اورآئیکون پروڈکشن کے ان کے ساتھی بروس ڈیوی پروڈیوس کریں گے اور اس کی ہدایتکاری گبسن نے انجام دی ہے۔